ഷാർജ: യു.എ.ഇയിൽ ജനകീയമായിക്കൊണ്ടിരിക്കുന്ന ഇ-സ്പോർട്സ് ചാമ്പ്യൻഷിപ് പ്രഖ്യാപിച്ച് ഷാർജ മീഡിയ സിറ്റി (ശംസ്). ആഗസ്റ്റ് 23 മുതൽ 25 വരെ നടക്കുന്ന ചാമ്പ്യൻഷിപ്പിന്‍റെ ഓരോ ദിവസവും വിജയികൾക്ക് 10,000 ദിർഹം സമ്മാനമായി ലഭിക്കും.
വൈകീട്ട് നാലുമുതൽ രാത്രി 10 വരെ ശംസ് ബിസിനസ് സെന്‍ററിലാണ് മത്സരങ്ങൾ. ഫിഫ 24, ടെക്കൻ 8, സൂപ്പർ സ്മാഷ് ബ്രോസ് എന്നീ വിഡിയോ ഗെയിമുകളിലാണ് മത്സരങ്ങൾ. ഓരോ ദിനവും 10,000 ദിർഹം വീതം മൂന്നു ദിവസത്തേക്ക് ആകെ 30,000 ദിർഹമിന്‍റെ സമ്മാനങ്ങളാണ് നൽകുന്നത്. ഓരോ മത്സരങ്ങളിൽ ഏറ്റവും മികച്ച കളിക്കാരായ ആറു പേർക്കാണ് സമ്മാനം.
300 കളിക്കാർ മത്സരത്തിൽ പങ്കെടുക്കുമെന്നാണ് പ്രതീക്ഷ. ഇ-സ്പോർട്സ് വ്യവസായ മേഖലയിൽ ഏറ്റവും മികച്ച ഇടമെന്ന നിലയിൽ ഷാർജയുടെ സ്ഥാനം ഉയർത്തുകയാണ് ചാമ്പ്യൻഷിപ്പിലൂടെ ലക്ഷ്യമിടുന്നതെന്ന് ഷാർജ മീഡിയ സിറ്റിയിലെ മീഡിയ പ്രോജക്ട്സ് ഡെവലപ്മെന്‍റ് ആക്ടിങ് ഡയറക്ടർ ആലിയ അൽ സുവൈദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.