മൃ​ഗ​ങ്ങ​ളു​ടെ​​ സ്വൈ​ര വി​ഹാ​ര​ത്തി​ന്​ റോ​ഡ​രി​കി​ൽ പ്ര​ത്യേ​ക സ​​ങ്കേ​തം

ഷാ​ർ​ജ: ഒ​ട്ട​ക​ങ്ങ​ൾ, കു​തി​ര​ക​ൾ എ​ന്നി​വ ഉ​ൾ​പ്പെ​ടെ മൃ​ഗ​ങ്ങ​ൾ​ക്ക്​ സ്വ​ത​ന്ത്ര​മാ​യി വി​ഹ​രി​ക്കാ​ൻ ക​ഴി​യു​ന്ന രീ​തി​യി​ൽ റോ​ഡ​രി​കി​ൽ പ​രി​സ്ഥി​തി സ​​ങ്കേ​ത​മൊ​രു​ക്കു​ന്നു. യു.​എ.​ഇ സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ​ശൈ​ഖ് ഡോ.​ ​സു​ൽ​ത്താ​ൻ ബി​ൻ മു​ഹ​മ്മ​ദ്​ അ​ൽ ഖാ​സി​മി​യാ​ണ് ജീ​വ​ജാ​ല​ങ്ങ​ൾ​ക്ക്​ സം​ര​ക്ഷ​ണ​മേ​കാ​നു​ള്ള പ​ദ്ധ​തി​ക്ക്​ അം​ഗീ​കാ​രം ന​ൽ​കി​യ​ത്.

കാ​ട്ടു​ചെ​ടി​ക​ൾ, മ​ര​ങ്ങ​ൾ, മൃ​ഗ​ങ്ങ​ൾ, പ്രാ​ണി​ക​ൾ, ഉ​ര​ഗ​ങ്ങ​ൾ എ​ന്നി​വ​യെ സം​ര​ക്ഷി​ക്കു​ന്ന​തി​നും പ്ര​കൃ​തി​യു​ടെ സ​ന്തു​ലി​താ​വ​സ്ഥ നി​ല​നി​ർ​ത്താ​നു​മു​ള്ള അ​ന്ത​രീ​ക്ഷം സൃ​ഷ്ടി​ക്കു​ക​യു​മാ​ണ്​ ല​ക്ഷ്യം.

അ​തേ​സ​മ​യം, പ്ര​കൃ​തി സം​ര​ക്ഷ​ണ കേ​ന്ദ്ര​ങ്ങ​ളാ​യ ഈ ​സം​രം​ഭം ആ​ളു​ക​ൾ​ക്ക്​ ന​ട​ക്കാ​ൻ ക​ഴി​യു​ന്ന പാ​ർ​ക്കു​ക​ളാ​യി ക​ണ​ക്കാ​ക്ക​രു​തെ​ന്ന്​ റേ​ഡി​യോ​യി​ലും ടെ​ലി​വി​ഷ​നി​ലു​മാ​യി ന​ട​ക്കു​ന്ന ‘ഡ​യ​റ​ക്ട്​​ലൈ​ൻ’ പ്രോ​ഗ്രാ​മി​ലൂ​ടെ സു​ൽ​ത്താ​ൻ ഓ​ർ​മി​പ്പി​ച്ചു.

പ്രാ​ണി​ക​ൾ, ഉ​ര​ഗ​ങ്ങ​ൾ, പ​ക്ഷി​ക​ൾ തു​ട​ങ്ങി​യ​വ ഉ​ൾ​പ്പെ​ടെ വം​ശ​നാ​ശ ഭീ​ഷ​ണി നേ​രി​ടു​ന്ന ജീ​വ​ജാ​ല​ങ്ങ​ൾ​ക്ക്​ സു​ര​ക്ഷി​ത താ​വ​ള​മൊ​രു​ക്കു​ന്ന പ​ദ്ധ​തി​യി​ൽ പൊ​തു​ജ​ന​ങ്ങ​ളു​ടെ പ്ര​വേ​ശ​നം സു​ര​ക്ഷാ ഭീ​ഷ​ണി​യു​ണ്ടാ​ക്കു​മെ​ന്ന്​ അ​ദ്ദേ​ഹം വ്യ​ക്ത​മാ​ക്കി.

ഷാ​ർ​ജ​യി​ലെ അ​ൽ​ദൈ​ദ്​ റോ​ഡി​ലാ​ണ്​ പ​ദ്ധ​തി​യു​ടെ ആ​ദ്യ ഘ​ട്ടം ന​ട​പ്പി​ലാ​ക്കു​ക. റോ​ഡ​രി​കി​ൽ നി​ർ​മി​ക്കു​ന്ന പ​രി​സ്ഥി​തി സൗ​ഹൃ​ദ​പ​ര​മാ​യ വേ​ലി​ക്കു​ള്ളി​ൽ ഒ​ട്ട​ക​ങ്ങ​ൾ​ക്കും ആ​ടു​ക​ൾ​ക്കും സ്വ​ത​ന്ത്ര​മാ​യി വി​ഹ​രി​ക്കാ​ൻ ക​ഴി​യും. ബാ​ഹ്യ ഇ​ട​പെ​ട​ലു​ക​ളി​ല്ലാ​തെ വ​ന്യ​ജീ​വി​ക​ൾ വ​ള​രു​ന്ന റി​സ​ർ​വു​ക​ളി​ലെ സ്വാ​ഭാ​വി​ക സ​ന്തു​ലി​താ​വ​സ്ഥ വ​ള​രെ പ്ര​ധാ​ന​പ്പെ​ട്ട​താ​ണ്.

പ്ര​ത്യേ​കി​ച്ച്​ ഷാ​ർ​ജ​യി​ൽ മാ​ത്രം ക​ണ്ടു​വ​രു​ന്ന ജീ​വി​ക​ളു​ടെ സം​ര​ക്ഷ​ണ​ത്തി​നാ​യി പ്ര​കൃ​തി​യെ ബ​ഹു​മാ​നി​ക്കാ​ൻ നി​വാ​സി​ക​ൾ ത​യാ​റാ​വ​ണം. 1972 മു​ത​ൽ താ​ൻ പി​ന്തു​ട​രു​ന്ന പ​രി​സ്ഥി​തി സം​ര​ക്ഷ​ണ​ത്തോ​ടു​ള്ള പ്ര​തി​ബ​ദ്ധ​ത​യു​ടെ ഭാ​ഗ​മാ​യാ​ണ്​ പു​തി​യ പ​ദ്ധ​തി​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. അ​തേ​സ​മ​യം, മൃ​ഗ​ങ്ങ​ളെ കാ​ണാ​നും നി​രീ​ക്ഷി​ക്കാ​നു​മാ​യി റോ​ഡ​രി​കി​ൽ പ്ര​ത്യേ​ക പാ​ർ​ക്കി​ങ്​ സ്ഥ​ല​ങ്ങ​ൾ നി​ർ​മി​ക്കും.