മുംബൈ ഇന്ത്യൻസ് താരങ്ങളായ ആദിത്യ താരെയും ധവാൽ കുൽകർണിയും കുഞ്ഞുങ്ങളുമൊത്ത് ബീച്ചിൽ എത്തിയപ്പോൾ
ദുബൈ: ക്വാറൻറീൻ കഴിഞ്ഞ് പുറത്തിറങ്ങിയ ഐ.പി.എൽ താരങ്ങൾ ഇപ്പോൾ ഉല്ലാസ മൂഡിലാണ്. ദുബൈയിലെയും അബൂദബിയിലെയും ഹോട്ടലിനോട് ചേർന്ന ബീച്ചുകളിലാണ് താരങ്ങളുടെ ആഘോഷം. കുടുംബ സമേതം ബീച്ചിൽ ഉല്ലസിക്കുന്ന മുംബൈ ഇന്ത്യൻസ് താരങ്ങളുടെ ചിത്രം ടീമിെൻറ ട്വിറ്റർ പേജിലൂടെ പുറത്തുവിട്ടപ്പോൾ രാജസ്ഥാൻ ടീമും ഒന്നടങ്കം ബീച്ചിലെത്തി. ഭാര്യമാരും കുടുംബാംഗങ്ങളും ഉൾപ്പെടെയാണ് മുംബൈ ഇന്ത്യൻസ് ബീച്ചിലെത്തിയത്.
താരങ്ങൾ ബീച്ചിൽ ഫുട്ബാൾ കളിക്കുന്നതിെൻറയും നീന്തുന്നതിെൻറയും ദൃശ്യങ്ങളും ട്വീറ്റ് ചെയ്തിട്ടുണ്ട്. ദുബൈ റോയൽ മിറാഷ് ഹോട്ടലിൽ താമസിക്കുന്ന രാജസ്ഥാൻ റോയൽസ് ടീമിെൻറ ജഴ്സി പ്രകാശനം ദുബൈ ബീച്ചിൽ വ്യത്യസ്തമായാണ് സംഘടിപ്പിച്ചത്. വിമാനത്തിൽനിന്ന് പാരച്യൂട്ട് വഴി താഴേക്കു പറന്നിറങ്ങിയ സ്കൈ ഡൈവിങ് താരം ഡാനി റോമനാണ് രാജസ്ഥാൻ ടീമിെൻറ ജഴ്സി ബീച്ചിൽ എത്തിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.