ഫുജൈറ: ആറാമത് അറേബ്യന്‍ കുതിരസൗന്ദര്യ മത്സരം ഫുജൈറ ഫോര്‍ട്ട്‌ അങ്കണത്തില്‍ നടക്കും. ഫുജൈറ കിരീടാവകാശി ശൈഖ് മുഹമ്മദ്‌ ബിന്‍ ഹമദ് അല്‍ ശര്‍ഖിയുടെ രക്ഷാകൃത്വത്തിൽ വ്യാഴാഴ്ച മുതല്‍ ശനിയാഴ്ച വരെയാണ് മത്സരം. കുതിരകളുടെ ശരീരഘടന, ശക്തി, നടക്കുന്നതിലെയും ഓടുന്നതിലെയും സൗന്ദര്യം എന്നിവ വിലയിരുത്തിയാണ് വിജയം കണക്കാക്കുന്നത്. പെണ്‍കുതിരകള്‍ക്കും ആണ്‍കുതിരകള്‍ക്കും കുട്ടിക്കുതിരകള്‍ക്കും വെവ്വേറെയാണ് മത്സരം. ദിവസവും വൈകീട്ട് രണ്ട് മുതല്‍ 10വരെ നീണ്ടുനില്‍ക്കുന്ന മത്സരത്തില്‍ യു.എ.ഇയുടെ വിവിധ ഭാഗങ്ങളില്‍നിന്ന് 250ല്‍ അധികം കുതിരകള്‍ മാറ്റുരക്കുമെന്ന് ബ്യൂട്ടി ചാമ്പ്യൻഷിപ് മാനേജര്‍ അലി മുസബഹ് അല്‍ കഹ്ബി പറഞ്ഞു. വിദേശികളും സ്വദേശികളുമായി നിരവധിയാളുകളാണ് മത്സരം കാണാന്‍ ഇവിടെ എത്താറുള്ളത്. പ്രദര്‍ശനമത്സരം കാണാന്‍ എത്തുന്ന കാണികള്‍ക്ക് റാഫിള്‍ കൂപ്പണുകളിലൂടെ കാഷ് പ്രൈസുകളും മറ്റു നിരവധി സമ്മാനങ്ങളും വിതരണം ചെയ്യുമെന്ന് സംഘാടകര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.