ദുബൈയിൽ പുലിയിറങ്ങി?

ദുബൈ: ദുബൈ സ്​പ്രിങ്​ 3 പ്രദേശത്തുള്ളവർ ഇപ്പോൾ ഒരു പുലിയുടെ പിറകിലാണ്​.കണ്ടത്​ പുലിയാണോ കടുവയാണോ വലിയ കാട്ടുപൂച്ചയാണോ എന്ന്​ നിശ്ചയമില്ല. പക്ഷെ, ഏ​തോ വന്യജീവി ഇറങ്ങിയെന്ന വാർത്ത കേട്ട്​ ഞെട്ടിയിരിക്കുകയാണ്​ ഈ പ്രദേശത്തുള്ളവർ. പ്രദേശത്ത്​ വന്യജീവി ഇറങ്ങിയിട്ടുണ്ടെന്ന്​ പൊലീസും സ്​ഥിരീകരിച്ചതോടെ മുൻകരുതലിലാണ്​ പ്രദേശവാസികൾ.

പുലിയുടെ രൂപത്തിലുള്ള ജീവിയുടെ വിഡിയോ സമൂഹ മാധ്യമങ്ങളിൽ പ്രചരിച്ചതോടെയാണ്​ പൊലീസും അന്വേഷണവുമായിറങ്ങിയത്​. ഇതോടെ പുലിയെ കണ്ടുവെന്ന അവകാശവാദവുമായി ചിലർ രംഗത്തെത്തി. സ്​പ്രിങ്​ 3 പ്രദേശത്തിറങ്ങിയ വന്യജീവിയെ പിടികൂടാനും കണ്ടെത്താനും പരിശീലനം ലഭിച്ച പ്രഫഷനലുകളെ നിയോഗിച്ചിട്ടുണ്ടെന്നും ജനങ്ങളുടെ സുരക്ഷക്ക്​ ആവശ്യമായ നടപടികൾ സ്വീകരിച്ചിട്ടുണ്ടെന്നും ദുബൈ പൊലീസ്​ ട്വീറ്റ്​ ചെയ്​തു. പ്രദേശത്തുള്ളവർ ജാഗ്രത പാലിക്കണം.

വന്യമൃഗങ്ങളെ വീടുകളിൽ വളർത്തുന്നതും തുറന്നുവിടുന്നതും എമിറേറ്റിൽ കർശനമായി നിരോധിച്ചിട്ടുണ്ട്​.ഇത്തരക്കാർക്കെതി​െര കടുത്ത നടപടിയുണ്ടാകുമെന്നും പൊലീസ്​ പറഞ്ഞു. ആറ്​ മാസം തടവും പിഴയും ലഭിക്കാവുന്ന കുറ്റമാണിത്​.