വാക്​സിനെടുത്തവർ രണ്ടു ദിവസംകൊണ്ട്​ ഉസ്​ബകിസ്​താൻ വഴി ദുബൈയിലേക്ക്​

ദുബൈ: ഇന്ത്യക്കാർക്ക്​​ രണ്ടു ദിവസം കൊണ്ട്​ ഉസ്​ബകിസ്​താൻ ഉൾപ്പെടെ വിദേശരാജ്യങ്ങൾ വഴി ദുബൈയിലെത്താൻ വഴി തെളിയുന്നു.രണ്ട്​ ഡോസ്​ വാക്​സിനെടുത്ത മലയാളികൾ അടക്കമുള്ളവർ ഉസ്​ബകിസ്​താനിലെ​ താഷ്​കൻറ്​ വിമാനത്താവളം വഴി വെള്ളിയാഴ്​ച ദുബൈയിലെത്തി​. 14 ദിവസം ക്വാറൻറീൻ പൂർത്തീകരിക്കാതെയാണ്​ ഇവർ ദുബൈയിലെത്തിയത്​. വാക്​സിനേഷൻ പൂർത്തിയാക്കിയവർക്ക്​ ദുബൈയിലെത്താമെന്ന പുതിയ ഇളവ്​ ഉപയോഗിച്ചായിരുന്നു യാത്ര.

ഉസ്​ബകിസ്​താനിലെ ഹോട്ടൽ ക്വാറൻറീൻ ഒഴിവാക്കുന്നതിനാൽ കുറഞ്ഞ ചെലവിൽ യാത്ര ചെയ്യാമെന്ന്​ വെള്ളിയാഴ്​ച ദുബൈയിലെത്തിയ തൃശൂർ കൊടുങ്ങല്ലൂർ സ്വദേശി റൈജു രവി പറഞ്ഞു. നാട്ടിൽ നിന്ന്​ 14 ദിവസത്തെ ക്വാറൻറീൻ പാക്കേജിലാണ്​ വന്നത്​.

എന്നാൽ, ക്വാറൻറീൻ കാലാവധി പൂർത്തിയാകുന്നതിന്​ മുമ്പ്​ തന്നെ പുതിയ ഇളവ്​ പരീക്ഷിച്ചുനോക്കാൻ തീരുമാനിക്കുകയായിരുന്നു. ട്രാവൽ ഏജൻസിക്കാർ ഉറപ്പു​ പറയാത്തതിനാൽ സ്വന്തം റിസ്​കിലാണ്​ വന്നത്​.ജോലി പോകുമെന്ന ഘട്ടത്തിലാണ്​ റിസ്​കെടുക്കാൻ തയാറായത്​. യാത്രക്ക്​ നാലുമണിക്കൂർ മു െമ്പടുക്കേണ്ട റാപിഡ്​ പി.സി.ആർ പരിശോധന താഷ്കൻറിൽ വെച്ച്​ പൂർത്തിയാക്കി. താഷ്​കൻറ്​ വിമാനത്താവളത്തിൽ കർശന പരിശോധനയുണ്ട്​. വാക്​സിനേഷൻ ഉൾപ്പെടെ ദുബൈ നിർദേശിച്ച എല്ലാ നിബന്ധനകളും പാലിക്കുന്നവർക്ക്​ മാത്രമാണ്​ അവിടെനിന്ന്​ യാത്ര അനുവദിക്കുന്നത്​.

ഒന്നര മാസം മുമ്പ് നാട്ടിലേക്ക്​ മടങ്ങു േമ്പാൾതന്നെ രണ്ട്​ ഡോസ്​ വാക്​സിനേഷനും പൂർത്തീകരിച്ചിരുന്നു. അതിനാൽ കാര്യങ്ങൾ എളുപ്പമായി.ദുബൈയിലെത്തിയ ശേഷം സ്വന്തം ചെലവിലാണ്​ ഇൻസ്​റ്റിറ്റ്യുഷനൽ ക്വാറൻറീൻ. ഇതിനായി ഹോട്ടൽ നേരത്തേ ബുക്ക്​ ചെയ്​തിരുന്നു.

നാലുമണിക്കൂറിനുള്ളിൽ പരിശോധന ഫലം ലഭിച്ചു. യു.എ.ഇയിലേക്ക് വരാൻ നിരവധി മലയാളികൾ താഷ്കൻറിൽ തുടരുന്നുണ്ടെന്നും റൈജു പറഞ്ഞു.പുതിയ പ്രോ​ട്ടോകോൾ പ്രകാരം യു.എ.ഇ അംഗീകരിച്ച രണ്ട്​ ഡോസ്​ വാക്​സിനെടുത്തവർക്ക്​ 23 മുതൽ ദുബൈയിലേക്ക്​ വരാം. എന്നാൽ, ഇന്ത്യയിൽ നിന്ന്​ നേരിട്ട്​ വിമാനമില്ലാത്തതിനാലാണ്​ ഉസ്​ബകിസ്​താൻ, അർമീനിയ ഉൾപ്പെടെയുള്ള രാജ്യങ്ങൾ വഴി യാത്ര ചെയ്യുന്നത്​.

ഇന്ത്യയിൽ 14 ദിവസത്തിനിടെ തങ്ങിയവർക്ക്​ യു.എ.ഇ പ്രവേശനം അനുവദിച്ചിരുന്നില്ല.ഇതോടെയാണ്​ മറ്റ്​ രാജ്യങ്ങളിലെത്തി 14 ദിവസം ക്വാറൻറീനിലിരുന്ന ശേഷം ദുബൈയിലെത്തുന്നത്​.