റാസല്ഖൈമയില് ആഭ്യന്തര മന്ത്രാലയത്തിെൻറ യു.എ.ഇ സുവര്‍ണ ജൂബിലി ആഘോഷം
വിജയകരമാക്കിയവരെ ആദരിക്കാന് ചേര്ന്ന യോഗത്തില്നിന്ന്
റാസല്‍ഖൈമ: യു.എ.ഇ സുവര്‍ണ ജൂബിലി ആഘോഷം വിജയകരമാക്കുന്നതിന് യത്നിച്ചവര്‍ക്ക് ആദരമര്‍പ്പിച്ച് റാക് ആഭ്യന്തര മന്ത്രാലയം. സുപ്രീം കൗണ്‍സില്‍ അംഗവും റാസല്‍ഖൈമ ഭരണാധിപനുമായ ശൈഖ് സഊദ് ബിന്‍ സഖര്‍ ആല്‍ ഖാസിമിയുടെ രക്ഷാകര്‍തൃത്വത്തിലും കിരീടാവകാശി ശൈഖ് മുഹമ്മദ് ബിന്‍ സഊദിെൻറ സാന്നിധ്യത്തിലും രാജ്യത്തിെൻറ യശസ്സ് ഉയര്‍ത്തുന്ന ആഘോഷ പരിപാടികളാണ് മര്‍ജാന്‍ ഐലൻറ് കേന്ദ്രീകരിച്ച് നടത്തിയതെന്ന് റാക് പൊലീസ് മേധാവി അലി അബ്ദുല്ല അല്‍വാന്‍ അല്‍ നുഐമി പറഞ്ഞു.
ആഭ്യന്തര മന്ത്രാലയത്തിെൻറ സുവര്‍ണ ജൂബിലി ആഘോഷം പ്രൗഢമാക്കിയതിന് സര്‍ക്കാര്‍, സ്വകാര്യ സ്ഥാപനങ്ങളും വ്യക്തികളും സമൂഹവും നല്‍കിയ പിന്തുണയെ അലി അബ്ദുല്ല പ്രശംസിച്ചു. ഡെപ്യൂട്ടി മേധാവി ബ്രിഗേഡിയര്‍ അബ്ദുല്ല ഖമീസ് അല്‍ ഹദീദി, ലഫ്റ്റനൻറ് കേണല്‍ യൂസഫ് അബ്ദുല്ല അല്‍ തനൈജി തുടങ്ങി വിവിധ വകുപ്പ് മേധാവികളും ഉദ്യോഗസ്ഥരും സംബന്ധിച്ചു. സുവര്‍ണ ജൂബിലി ആഘോഷങ്ങളുമായി സഹകരിച്ചവര്‍ക്ക് പ്രശസ്തിഫലകവും സാക്ഷ്യപത്രവും ചടങ്ങില്‍ വിതരണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.