സ്വ​പ്ന​ങ്ങ​ൾ വീ​ണു​ട​ഞ്ഞ രാ​വ്​

ദു​ബൈ: അ​ത്ര​മേ​ൽ ആ​ത്മ​വി​ശ്വാ​സ​​ത്തോ​ടെ​യാ​ണ്​ യു.​എ.​ഇ ടീം ​ഖ​ത്ത​റി​ലേ​ക്ക്​ വി​മാ​നം ക​യ​റി​യ​ത്. ദ​ക്ഷി​ണ കൊ​റി​യ​യെ തോ​ൽ​പി​ച്ച​തും ഗാം​ബി​യ​ക്കെ​തി​രെ സ​മ​നി​ല പി​ടി​ച്ച​തും അ​വ​രു​ടെ ആ​ത്മ​വി​ശ്വാ​സം പ​തി​ന്മ​ട​ങ്ങ്​ വ​ർ​ധി​പ്പി​ച്ചി​രു​ന്നു. എ​ന്നാ​ൽ, 85ാം മി​നി​റ്റി​ൽ കോ​ർ​ണ​ർ കി​ക്കി​ൽ​നി​ന്ന് ഗ​തി​മാ​റി​യെ​ത്തി​യ പ​ന്ത്​ വ​ല​യി​ലെ​ത്തി​ച്ച്​ ആ​സ്​​ട്രേ​ലി​യ​ൻ ​പ്ലേ​മേ​ക്ക​ർ അ​ഡി​ൻ റു​സ്​​റ്റി​ക് യു.​എ.​ഇ​യു​ടെ ലോ​ക​ക​പ്പ്​ സ്വ​പ്ന​ങ്ങ​ളെ ത​ച്ചു​ട​ച്ചു​ക​ള​ഞ്ഞു. മ​ത്സ​ര​ത്തി​ൽ ആ​ധി​പ​ത്യം പു​ല​ർ​ത്തി​യ​ത്​ യു.​എ.​ഇ​യാ​ണെ​ങ്കി​ലും പൊ​രു​തി​ക്കീ​ഴ​ട​ങ്ങാ​നാ​യി​രു​ന്നു വി​ധി.

ഖ​ത്ത​റി​ലെ അ​ഹ​മ്മ​ദ്​ ബി​ൻ അ​ലി സ്​​റ്റേ​ഡി​യം യു.​എ.​ഇ​യു​ടെ ഹോം ​ഗ്രൗ​ണ്ട്​ പോ​ലെ​യാ​യി​രു​ന്നു.

ഗാ​ല​റി​യു​ടെ വ​ല​തു​ഭാ​ഗം വെ​ള്ള​ക്ക​ട​ലാ​ക്കി മാ​റ്റി ആ​ർ​പ്പു​വി​ളി​ച്ച ഇ​മാ​റാ​ത്തി ഫാ​ൻ​സി​നെ ത്ര​സി​പ്പി​ക്കു​ന്ന മു​ന്നേ​റ്റ​ങ്ങ​ളാ​ണ്​ യു.​എ.​ഇ ടീം ​ന​ട​ത്തി​യ​ത്.

യു.​എ.​ഇ ഫു​ട്​​ബാ​ൾ അ​സോ​സി​യേ​ഷ​ൻ മു​ൻ​കൈ​യെ​ടു​ത്ത്​ അ​യ്യാ​യി​ര​ത്തോ​ളം സൗ​ജ​ന്യ ടി​ക്ക​റ്റു​ക​ൾ ന​ൽ​കി​യി​രു​ന്നു. ര​ണ്ട്​ മ​ത്സ​രം ​ജ​യി​ച്ചാ​ൽ അ​യ​ൽ​നാ​ട്ടി​ൽ ലോ​ക​ക​പ്പ്​ ക​ളി​ക്കാ​മെ​ന്ന മോ​ഹ​വു​മാ​യാ​ണ്​ ടീം ​ക​ള​ത്തി​ലി​റ​ങ്ങി​യ​ത്. ആ​ദ്യ പ​കു​തി​യി​ൽ ഗോ​ളൊ​ന്നും പി​റ​ന്നി​ല്ലെ​ങ്കി​ലും യു.​എ.​ഇ ര​ണ്ടു​ത​വ​ണ ല​ക്ഷ്യ​ത്തി​ലേ​ക്ക്​ വെ​ടി​​യു​തി​ർ​ത്തി​രു​ന്നു. ര​ണ്ടാം പ​കു​തി​യി​ൽ ക​ള​ത്തി​ൽ ആ​വേ​ശം ഇ​ര​ട്ടി​ച്ചു. 53ാം മി​നി​റ്റി​ൽ മി​ന്നു​ന്ന നീ​ക്ക​ത്തി​ലൂ​ടെ ജാ​ക്​​സ​ൺ ഇ​ർ​വി​ൻ ഓ​സീ​സി​നെ മു​ന്നി​ലെ​ത്തി​ച്ചെ​ങ്കി​ലും പ്ര​തീ​ക്ഷ കൈ​വി​ടാ​തെ പൊ​രു​തി​യ യു.​എ.​ഇ നാ​ല്​ മി​നി​റ്റി​ന​പ്പു​റം മ​റു​പ​ടി ന​ൽ​കി. ഇ​തോ​ടെ ഗാ​ല​റി വീ​ണ്ടും സ​ട​കു​ട​ഞ്ഞെ​ഴു​ന്നേ​റ്റു. എ​ന്നാ​ൽ, മ​ത്സ​രം തീ​രാ​ൻ അ​ഞ്ച്​ മി​നി​റ്റ്​ മാ​ത്രം ബാ​ക്കി​നി​ൽ​ക്കെ യു.​എ.​ഇ​യു​ടെ ക​ണ്ണീ​ർ വീ​ഴ്ത്തി ഓ​സീ​സ്​ ലീ​ഡ്​ നേ​ടു​ക​യാ​യി​രു​ന്നു. മൂ​ന്ന്​ പ​തി​റ്റാ​ണ്ടു​ക​ൾ​ക്കു​ശേ​ഷം ലോ​ക ക​പ്പ്​ ക​ളി​ക്കു​ക എ​ന്ന സ്വ​പ്ന​മാ​ണ്​ ഇ​തോ​ടെ അ​വ​സാ​നി​ച്ച​ത്.

മ​ത്സ​ര​ത്തി​ൽ ആ​ധി​പ​ത്യം യു.​എ.​ഇ​ക്കാ​യി​രു​ന്നു. പ​ന്ത​ട​ക്ക​ത്തി​ലും പാ​സി​ങ്ങി​ലു​മെ​ല്ലാം താ​ളം ക​ണ്ടെ​ത്തി​യ ടീം ​ഗോ​ൾ നേ​ടു​ന്ന​തി​ൽ മാ​ത്രം പ​രാ​ജ​യ​പ്പെ​ട്ടു.