അബൂദബി: യു.എ.ഇയുടെ സുവര്‍ണ ജൂബിലി ആഘോഷങ്ങളുടെ ഭാഗമായി മൂന്ന് അന്താരാഷ്ട്ര പ്രദര്‍ശനങ്ങള്‍ക്ക് അബൂദബി ചില്‍ഡ്രന്‍സ് മ്യൂസിയം വേദിയാവുന്നു. യു.എ.ഇയുടെ അമ്പതാമത് ദേശീയ ദിനാഘോഷത്തിെൻറയും ലൗറേ അബൂദബിയുടെ നാലാമത് വാര്‍ഷികത്തിെൻറയും ഭാഗമായാണ് പ്രദര്‍ശനങ്ങള്‍. നിരവധി പരിപാടികളാണ് എക്‌സ്ബിഷെൻറ ഭാഗമായി നടക്കുകയെന്ന് ലൗറേ അബൂദബി അധികൃതര്‍ അറിയിച്ചു. സോഫി മകാരിയു ക്യൂറേറ്റര്‍ ആയ പുതിയ എക്‌സിബിഷനില്‍ ചൈനയും ഇസ്‌ലാമിക ലോകവുമായുള്ള സാംസ്‌കാരിക കൈമാറ്റങ്ങള്‍ പ്രതിഫലിക്കുന്ന സൃഷ്ടികളാവും പ്രദര്‍ശിപ്പിക്കുക. ഒക്ടോബര്‍ ആറിനു തുടങ്ങിയ ഈ പ്രദര്‍ശനം 2022 ഫെബ്രുവരി 12 വരെ നീളും. എക്‌സിബിഷെൻറ ഭാഗമായി കുടുംബചിത്രങ്ങളുടെ പ്രദര്‍ശനം, കയാക് സിനിമാ പ്രദര്‍ശനങ്ങള്‍, ഡ്രാഗണ്‍ ബോട്ടുകകള്‍, യോഗ, കയാക്കിങ് മുതലായവയും നടക്കും. യു.എ.ഇയുടെ അമ്പതാം വാര്‍ഷികാഘോഷത്തിെൻറ ഭാഗമായി ഏഴ് എമിറേറ്റുകളിൽ നിന്നുള്ള കലാസൃഷ്ടികളാണ് ലൗറേ അബൂദബി എക്‌സ്ബിഷനില്‍ പ്രദര്‍ശിപ്പിക്കുന്നത്. കഴിഞ്ഞ അര നൂറ്റാണ്ടിനിടെയുള്ള യു.എ.ഇയുടെ ചരിത്രം പ്രതിപാദിക്കുന്ന ചിത്രങ്ങളും വിഡിയോകളും ഉള്‍പ്പെടെ ഇവിടെ പ്രദര്‍ശിപ്പിക്കും. ഇമാറാത്തി സംഗീതത്തിലൂന്നിയുള്ള ഡി.ജെ പാര്‍ട്ടിയും അരങ്ങേറുന്നുണ്ട്. 150 ദിര്‍ഹമാണ് ടിക്കറ്റ് ചാര്‍ജ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.