സന്നദ്ധപ്രവർത്തനം മാന്യമായ മാനുഷിക മൂല്യം –ശൈഖ് സുൽത്താൻ

ഷാർജ: വർഷംതോറും ഡിസംബർ അഞ്ചിനുള്ള അന്താരാഷ്​ട്ര സന്നദ്ധദിനം സന്നദ്ധ പ്രവർത്തനം മാന്യമായ മാനുഷികമൂല്യമാണെന്നതിന് ഉത്തമ ഉദാഹരണമാണെന്ന് സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി പറഞ്ഞു. സന്നദ്ധ പ്രവർത്തനം വ്യക്തികളുടെ ധാർമികത ഉയർത്തുന്നു. യു.എ.ഇ ഈ മാനുഷിക മേഖലയുടെ പ്രാധാന്യം മനസ്സിലാക്കുകയും ആവശ്യമായ നിയമം തയാറാക്കുകയും ചെയ്തു.

സന്നദ്ധപ്രവർത്തനം രാജ്യത്തി​െൻറ ഭൂരിഭാഗം ആളുകളുടെയും ജീവിതത്തി​​െൻറ വലിയ വശമാണ്. വിവിധ സാഹചര്യങ്ങളിലും അവസരങ്ങളിലും അവരുടെ സംഭാവനകളിലൂടെയും കമ്യൂണിറ്റി സേവനങ്ങളിലൂടെയും ഇത് വ്യക്തമാണെന്നും ശൈഖ് സുൽത്താൻ പറഞ്ഞു.