വുഹാനിൽ കുടുങ്ങിയ 215 ഇതര രാജ്യക്കാരെ അബൂദബിയിലെത്തിച്ചു

സി​റി​യ, ഇ​റാ​ഖ്, മൗ​റി​ത്താ​നി​യ, സു​ഡാ​ൻ, ബ്ര​സീ​ൽ, ഈ​ജി​പ്​​ത്, ജോ​ർ​ഡ​ൻ തു​ട​ങ്ങി​യ രാ​ജ്യ​ങ്ങ​ളി​ൽ​നി​ ന്നു​ള്ള വി​ദ്യാ​ർ​ഥി​ക​ളെ​യാ​ണ്​ കൊണ്ടുവന്നത്
ദു​ബൈ: ചൈ​ന​യി​ൽ​നി​ന്നു​ള്ള യാ​ത്ര​ക്കാ​ർ​ക്ക്​ ലോ​ക​മെ​മ്പാ​ടും വി​ല​ക്ക്​ തു​ട​രു​േ​മ്പാ​ൾ ഇതര രാ​ജ്യ​ക്കാ​രാ​യ 215 പേ​രെ വു​ഹാ​ൻ ന​ഗ​ര​ത്തി​ൽ​നി​ന്ന്​ യു.​എ.​ഇ​യി​ലെ​ത്തി​ച്ച്​ ഇ​മ​റാ​ത്തി ഭ​ര​ണ​കൂ​ടം. സി​റി​യ, ഇ​റാ​ഖ്, മൗ​റി​ത്താ​നി​യ, സു​ഡാ​ൻ, ബ്ര​സീ​ൽ, ഈ​ജി​പ്​​ത്, ജോ​ർ​ഡ​ൻ തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്നു​ള്ള വി​ദ്യാ​ർ​ഥി​ക​ളെ​യാ​ണ്​ അ​ബൂ​ദ​ബി​യി​ൽ എ​ത്തി​ച്ച​ത്. ത​ങ്ങ​ളു​ടെ പൗ​ര​ന്മാ​ർ​ക്ക്​ കൈ​ത്താ​ങ്ങാ​യ യു.​എ.​ഇ​ക്ക്​ ന​ന്ദി പ​റ​യു​ന്ന​താ​യി വി​വി​ധ രാ​ഷ്​​ട്രത​ല​വ​ന്മാ​ർ അ​റി​യി​ച്ചു.
വു​ഹാ​നി​ൽ​നി​ന്ന്​ എ​ത്തി​ച്ച​വ​ർ​ക്ക്​ എ​മി​റേ​റ്റ്​​സ്​ ഹ്യൂ​മാ​നി​റ്റേ​റി​യ​ൻ സി​റ്റി​യി​ൽ നി​രീ​ക്ഷ​ണ​വും ചി​കി​ത്സ​യും ക​രു​ത​ലും ഒ​രു​ക്കി​യാ​ണ്​ യു.​എ.​ഇ മാനുഷികമൂല്യങ്ങൾ ഒ​രി​ക്ക​ൽ​കൂ​ടി ഉൗ​ട്ടി​യു​റ​പ്പി​ക്കു​ന്ന​ത്.

യു.​എ.​ഇ ഭ​ര​ണാ​ധി​കാ​രി​ക​ളു​ടെ തീ​രു​മാ​നം 48 മ​ണി​ക്കൂ​റി​നു​ള്ളി​ലാ​ണ്​ വി​ദേ​ശ​കാ​ര്യ​മ​ന്ത്രാ​ല​യം ന​ട​പ്പാ​ക്കി​യ​ത്. യു.​എ.​ഇ പ്ര​സി​ഡ​ൻ​റ്​ ശൈ​ഖ്​ ഖ​ലീ​ഫ ബി​ൻ സാ​യി​ദ്​ ആ​ൽ ന​ഹ്​​യാ​​െൻറ​യും അ​ബൂ​ദ​ബി കി​രീ​ടാ​വ​കാ​ശി​യും യു.​എ.​ഇ സാ​യു​ധ​സേ​ന ഡെ​പ്യൂ​ട്ടി സു​പ്രീം ക​മാ​ൻ​ഡ​റു​മാ​യ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​​െൻറ​യും നി​ർ​ദേ​ശ പ്ര​കാ​ര​മാ​ണ്​ ന​ട​പ​ടി. എ​ല്ലാ​വി​ധ മെ​ഡി​ക്ക​ൽ സം​വി​ധാ​ന​വു​മൊ​രു​ക്കി​യ ഇ​ത്തി​ഹാ​ദി​​െൻറ പ്ര​ത്യേ​ക വി​മാ​ന​ത്തി​ലാ​ണ്​ വി​ദ്യാ​ർ​ഥി​ക​ളെ യു.​എ.​ഇ​യി​ൽ എ​ത്തി​ച്ച​ത്. വി​മാ​ന​ത്താ​വ​ള​ത്ത​ലെ​ത്തി​ച്ച ഇ​വ​രെ ക​ർ​ശ​ന പ​രി​ശോ​ധ​ന​ക്ക​ു​ശേ​ഷം എ​മി​റേ​റ്റ്​​സ്​ ഹ്യു​മാ​നി​റ്റേ​റി​യ​ൻ സി​റ്റി​യ​ി​ലേ​ക്ക്​ മാ​റ്റി.
14 ദി​വ​സ​ത്തെ നി​രീ​ക്ഷ​ണ​ത്തി​നു​ശേ​ഷം ഇ​വ​രെ പു​റ​ത്തു​വി​ടും.

എ​മി​റേ​റ്റ്​​സ്​ ഹ്യു​മാ​നി​റ്റേ​റി​യ​ൻ സി​റ്റി​യി​ൽ എ​ല്ലാ​വി​ധ സ​ജ്ജീ​ക​ര​ണ​ങ്ങ​ളു​മൊ​രു​ക്കി​യി​ട്ടു​ണ്ട്. വി​ദേ​ശ​ത്തു​നി​ന്നെ​ത്തി​യ​വ​ർ​ക്കും കോ​വി​ഡ്​ സം​ശ​യി​ക്കു​ന്ന​വ​ർ​ക്കും വൈ​റ​സ്​ ബാ​ധി​ച്ച​വ​ർ​ക്കും ആ​വ​ശ്യ​മാ​യ അ​ന്താ​രാ​ഷ്​​ട്ര സൗ​ക​ര്യ​ങ്ങ​ൾ ഇ​വി​െ​ട ഒ​രു​ക്കി​യി​ട്ടു​ണ്ട്​്. രോ​ഗി​ക​ൾ​ക്ക്​ മാ​ന​സി​ക സം​ഘ​ർ​ഷ​മു​ണ്ടാ​കാ​ത്ത ത​ര​ത്തി​ലു​ള്ള അ​ന്ത​രീ​ക്ഷ​മാ​ണ്​ ഇ​വി​ടെയുള്ള​ത്. യു.​എ.​ഇ വി​ദേ​ശ​കാ​ര്യ മ​ന്ത്രാ​ല​യ​വും ചൈ​ന​യി​ലെ യു.​എ.​ഇ എം​ബ​സി​യും മ​റ്റു രാ​ജ്യ​ങ്ങ​ളു​ടെ എം​ബ​സി​യും സ​ഹ​ക​രി​ച്ചാ​ണ്​ വി​ദ്യാ​ർ​ഥി​ക​ളെ വു​ഹാ​ൻ ന​ഗ​ര​ത്തി​ൽ​നി​ന്ന്​ ഒ​ഴി​പ്പി​ച്ച​ത്. വൈ​റ​സ്​ നി​യ​ന്ത്രി​ക്കു​ന്ന​തി​ന്​ ചൈ​ന​യെ സ​ഹാ​യി​ക്കാ​ൻ കൂ​ടി ല​ക്ഷ്യ​മി​ട്ടാ​ണ്​ യു.​എ.​ഇ ഇ​വ​ർ​ക്ക്​ സൗ​ക​ര്യ​മൊ​രു​ക്കി​യ​ത്. മ​റ്റു​ള്ള​വ​ർ​ക്ക്​ സ​ഹാ​യ​മെ​ത്തി​ക്കാ​നു​ള്ള ശൈ​ഖ്​ സാ​യി​ദി​​െൻറ കാ​ഴ്​​ച​പ്പാ​ടി​​െൻറ​യും ആ​ഗ്ര​ഹ​ത്തി​​െൻറ​യും സ​ഫ​ലീ​ക​ര​ണ​മാ​ണ്​ യു.​എ.​ഇ​യു​ടെ ഇ​ത്ത​രം പ്ര​വൃ​ത്തി​ക​ളി​ലൂ​ടെ വെ​ളി​വാ​കു​ന്ന​തെ​ന്ന്​ ആ​രോ​ഗ്യ​മ​ന്ത്രാ​ല​യം മെ​ഡി​ക്ക​ൽ റെ​സ്​​പോ​ൺ​സ്​ ടീം ​മേ​ധാ​വി മ​ത്താ​ർ അ​ൽ നു​വാ​മി പ​റ​ഞ്ഞു.

വൂഹാനിൽ കുടുങ്ങിയവർക്ക്​ ശൈഖ്​ മുഹമ്മദ്​ ബിൻ സായിദി​​െൻറ കത്ത്​
ദു​ബൈ: ചൈ​ന​യി​ലെ വൂ​ഹാ​നി​ൽ കു​ടു​ങ്ങി​യ​വ​ർ​ക്ക്​ അ​ബൂ​ദ​ബി കി​രീ​ടാ​വ​കാ​ശി ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ അ​യ​ച്ച ക​ത്ത്​ വൈ​റ​ലാ​കു​ന്നു. വൂ​ഹാ​നി​ൽ​നി​ന്ന്​ അ​ബൂ​ദ​ബി​യി​ലെ​ത്തി​ച്ച 215 പേ​രി​ൽ ഉ​ൾ​പ്പെ​ട്ട സു​ഡാ​നി മെ​ഡി​ക്ക​ൽ വി​ദ്യാ​ർ​ഥി അ​ഹ്​​മ​ദ്​ ഫ​ത്ത​ൽ അ​ലീ​മാ​ണ്​ ശൈ​ഖ്​ മു​ഹ​മ്മ​ദി​​െൻറ ക​ത്ത്​ ഫേ​സ്​​ബു​ക്കി​ൽ പോ​സ്​​റ്റ്​ ചെ​യ്​​ത​ത്.

ക​ത്തി​ൽ പ​റ​യു​ന്ന​ത്​ ഇ​ങ്ങ​നെ: ‘സു​ര​ക്ഷി​ത​മാ​യ സ്​​ഥ​ല​ത്തു​നി​ന്ന്​ അ​പ്ര​തീ​ക്ഷി​ത കാ​ര​ണ​ങ്ങ​ളാ​ൽ മാ​റേ​ണ്ടി വ​രു​േ​മ്പാ​ഴു​ണ്ടാ​കു​ന്ന ബു​ദ്ധി​മു​ട്ട്​ ഞ​ങ്ങ​ൾ​ക്ക്​ മ​ന​സ്സി​ലാ​കും. നി​ങ്ങ​ളെ​യും കു​ടും​ബ​ത്തെ​യും സു​ഹൃ​ത്തു​ക്ക​ളെ​യും ഞ​ങ്ങ​ൾ സ്​​നേ​ഹ​ത്തോ​ടെ സ്വാ​ഗ​തം ചെ​യ്യു​ന്നു. നി​ങ്ങ​ൾ​ക്ക്​ ആ​വ​ശ്യ​മാ​യ എ​ല്ലാ​വി​ധ സ​ഹാ​യ​ങ്ങ​ളും ആ​രോ​ഗ്യ സു​ര​ക്ഷ​യും ഇ​വി​ടെ​യു​ണ്ടാ​വും. നി​ങ്ങ​ൾ സു​ര​ക്ഷി​ത​നാ​ണെ​ന്ന്​ ഉ​റ​പ്പാ​കു​ന്ന സ​മ​യ​ത്ത്​ സ്വ​ന്തം രാ​ജ്യ​ത്തേ​ക്ക്​ മ​ട​ങ്ങി​പ്പോ​കാ​ൻ അ​വ​സ​ര​മു​ണ്ടാ​കും’. അ​ഹ്​​മ​ദ്​ ഫ​ത്ത​ൽ അ​ബൂ​ദ​ബി​യി​ലെ​ത്തി​യ ശേ​ഷം എ​ല്ലാ സു​ഡാ​നി​ക​ൾ​ക്കു​ വേ​ണ്ടി​യും ശൈ​ഖ്​ മു​ഹ​മ്മ​ദി​ന്​ ന​ന്ദി അ​റി​യി​ച്ചു.