ഷാർജ: യു.എ.യിലെ ഏറ്റവും വലിയ ഹൈപ്പര്‍മാര്‍ക്കറ്റുകളിൽ ഒന്നായ സഫാരി ഹൈപ്പർ മാര്‍ക്കറ്റ് നാലാം വാർഷികത്തോടനുബന്ധിച്ച് ‘വിന്‍ 10 നിസാൻ കാർ’ മെഗാ പ്രൊമോഷൻ പ്രഖ്യാപിച്ചു.
ജൂലായ് 25 മുതല്‍ 2024 ജൂണ്‍ രണ്ടു വരെ നീളുന്ന പ്രൊമോഷനിൽ ഓരോ മാസവും നടക്കുന്ന നറുക്കെടുപ്പിൽ ഓരോ കാറുകൾ വീതം ആകെ 10 നിസാൻ കാറുകൾ സമ്മാനമായി ലഭിക്കും.
സഫാരി ഹൈപ്പര്‍മാര്‍ക്കറ്റിൽ നിന്നും 50 ദിര്‍ഹമിന് പര്‍ച്ചേയ്‌സ് ചെയ്യുമ്പോള്‍ ലഭിക്കുന്ന ഇ റാഫിള്‍ കൂപ്പണ്‍ വഴി മൈസഫാരി ആപ്പില്‍ രജിസ്റ്റര്‍ ചെയ്തിട്ടുള്ളവർക്ക് സമ്മാന പദ്ധതിയിൽ പങ്കാളികളാകാം. നേരത്തെ
‘വിൻ വൺ കിലോ ഗോള്‍ഡ്, ‘ഹാഫ് എ മില്യണ്‍, ടയോട്ട ഫോര്‍ച്യൂണര്‍, കൊറോള, നിസാൻ സണ്ണി കാര്‍ മുതലായ പ്രമോഷനുകളും സഫാരി ഹൈപ്പർ മാർക്കറ്റ് പ്രഖ്യാപിച്ചിരുന്നു. 2019 സെപ്തംബര്‍ നാലിന് യു.എ.ഇയിൽ ആരംഭിച്ച സഫാരി ഹൈപ്പർ മാർക്കറ്റ് വിജയകരമായ നാലാം വർഷത്തിലേക്ക് കടക്കുകയാണ്. ജനങ്ങൾ അർപ്പിച്ച വിശ്വാസത്തിലും പിന്തുണയിലും സ്നേഹത്തിലും അങ്ങേയറ്റം കടപ്പാടും നന്ദിയുമുണ്ടെന്ന് സഫാരി ഗ്രൂപ് മാനേജിങ് ഡയറക്ടർ സൈനുൽ ആബിദീൻ പറഞ്ഞു. സഫാരി സന്ദർശിക്കുന്ന ഉപഭോക്താവിന് ഒരു പ്രൊമോഷനിലെങ്കിലും പങ്കാളിയാകാൻ സാധിക്കും വിധത്തിലാണ് ഓഫറുകൾ ഒരുക്കുന്നതെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.