ബസ് യാത്രക്കിടെ പ്രസവിച്ച യുവതിയെ ആശുപത്രിയിൽ സന്ദർശിക്കുന്ന ആർ.ടി.എ വനിത
ഉദ്യോഗസ്ഥർ
ദുബൈ: ഗർഭിണിയായ പ്രവാസി യുവതി ബസ് യാത്രക്കിടെ പ്രസവിച്ചു. യുഗാണ്ടൻ യുവതിയാണ് ദുബൈയിൽനിന്ന് അജ്മാനിലേക്കുള്ള യാത്രക്കിടെ ആർ.ടി.എയുടെ ഡബ്ൾ ഡക്കർ ബസിൽ പ്രസവിച്ചത്. അമ്മയും കുഞ്ഞും സുഖമായിരിക്കുന്നതായി ആർ.ടി.എ ഉദ്യോഗസ്ഥർ അറിയിച്ചു. വനിത പ്രതിനിധികളും ബസ് ഡ്രൈവറും അമ്മയെയും കുഞ്ഞിനെയും ആശുപത്രിയിൽ സന്ദർശിക്കുന്ന ചിത്രം ട്വിറ്ററിൽ പങ്കുവെച്ചാണ് ആർ.ടി.എ വാർത്ത പുറത്തുവിട്ടത്.
സാധാരണ പ്രസവമായിരുന്നെന്നും സംഭവം നടന്നയുടനെ അമ്മയെയും കുഞ്ഞിനെയും ആശുപത്രിയിലേക്കു മാറ്റുകയായിരുന്നുവെന്നും ആർ.ടി.എ വ്യക്തമാക്കി. അമ്മക്കും കുഞ്ഞിനും അഭിനന്ദനമറിയിച്ച ആർ.ടി.എ സംഘം നോൾ കാർഡും സമ്മാനിച്ചാണ് മടങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.