ഫുജൈറ: യുഫെസ്റ്റ് 2017 കലാമാമാങ്കത്തിനു മുന്നോടിയായി പത്തു ദിനങ്ങള്‍ ഇരുപതു സ്കൂളുകള്‍ എന്ന പ്രചാരണ കാമ്പയിനുമായി ഫുജൈറയിലെത്തിയ ഹിറ്റ്‌ 96.7 എഫ്എം സംഘത്തിനു ആവേശം പകര്‍ന്ന് ഇന്ത്യന്‍ വിദ്യാര്‍ഥി സമൂഹം. യു.എ.ഇ യിലെ ഇന്ത്യന്‍ സ്കൂളുകളെ ഉള്‍പ്പെടുത്തി നടക്കുന്ന യുഫെസ്റ്റ് രണ്ടാം എഡിഷനില്‍ കഴിഞ്ഞ വര്‍ഷം നഷ്ടമായ ചാമ്പ്യന്‍ഷിപ്പ് നേടാന്‍ തയ്യാറെടുക്കുകയാണ് ഫുജൈറയില അധ്യാപകരും, വിദ്യാര്‍ത്ഥികളും.
പ്രമുഖ പരസ്യ ഏജന്‍സിയായ ഇക്ക്വുറ്റി പ്ലസ്‌ ഒരുക്കുന്ന യുഫെസ്റ്റ് കലോത്സവത്തിെൻറ ആദ്യഘട്ടത്തില്‍ ചാമ്പ്യന്‍ഷിപ്പ് നേടി ഗ്രാന്‍ഡ്‌ ഫിനാലെയില്‍ എത്താനുള്ള കഠിന ശ്രമത്തിലാണ് ഫുജൈറ സെൻറ് മേരീസ്‌ സ്കൂള്‍. പതിനേഴോളം ഇനങ്ങളില്‍ പങ്കെടുക്കാനുള്ള പരിശീലനം ആരംഭിച്ചു കഴിഞ്ഞു ഇവിടത്തെ സര്‍ഗ്ഗപ്രതിഭകള്‍. സെൻറ് മേരീസ്‌ സ്കൂള്‍ പ്രിന്‍സിപ്പല്‍ ഫാദര്‍.അരുള്‍ ശേഖര്‍ ജീപ്പാസ് യുഫെസ്റ്റ് പോസ്റ്റര്‍ എറ്റുവാങ്ങി. ഹിറ്റ്‌ 96.7 എഫ്എം അവതാരകരായ നയില ഉഷ, അര്‍ഫാസ്, സിന്ധു ബിജു എന്നിവര്‍ പ്രചരണ യാത്രക്ക് നേതൃത്വം നല്‍കി. ഇന്ന് ദുബൈ മേഖലയിലെ സ്കൂളുകളിലാണ് പ്രചാരണ യാത്ര.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.