നിപ: വേണ്ടത് ഭയമല്ല, ജാഗ്രത

കു​റ്റ്യാ​ടി: നി​പ​യു​ടെ പ​ശ്ചാ​ത്ത​ല​ത്തി​ൽ കു​റ്റ്യാ​ടി, നാ​ദാ​പു​രം നി​യോ​ജ​ക മ​ണ്ഡ​ല​ത്തി​ൽ ഉ​ൾ​പ്പെ​ടു​ന്ന ഒ​മ്പ​ത്​ പ​ഞ്ചാ​യ​ത്തു​ക​ളി​ൽ ആ​രോ​ഗ്യ​വ​കു​പ്പി​ന്റെ ജാ​ഗ്ര​താ​നി​ർ​ദേ​ശം. കു​റ്റ്യാ​ടി, മ​രു​തോ​ങ്ക​ര, കാ​വി​ലു​മ്പാ​റ, കാ​യ​ക്കൊ​ടി, കു​ന്നു​മ്മ​ൽ, വേ​ളം, ന​രി​പ്പ​റ്റ, ആ​യ​ഞ്ചേ​രി, തി​രു​വ​ള്ളൂ​ർ പ​ഞ്ചാ​യ​ത്തു​ക​ളി​ലാ​ണ്​ ജാ​ഗ്ര​താ​നി​ർ​ദേ​ശം. മ​രു​തോ​ങ്ക​ര ക​ള്ളാ​ട്​ മ​രി​ച്ച 45കാ​ര​ന്റെ എ​ട്ടു വ​യ​സ്സു​ള്ള മ​ക​നും നാ​ലു വ​യ​സ്സു​ള്ള മ​ക​ളും തി​രു​വ​ള്ളൂ​രി​ലെ ഭാ​ര്യാ​സ​ഹോ​ദ​ര​നും കോ​ഴി​ക്കോ​ട്​ സ്വ​കാ​ര്യ ആ​ശു​പ​ത്രി​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ലാ​ണ്. ഇ​തി​ൽ മ​ക​നെ അ​തി​തീ​വ്ര പ​രി​ച​ര​ണ​വി​ഭാ​ഗ​ത്തി​ലേ​ക്ക്​ മാ​റ്റി​യ​താ​യും ബ​ന്ധ​പ്പെ​ട്ട​വ​ർ പ​റ​ഞ്ഞു. സ​മ്പ​ർ​ക്ക​ത്തി​ലു​ള്ള​വ​രോ​ട്​​ വീ​ടു​ക​ളി​ൽ ക്വാ​റ​ന്റീ​നി​ൽ നി​ൽ​ക്കാ​ൻ നി​ർ​ദേ​ശി​ച്ച​താ​യി ആ​രോ​ഗ്യ​വ​കു​പ്പ്​ ഉ​ദ്യോ​ഗ​സ്ഥ​ർ പ​റ​ഞ്ഞു.

ര​ണ്ടു ദി​വ​സം മു​മ്പേ നി​പ​യെ​ന്ന സം​ശ​യം ഉ​യ​ർ​ന്ന​തി​നാ​ൽ ആ​രോ​ഗ്യ​വ​കു​പ്പ്​ ഈ ​ഭാ​ഗ​ങ്ങ​ളി​ൽ ജാ​ഗ്ര​താ​നി​ർ​ദേ​ശം ന​ൽ​കി​യി​രു​ന്നു. ക​ള്ളാ​ട്​ മ​രി​ച്ച​യാ​ളു​ടെ വീ​ടു​മാ​യി 80​ വീ​ട്ടു​കാ​ർ​ക്ക്​ സ​മ്പ​ർ​ക്ക​മു​ണ്ടാ​യി​രു​ന്ന​താ​യി വാ​ർ​ഡ്​ മെം​ബ​ർ സ​മീ​റ ബ​ഷീ​ർ പ​റ​ഞ്ഞു. രോ​ഗി​യാ​യ പി​താ​വി​നെ പ​രി​ച​രി​ക്കാ​നാ​ണ്​ പ്ര​വാ​സി​യാ​യ ക​ള്ളാ​ട്​ സ്വ​ദേ​ശി നാ​ട്ടി​ലെ​ത്തി​യ​ത്. അ​തി​നാ​ൽ അ​ധി​കം പു​റ​ത്ത്​ പോ​കാ​റി​ല്ല. മ​ല​യോ​ര​ത്തു​ള്ള ഇ​യാ​ളു​ടെ​യും ബ​ന്ധു​ക്ക​ളു​ടെ​യും ഭൂ​മി​യി​ൽ പോ​യി​രു​ന്ന​താ​യും പ​റ​ഞ്ഞു. ക​ഴി​ഞ്ഞ 22നാ​ണ്​ പ​നി ബാ​ധി​ച്ച​ത്. തു​ട​ർ​ന്ന്​ കു​റ്റ്യാ​ടി​യി​ലെ ക്ലി​നി​ക്കി​ൽ ചി​കി​ത്സ​തേ​ടി. 26ന്​ ​പ​നി വ​ർ​ധി​ച്ച​തി​നാ​ൽ തൊ​ട്ടി​ൽ​പാ​ല​ത്തെ സ്വ​കാ​ര്യ ആ​ശു​പ​ത്രി​യി​ലും അ​വി​ടെ​നി​ന്ന്​ രാ​ത്രി കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​ലേ​ക്കും മാ​റ്റി. 30ന്​ ​രാ​വി​ലെ​യാ​ണ്​ മ​ര​ണം. ഇ​ദ്ദേ​ഹം ചി​കി​ത്സ​തേ​ടി​യ ആ​ശു​പ​ത്രി​ക​ളി​ലെ സ​മ്പ​ർ​ക്ക ലി​സ്റ്റും ത​യാ​റാ​ക്കു​ന്നു​ണ്ട്. മു​മ്പ്​ നി​പ മ​ര​ണ​മു​ണ്ടാ​യ ച​ങ്ങ​രോ​ത്ത്​ പ​ഞ്ചാ​യ​ത്തി​ന്​ സ​മീ​പ​മാ​ണ്​ മ​രു​തോ​ങ്ക​ര​യും. അ​തി​നാ​ൽ രോ​ഗ​ത്തി​ന്റെ പ്ര​ഭ​വ​സ്ഥാ​നം ഈ ​മേ​ഖ​ല​യി​ൽ എ​വി​ടെ​യോ ആ​യി​രി​ക്കാ​മെ​ന്ന​ സം​ശ​യ​വും അ​ധി​കൃ​ത​ർ​ക്കു​ണ്ട്. മ​രു​തോ​ങ്ക​ര പ​ഞ്ചാ​യ​ത്തി​ൽ ചൊ​വ്വാ​ഴ്ച ക​ള്ളാ​ട്, അ​ടു​ക്ക​ത്ത്​ സ്കൂ​ളു​ക​ൾ​ക്ക്​ പ്രാ​ദേ​ശി​ക അ​വ​ധി​ന​ൽ​കി. കു​റ്റ്യാ​ടി ഗ​വ. ആ​ശു​പ​ത്രി​യി​ൽ ചൊ​വ്വാ​ഴ്ച രോ​ഗി​ക​ളു​ടെ വ​ര​വ്​ കു​റ​വാ​യി​രു​ന്നു. എ​ല്ലാ​വ​രും മാ​സ്​​ക്​ ധ​രി​ച്ചാ​ണ്​ എ​ത്തി​യ​ത്.

ജാ​ഗ്ര​ത പാ​ലി​ക്കേ​ണ്ട പ​ഞ്ചാ​യ​ത്തു​ക​ൾ 

•കു​റ്റ്യാ​ടി

•മ​രു​തോ​ങ്ക​ര

•കാ​വി​ലു​മ്പാ​റ

•കാ​യ​ക്കൊ​ടി

•കു​ന്നു​മ്മ​ൽ

•വേ​ളം

•ന​രി​പ്പ​റ്റ

•ആ​യ​ഞ്ചേ​രി

•തി​രു​വ​ള്ളൂ​ർ

കൺട്രോൾ റൂം തുറന്നു

ആ​യ​ഞ്ചേ​രി പ​ഞ്ചാ​യ​ത്തി​ൽ നി​പ സ്ഥി​രീ​ക​രി​ച്ച​തി​നാ​ൽ അ​ടി​യ​ന്ത​ര സാ​ഹ​ച​ര്യം നേ​രി​ടു​ന്ന​തി​നാ​യി ഗ്രാ​മ​പ​ഞ്ചാ​യ​ത്ത് ഓ​ഫി​സി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ക​ൺ​ട്രോ​ൾ റൂം ​ആ​രം​ഭി​ച്ചു. ഫോ​ൺ: 0496 2580265. 9496048138, 7907990033, 9946486371.