ഇന്ധനക്ഷമതയിൽ വിദേശ ആധിപത്യം; മാരുതിയെ പിൻതള്ളി ഹ്യൂണ്ടായ്​, ഹോണ്ട, ​ഫോർഡ്​

മാരുതി സുസുക്കിയെ ഇന്ത്യയിൽ ജനപ്രിയമാക്കിയ ഘടകങ്ങളിൽ സുപ്രധാനമായ ഒന്ന്​ മൈലേജ്​ അഥവാ ഇന്ധനക്ഷമതയായിരുന്നു. ഫിയറ്റ്​ മൾട്ടിജെറ്റ്​ ഡീസൽ എഞ്ചി​െൻറ വരവോടെയാണ്​ മാരുതി മൈലേജിൽ മുൻപനായത്​. മാരുതിയോട്​ കുറച്ചെങ്കിലും പിടിച്ചുനിന്നത്​ ഹ്യുണ്ടായ്​ സി.ആർ.ഡി.​െഎ ഡീസൽ എഞ്ചിനായിരുന്നു.

മാരുതി തങ്ങളുടെ വാഹനങ്ങളിൽ നിന്ന്​ ഡീസൽ എഞ്ചിൻ പൂർണ്ണമായും ഒഴിവാക്കാൻ തീരുമാനിച്ചത്​ അടുത്തിടെയായിരുന്നു. ഇൗ നീക്കത്തോടെ ഇന്ധനക്ഷമതയിലെ ആധിപത്യം കമ്പനിക്ക്​ നഷ്​ടമായിട്ടുണ്ട്​. വിദേശ കമ്പനികളാണ്​ നിലവിൽ ഇന്ത്യയിൽ മൈലേജി​െൻറ കാര്യത്തിൽ മുൻനിരയിലുള്ളത്​. ഇവരോട്​ കുറച്ചെങ്കിലും പിടിച്ചുനിൽക്കുന്നത്​ നമ്മുടെ സ്വന്തം ടാറ്റയാണ്​.

ടാറ്റ ആൾട്രോസ്​, 1.5ലിറ്റർ എന്ന സാമാന്യം വലുപ്പമുള്ള എഞ്ചിനിലും 25 ലിറ്ററെന്ന മികച്ച ഇന്ധനക്ഷമത നൽകുന്നുണ്ട്​. ഇന്ത്യയിൽ ഇന്ന്​ ലഭ്യമായ മികച്ച മൈലേജുള്ള ഏഴ്​ വാഹനങ്ങളെ പരിചയപ്പെടാം.

ഹ്യൂണ്ടായ്​ ഒാറ എ.എം.ടി

കോംപാക്റ്റ് സെഡാൻ വിഭാഗത്തിൽ ഏറ്റവും പുതിയ എൻ‌ട്രിയാണ് ഹ്യുണ്ടായ് ഒാറ എ.എം.ടി. ഈ വർഷം ജനുവരിയിൽ വിപണിയിലെത്തി, ഒാ​േട്ടാമാറ്റിക്​ വിഭാഗത്തിൽ പുതിയ ഭാവുകത്വം നിർമിച്ച വാഹനമാണിത്​. ഡീസൽ എഞ്ചിനുള്ള ഒാറ മികച്ച മൈലേജാണ്​ വാഗ്​ദാനം ചെയ്യുന്നത്​. വാഹനത്തിന്​ എ.ആർ.എ.​െഎ റേറ്റുചെയ്ത മൈലേജ് 25.4 കിലോമീറ്ററാണ്​.

ടാറ്റ ആൾട്രോസ്​

പ്രീമിയം ഹാച്ച്ബാക്ക് വിഭാഗത്തിലെ ടാറ്റ മോട്ടോറിന്റെ ഏറ്റവും പുതിയ വാഗ്​ദാനമാണ്​ ്​ആൾട്രോസ്​. ഡീസലിൽ പ്രവർത്തിക്കുന്ന ആൽട്രോസ് 25.1 കിലോമീറ്റർ മൈലേജുമായി രണ്ടാമതാണ്​. 1.5 ലിറ്റർ യൂണിറ്റ് 75 ബി.എച്ച്.പിയും 190 എൻഎം ടോർക്കും ഉൽപാദിപ്പിക്കും. വാഹന മേഘലയിൽ  സുവർണ മാനദണ്ഡങ്ങൾ സ്ഥാപിച്ച വാഹനമാണ്​ ആൾട്രോസെന്നാണ്​ ടാറ്റയുടെ അവകാശവാദം.

ഹ്യൂണ്ടായ്​ ഗ്രാൻഡ്​ ​​െഎ 10 നിയോസ്​

രാജ്യത്തെ ഏറ്റവും ജനപ്രിയ ഹാച്ച്ബാക്കുകളിലൊന്നായ ഐ 10 നിർമിക്കുന്നത്​ ഹ്യൂണ്ടായ്​ ആണ്​. ഇതിന്​ പിൻഗാമിയായി 2019ലാണ്​ നിയോസ് എത്തുന്നത്​. പെട്രോൾ, ഡീസൽ, സി‌.എൻ.‌ജി കരുത്തിൽ വാഹനം ലഭിക്കും. ഇതിൽ ഡീസൽ മോഡൽ ഇന്ധനക്ഷമതയിൽ മികച്ചുനിൽക്കുന്നു. എ.ആർ.എ.​െഎ റേറ്റുചെയ്ത മൈലേജ് 25.1 കിലോമീറ്ററാണ്​. 1.2 ലിറ്റർ യു 2 സി.ആർ.ഡി.​െഎ യൂണിറ്റ് 75 ബി.എച്ച്.പി കരുത്തും 190 എൻഎം ടോർക്കും ഉത്പാദിപ്പിക്കും.

ഹ്യൂണ്ടായ് വെർന ഡീസൽ

ബി‌എസ് നാല്​ യുഗത്തിൽ നിന്ന് ബി‌എസ് 6 കാലഘട്ടത്തിലേക്ക് വിജയകരമായി പരിവർത്തനം ചെയ്തതിന് ശേഷം അടുത്തിടെ വെർനയെ ഹ്യൂണ്ടായ്​ പരിഷ്​കരിച്ചിരുന്നു. ഡീസൽ, പെട്രോൾ ഓപ്ഷനുകളുള്ള വാഹനമാണിത്​. 1.5 ലിറ്റർ സി.ആർ.ഡി.​െഎ ഡീസൽ യൂണിറ്റ് 25.0 കിലോമീറ്റർ ഇന്ധനക്ഷമതയാണ്​ വാഗ്​ദാനം ചെയ്യുന്നത്​. ഈ വിഭാഗത്തിലെ ഏറ്റവും ഉയർന്ന നിരക്കാണ് ഇത്.

ഹോണ്ട അമേസ്​

ഹോണ്ടയിൽ നിന്നുള്ള കോംപാക്റ്റ് സെഡാനാണ്​ അമേസ്​. വാഹനത്തിലെ 1.5 ലിറ്റർ ഡീസൽ യൂണിറ്റ് 100 ബി.എച്ച്.പി കരുത്തും 200 എൻ.എം ടോർക്കുമാണ് ഉത്പാദിപ്പിക്കുന്നത്. അഞ്ച്​ സ്പീഡ് മാനുവൽ ഗിയർബോക്സ് അല്ലെങ്കിൽ സി.വി.ടി എന്നിവയുമായാണ്​ അമേസ്​ വരുന്നത്​. അമേസ് ബി‌എസ് 6 മാനുവൽ ട്രാൻസ്മിഷന്​ എ.ആർ.എ.​െഎ റേറ്റുചെയ്തത് 24.7 കിലോമീറ്റർ മൈലേജാണ്​.

ഫോർഡ്​ ആസ്​പയറും ഫിഗോയും

ഫോർഡി​െൻറ എൻട്രി ലെവൽ ഹാച്ച്ബാക്ക് ഫിഗോയും കോംപാക്റ്റ് സെഡാൻ ആസ്പയറും ഒരേ 1.5 ലിറ്റർ ഡീസൽ എഞ്ചിനാണ് പങ്കുവയ്​ക്കുന്നത്. 24.4 കിലോമീറ്റർ (ARAI) ഇന്ധനക്ഷമതയാണ്​ വാഹനങ്ങൾക്കുള്ളത്​. 100 ബിഎച്ച്പി കരുത്തും 215 എൻ.എം ടോർക്കും എഞ്ചിൻ ഉത്പാദിപ്പിക്കും.

മാരുതി സുസുക്കി ഡിസയർ

ഇൗ പട്ടികയിലെ ഒരേയൊരു പെട്രോൾ കാറും മാരുതി വാഹനവും ഡിസയറാണ്​. 1.2 ലിറ്റർ ബിഎസ് 6 കെ-സീരീസ് പെട്രോൾ എഞ്ചിനാണ് ഡിസയറി​ന്​. 89 ബി.എച്ച്.പി കരുത്തും 113 എൻ.എം ടോർക്കുമാണ് വാഹനം ഉദ്​പാദിപ്പിക്കുന്നത്. കഴിഞ്ഞ വർഷം വാഹനം മാരുതി പരിഷ്​കരിച്ചിരുന്നു. കുറച്ച് കാലമായി ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന കോംപാക്റ്റ് സെഡാനാണ് ഡിസയർ. എ.ആർ.എ.​െഎ റേറ്റുചെയ്ത ഇന്ധനക്ഷമത 24.12 കിലോമീറ്റർ ആണ്.