മലയാളത്തിന്റെ ഹിറ്റ് ഡയറക്ടറായ ജോഷി തന്റെ യാത്രകള്‍ക്കായി ടൊയോട്ടയുടെ അത്യാഡംബര എം.പി.വി. മോഡലായ വെല്‍ഫയര്‍ സ്വന്തമാക്കി. കേരളത്തിലെ മുന്‍നിര പ്രീ ഓണ്‍ഡ് കാര്‍ ഡീലര്‍ഷിപ്പായ ഹര്‍മന്‍ മോട്ടോഴ്‌സില്‍ നിന്നാണ് അദ്ദേഹം വെല്‍ഫയര്‍ എം.പി.വി. സ്വന്തമാക്കിയത്. ജോഷി വെല്‍ഫയര്‍ സ്വന്തമാക്കിയ സന്തോഷം ഹര്‍മന്‍ മോട്ടോഴ്‌സാണ് സാമൂഹിക മാധ്യമങ്ങളില്‍ പങ്കുവെച്ചത്. കുടുംബത്തിനൊപ്പം ഹര്‍മന്‍ മോട്ടോഴ്‌സിന്റെ ആലുവയിലെ ഡീലര്‍ഷിപ്പില്‍ എത്തിയാണ് സംവിധായകന്‍ തന്റെ പുതിയ വാഹനം സ്വീകരിച്ചത്.
വിദേശത്ത് നിന്ന് ഇറക്കുമതി ചെയ്ത് തമിഴ്‌നാട്ടില്‍ രജിസ്റ്റര്‍ ചെയ്ത വാഹനമാണിതിതെന്നാണ് സൂചന. 2020 ഫെബ്രുവരിയിലാണ് ടൊയോട്ടയുടെ വെല്‍ഫയര്‍ എം.പി.വി. ഇന്ത്യന്‍ വിപണിയില്‍ അവതരിപ്പിച്ചത്. അത്യാഡംബര ഫീച്ചറുകളുമായി എത്തിയ ഈ വാഹനത്തിന് 90.80 ലക്ഷം രൂപയായിരുന്നു ഇന്ത്യയിലെ എക്‌സ്‌ഷോറൂം വില.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.