ഇന്ധനങ്ങളുടെ കാര്യത്തിൽ തീവെട്ടി കൊള്ളയുമായി സർക്കാറുകൾ മുന്നോട്ടുപോകുേമ്പാൾ വില കുതിച്ചുയരുകയാണ്. നികുതി ഭാരം ചുമന്ന് നടുവൊടിഞ്ഞ മനുഷ്യർ ജീവിതത്തിന്‍റെ രണ്ടറ്റവും കൂട്ടിമുട്ടിക്കാൻ പെടാപ്പാട് പെടുന്നു. ഇന്ധനവിലയുടെ നീരാളിപ്പിടുത്തത്തിൽ നിന്ന് രക്ഷപ്പെടാൻ വൈദ്യുത വാഹനങ്ങളെന്ന അവസാന ആശ്രയത്തിലേക്ക് പോയാലൊ എന്ന് ധാരാളംപേർ ചിന്തിക്കുന്ന കാലമാണിത്.
വൈദ്യുത വാഹന വിപണിയാകട്ടെ ഇപ്പോഴും ബാലാരിഷ്ടതകളിലാണ്. 'എത്ര കിട്ടും' എന്ന ഇന്ത്യക്കാരന്‍റെ അന്വേഷണം ഇലക്ട്രിക് വാഹനങ്ങളുടെ കാര്യത്തിലും സജീവമാണ്. നിലവിലെ സാഹചര്യത്തിൽ ഒരു വൈദ്യുത വാഹനം(അത് കാറോ ബൈക്കോ ആയിക്കോട്ടെ) വാങ്ങുന്നത് എത്രമാത്രം ലാഭകരമാണ്, വൈദ്യുത വാഹനങ്ങൾ വിശ്വസിക്കാൻ കൊള്ളാവുന്നതാണോ, എത്ര ദൂരം ഇത്തരം വാഹനങ്ങളിൽ സഞ്ചരിക്കാനാകും തുടങ്ങിയ ചോദ്യങ്ങൾക്ക് ഉത്തരം തേടുകയാണിവിടെ.
എന്താണ് ലാഭം
പെട്രോൾ, ഡീസൽ വാഹനങ്ങൾ ഉപേക്ഷിച്ച് വൈദ്യുത വാഹനങ്ങളിലേക്ക് മാറിയാൽ എന്താണ് ലാഭം. ഈ ചോദ്യത്തിന്‍റെ ഉത്തരം തികച്ചും ആപേക്ഷികമാണ്. എന്നുപറഞ്ഞാൽ നിരവധി ഘടകങ്ങളെ ആശ്രയിച്ചാണ് ഈ ചോദ്യത്തിന്‍റെ ഉത്തരം ഇരിക്കുന്നത്. ലോകമെമ്പാടുമുള്ള റോഡുകളിൽ ഇലക്ട്രിക് വാഹനങ്ങളുടെ സാന്നിധ്യം ഏറിവരികയാണ്. ചില രാജ്യങ്ങളിൽ വൈദ്യുത വാഹന സാന്ദ്രത 30 ശതമാനം കടന്നിരിക്കുന്നു. വീണ്ടും പഴയ ചോദ്യത്തിലേക്ക് ഏതാണ് നിലവിൽ ലാഭകരം. വൈദ്യുതിയാണോ പെട്രോളാണോ? ഈ ചോദ്യത്തിന്‍റെ പ്രാഥമിക ഉത്തരം വൈദ്യുത വാഹനങ്ങൾ ലാഭകരമാണ് എന്നതാണ്. വൈദ്യുത വാഹനവും പ്രകൃതിദത്ത ഇന്ധനത്തിലോടുന്ന വാഹനവും ഒരു കിലോമീറ്റർ സഞ്ചരിക്കാൻ ചിലവഴിക്കുന്ന പണത്തിന്‍റെ അളവിൽ കാര്യമായ വ്യത്യാസമുണ്ട്.
ഇന്ത്യയിൽ വൈദ്യുത വാഹനങ്ങൾക്ക് കിലോമീറ്ററിന് ഒരുരൂപ ചിലവ് കണക്കാക്കുേമ്പാൾ പ്രകൃതിദത്ത ഇന്ധനം ഉപയോഗിക്കുന്ന കാറിന് ഇത് അഞ്ച്-ആറ് രൂപയാണ്. വൈദ്യുത വാഹനത്തിനേക്കാൾ അഞ്ചിരട്ടി ചിലവ് പരമ്പരാഗത വാഹനങ്ങളിൽ കൂടുതലാണെന്ന് അർഥം. പക്ഷെ ഈ കണക്കിനൊരു മറുവശമുണ്ട്. ഇന്ത്യയിൽ വൈദ്യുത വാഹനം സ്വന്തമാക്കാൻ ചിലവഴിക്കേണ്ട തുക വളരെ കൂടുതലാണ് എന്നതാണത്. കാറുകളുടേയും ബൈക്കുകളുടേയും കാര്യത്തിൽ ഇത് ബാധകമാണ്. നിലവിൽ ലഭ്യമായ ഒരുവിധം മെച്ചപ്പെട്ട എല്ലാ പാസഞ്ചർ കാറുകളുടേയും വൈദ്യുത പതിപ്പിന് 10 ലക്ഷത്തിലധികം വിലവരും. ഇ വെരിറ്റോ, തിഗോർ, നെക്സോൺ, എം.ജി ഇസഡ്.എസ് ഇ.വി, ഹ്യൂണ്ടായ് കോന തുടങ്ങിയ വാഹനങ്ങളെല്ലാം വിലയിൽ മുമ്പന്മാരാണ്.
സ്കൂട്ടറുകളുടെ കാര്യമെടുത്താലും വില കൂടുതലാണ് എന്ന പ്രശ്നം നിലനിൽക്കുന്നുണ്ടെന്ന് കാണാം. ഈഥർ, ബജാജ് ചേതക്, ടി.വി.എസ് ഐക്യൂബ്, റിവോൾട്ട് തുടങ്ങിയ നിലവാരമുള്ള സ്കൂട്ടറുകൾക്ക് ഒരു ലക്ഷത്തിലധികം വിലവരും. ഹീറോ ഒപ്ടിമ, ഹീറോ ഫ്ലാഷ്, എവൺ ഇ പ്ലസ്, പ്യൂർ ഇ.വി ഇ പ്ലൂട്ടോ തുടങ്ങിയ വിലകുറഞ്ഞ മോഡലുകൾ ലഭ്യമാണെങ്കിലും അവ വിശ്വസനീയമോ പ്രായോഗികമോ അല്ല എന്ന പോരായ്മയുണ്ട്.
മൈലേജ്
ടാറ്റയുടെ വൈദ്യുത വാഹനവും ഇന്ത്യയിൽ വിൽപ്പനയിൽ മുമ്പനുമായ നെക്സോൺ ഇ.വിക്കെതിരേ കഴിഞ്ഞ ദിവസം പരാതിയുമായി ഉപഭോക്താവ് രംഗെത്തത്തി. കമ്പനി വാഗ്ദാനം ചെയ്യുന്ന റേഞ്ച് വാഹനം നൽകുന്നില്ലെന്നാണ് പരാതിയിൽ പറയുന്നത്. പരാതിയുമായി ബന്ധപ്പെട്ട് ഡൽഹി ഗതാഗത വകുപ്പ് ടാറ്റാ മോട്ടോഴ്‌സിന് കാരണം കാണിക്കൽ നോട്ടീസും നൽകി. 2020 ഡിസംബർ മൂന്നിന് രജിസ്റ്റർ ചെയ്ത നെക്സൺ ഇവി, ഒറ്റ ചാർജിൽ 312 കിലോമീറ്റർ സഞ്ചരിക്കുമെന്നായിരുന്നു നിർമാതാക്കൾ വാഗ്ദാനം ചെയ്തിരുന്നത്. എന്നാൽ വാഹനം 200 കിലോമീറ്റർ പോലും സഞ്ചരിക്കുന്നില്ലെന്ന് പരാതിക്കാരൻ പറയുന്നു. മൈലേജിനായി ഡീലർ നൽകിയ വിവിധ ഉപദേശങ്ങൾ കൃത്യമായി പാലിച്ചെങ്കിലും ഒരു പുരോഗതിയും കണ്ടില്ലെന്നും ഉപഭോക്താവ് പരാതിെപ്പടുന്നു. ഓട്ടോമോട്ടീവ് റിസർച്ച് അസോസിയേഷൻ ഓഫ് ഇന്ത്യ (ARAI) ൽ നിന്ന് ലഭിച്ച സർട്ടിഫിക്കേഷന്‍റെ അടിസ്ഥാനത്തിലാണ് നെക്സൺ ഇവിക്കായി ഫുൾ ചാർജിൽ 312 കിലോമീറ്റർ വാഗ്ദാനം ചെയ്യുന്നത്. പക്ഷെ രാജ്യത്തെ ഒരു ജനപ്രിയ ഇ.വിയുടെ അവസ്ഥ അത്ര പ്രതീക്ഷാനിർഭരമല്ലെന്നാണ് പരാതി സൂചിപ്പിക്കുന്നത്.
റേഞ്ച് മാറിമറിയാം
ഒരു വൈദ്യുത വാഹനത്തിന്‍റെ റേഞ്ച് അഥവാ മൈലേജ് ഒരുപാട് കാരണങ്ങളെ ആശ്രയിച്ചാണിരിക്കുന്നത്. വാഹനത്തിന്‍റെ വേഗത, റോഡ് സാഹചര്യങ്ങൾ, ട്രാഫിക് തുടങ്ങി കാലാവസ്ഥവരെ റേഞ്ചിനെ ബാധിക്കും. നിർമാതാവ് അവകാശപ്പെടുന്ന മൈലേജിന്‍റെ പകുതി മാത്രം പ്രതീക്ഷിച്ചാൽ മതി എന്നാണ് വൈദ്യുത വാഹന ലോകത്തെ ചൊല്ല്തന്നെ. റേഞ്ചിലെ ഈ വേരിയേഷൻ ഇന്ത്യയിൽ മാത്രമല്ല അങ്ങ് അമേരിക്കയിലും പ്രസക്തമാണ്. ലോകത്തിലെ ഏറ്റവുംവലിയ വൈദ്യുത വാഹന നിർമാതാവായ ടെസ്ലയുടെ മോഡൽ ത്രീയുടെ സ്വതന്ത്ര പഠനത്തിൽ കണ്ടെത്തിയതും സമാനമായ വിവരമായിരുന്നു. 500 കിലോമീറ്റർ റേഞ്ച് വാഗ്ദാനം ചെയ്തിരുന്ന മോഡൽ ത്രീക്ക് പരീക്ഷണ ഓട്ടത്തിൽ ലഭിച്ചത് 410 കിലോമീറ്ററാണ്. കണക്കുകളിൽ ചെറിയ വ്യത്യാസങ്ങളുണ്ടെങ്കിലും 2020 ടെസ്‌ല മോഡൽ എസ്, 2020 ടെസ്‌ല മോഡൽ 3 സ്റ്റാൻഡേർഡ് റേഞ്ച് പ്ലസ്, 2020 ടെസ്‌ല മോഡൽ എക്സ് ലോംഗ് റേഞ്ച്, 2020 ടെസ്‌ല മോഡൽ വൈ എന്നിവയിലെല്ലാം സമാനമായ വ്യത്യാസങ്ങൾ ഉണ്ടായിരുന്നു. നിർമാതാക്കളുടെ അവകാശവാദങ്ങൾക്ക് അപ്പുറത്താണ് വൈദ്യുത വാഹനങ്ങളുടെ റേഞ്ച് എന്നതാണ് സത്യം.
ആർക്കൊക്കെ വാങ്ങാം
വൈദ്യുത വാഹനങ്ങൾ നിലവിൽ ഒരു ലക്ഷ്വറി സ്റ്റാറ്റസ്സാണ്. ഒന്നോ രണ്ടോ വാഹനമുള്ളവർ വാങ്ങി പോർച്ചിലിടുന്ന അധിക ആഢംബരമാണിത്. വൈദ്യുത കാറുകൾ കുറേക്കാലംകൂടി അങ്ങിനെ തുടരാനാണ് സാധ്യത. എന്നാൽ ഇലക്ട്രിക് സ്കൂട്ടറുകൾ കുറേക്കൂടി പ്രതീക്ഷ നൽകുന്ന ഉത്പന്നങ്ങളാണ്. നഗര കേന്ദ്രീകൃതമായ ചെറു യാത്രകൾ ഉള്ളവർക്ക് വൈദ്യുത സ്കൂട്ടറുകൾ പരീക്ഷിക്കാവുന്നതാണ്. അപ്പോഴും 70ന് മുകളിൽ റേഞ്ച് ഉള്ളവ തെരഞ്ഞെടുക്കാൻ ശ്രദ്ധിക്കണം. കൂടാതെ പരമാവധി വേഗം, ചാർജിങ് സമയം, ഫാസ്റ്റ് ചാർജിങ് സംവിധാനം ഉണ്ടോ തുടങ്ങിയ കാര്യങ്ങളും കൃത്യമായി അന്വേഷിക്കണം. കമ്പനികൾ വാഗ്ദാനം ചെയ്യുന്ന മൈലേജിന്‍റെ 60-70 ശതമാനം മാത്രമാണ് യഥാർഥ സാഹചര്യങ്ങളിൽ പ്രതീക്ഷിക്കേണ്ടത്.
നമ്മുക്ക് നിത്യവും യാത്ര ചെയ്യാനുള്ള ദൂരത്തെ അേപക്ഷിച്ച് ഏറെ കൂടുതൽ റേഞ്ച് നൽകുന്ന വാഹനം തെരെഞ്ഞടുക്കാൻ പ്രേത്യകം ശ്രദ്ധിക്കുക. ബാറ്ററിയുടെ വാറന്‍റി, കിലോമീറ്റർ വാറന്‍റി തുടങ്ങിയവയും വാഹനം വാങ്ങുേമ്പാൾ കൃത്യമായി അന്വേഷിക്കുക. സ്വാപ്പബിൾ ബാറ്റി അഥവാ എടുത്തുമാറ്റാവുന്ന ബാറ്ററിയുള്ള വാഹനങ്ങളാണ് കൂടുതൽ പ്രായോഗികം. അത്തരം വാഹനങ്ങൾ ലഭ്യമാകുമെങ്കിൽ അതിന് പ്രാധാന്യം കൊടുക്കുക. ഭാവിയുടെ ഇന്ധനം വൈദ്യുതിയാണ് എന്നത് ഏതാണ്ടെല്ലാവരും ഇേപ്പാൾ അംഗീകരിച്ചിട്ടുണ്ട്. ലോകത്തെ എല്ലാ വാഹന നിർമാതാക്കളും മാറ്റത്തിന്‍റെ പാതയിലുമാണ്. പശ്ചാത്തല വികസനവും സാങ്കേതിക വിദ്യയുടെ ചിലവുകുറവും പ്രായോഗികമായാൽ വൈദ്യുത വിപ്ലവമാണ് ലോകത്തെ കാത്തിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.