മണൽകുന്ന് കയറുന്നതിനിടെ കത്തുന്ന കാർ, അവിടേക്ക് പാഞ്ഞെത്തി മണൽ തെറുപ്പിച്ച് തീയണക്കുന്ന മറ്റൊരു കാർ. സമൂഹമാധ്യമങ്ങളിൽ വൈറലായിരിക്കുന്ന വീഡിയോയിലെ ദൃശ്യമാണിത്. നടൻ അജു വർഗീസ് ഉൾപ്പടെ വീഡിയോ ഷെയർ ചെയ്തിട്ടുണ്ട്. വിദൂര ദൃശ്യമായാണ് വീഡിയോ ചിത്രീകരിച്ചിരിക്കുന്നത്.
ഒന്നിനു പിറകേ ഒന്നായി കുന്ന് കയറവേയാണ് ഒരു വാഹനത്തിന് തീ പിടിക്കുന്നത്. നിമിഷനേരത്തിനുള്ളിൽ മറ്റൊരു വാഹനം മണൽ തെറുപ്പിച്ചുകൊണ്ട് പാഞ്ഞെത്തുകയാണ്. ഡ്രിഫ്റ്റ് ചെയ്ത് നീങ്ങുന്ന വാഹനത്തിൽ നിന്ന് തെറിക്കുന്ന മണലാണ് തീയണക്കാൻ സഹായിക്കുന്നത്. 'റിയൽ ഹീറോയിസം' എന്ന കുറിപ്പോടെയാണ് നടൻ അജു വർഗീസ് ദൃശ്യം പങ്കുവച്ചിരിക്കുന്നത്. പോസ്റ്റിന് അടിയിൽ നിരവധിപേർ തീയണക്കാൻ സഹായിച്ച വാഹനത്തിന്‍റെ ഡ്രൈവറെ അഭിനന്ദിച്ച് രംഗത്തെത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.