പൊളിച്ചു നീക്കണം; നമ്മളുടെ നെഞ്ചിലാണീ കല്ല്​ നാട്ടിവെച്ചത്​

1947 ഡിസംബർ 12. സ്വാതന്ത്ര്യം ലഭിച്ച്​ മാസങ്ങളേ ആയുള്ളൂ. മദ്രാസ്​ അസംബ്ലിയിൽ ചൂടേ​റിയ ചർച്ച. മലബാറിൽനിന്നുള്ള സാമാജികൻ പി.കെ. മൊയ്​തീൻകുട്ടി സാഹിബ്​ ഒരു ചോദ്യമുന്നയിച്ചു. മലപ്പുറം വള്ളുവ​മ്പ്രത്തുണ്ടായിരുന്ന ഹിച്ച്​കോക്ക്​ സ്​മാരകം പൊളിച്ചുനീക്കുന്നത്​ സംബന്ധിച്ചായിരുന്നു ചോദ്യം. ഉത്തരം പറയുന്നത്​ ആഭ്യന്തരമ​ന്ത്രി ഡോ. പി. സുബ്ബരയ്യ​.

ചോദ്യം: 1921ലെ മലബാർ കലാപവുമായി ബന്ധ​പ്പെട്ട, വള്ളുവ​മ്പ്രത്തെ ഹിച്ച്​കോക്ക്​ സ്​മാരകം പോലെ വേറെ വല്ല സ്​മാരകങ്ങളും ​മലബാർ ജില്ലയിലുണ്ടോ​?

ഉ​ത്ത​രം: ഉ​ണ്ട്. 1. കാ​ളി​കാ​വി​ലെ ഇൗ​റ്റ​ൺ സ്​​മാ​ര​കം. 2. ക​ലാ​പ​ത്തി​ൽ കൊ​ല്ല​​പ്പെ​ട്ട പൊ​ലീ​സ്​ ഉ​ദ്യോ​ഗ​സ്ഥ​രു​ടെ ഒാ​ർ​മ​ക്കാ​യി കോ​ഴി​ക്കോ​ട്​ ജി​ല്ല പൊ​ലീ​സ്​ സൂ​പ്ര​ണ്ട്​ ഒാ​ഫി​സ്​ കോമ്പൗണ്ടിൽ സ്ഥാപിച്ച സ്​മാരകം.1 ആകെ മൂന്ന്​ സ്​മാരകങ്ങൾ.

ഇതിൽ ഹിച്ച്​കോക്ക്​ സ്​മാരകം നിരന്തര സമരപ്രക്ഷോഭങ്ങൾക്കൊടുവിൽ ഭരണകൂടം പൊളിച്ചുനീക്കി. അതേസ്ഥലത്ത്​, വാഗൺ കൂട്ടക്കൊലയിലെ വാഗണി​െൻറ മാതൃകയിൽ ബസ്​ കാത്തിരിപ്പുകേന്ദ്രം സ്ഥാപിച്ചു. കാളികാവ്​ ജങ്​ഷനിലുണ്ടായിരുന്ന ഇൗറ്റൺ സ്​മാരകം അന്നാട്ടുകാർതന്നെ പൊളിച്ച്​ തോട്ടിലെറിഞ്ഞു. പകരം പഞ്ചായത്ത്​ ഒാഫിസ്​ പണിതു. പക്ഷേ, മൂന്നാമതൊരു സ്​മാരകമുണ്ട്​. മലബാർ പോരാട്ടങ്ങൾ അതി​െൻറ ജ്വലിക്കുന്ന നൂറാം വാർഷികത്തിലെത്തിനിൽക്കു​േമ്പാഴും, പിറന്ന മണ്ണി​െൻറ മോചനം കിനാകണ്ട്​ പടക്കിറങ്ങിയ പതിനായിരങ്ങളുടെ സ്​മൃതികളെ നോക്കി ഇപ്പോഴും പല്ലിളിച്ചുനിൽക്കുന്ന ഒരു സ്​മാരകശില. ഏറനാടി​െൻറ വിപ്ലവകവി കമ്പളത്ത്​ ഗോവിന്ദൻ നായരുടെ ഭാഷയിൽ 'ചാത്തനെ കുടിവെച്ച പോലുള്ള' ഒരു സ്​മാരകം. അതും മലബാറി​െൻറ നെഞ്ചിൻപുറത്ത്​!

നിലംപതിച്ച ഹിച്ച്​കോക്ക്​ സ്​മാരകം

മ​ഞ്ചേ​രി നി​ന്ന​ഞ്ചാ​റ് മൈ​ല്

ദൂ​ര​വേ മോ​ങ്ങ​ത്തി​ല്

സ​ഞ്ച​രി​ക്കു​ന്നോ​ർ​ക്ക് കാ​ണാ​-

റാ​കു​മാ നി​ര​ത്തി​ല്

ച​ത്ത് പോ​യ ഹി​ച്ച്കോ​ക്ക്

സാ​യി​വി​െ​ൻ​റ സ്മാ​ര​കം

ചാ​ത്ത​നെ കു​ടി​വെ​ച്ച​പോ​ലെ

ആ ​ബ​ലാ​ലി​ൻ സ്മാ​ര​കം

ന​മ്മ​ളു​ടെ നെ​ഞ്ചി​ലാ​ണാ

ക​ല്ലു​നാ​ട്ടി​വെ​ച്ച​ത്​

ന​മ്മ​ളു​ടെ കൂ​ട്ട​രെ​യാ​ണാ

സു​വ​റ്​ കൊ​ന്ന​ത്​

രാ​ജ്യ​സ്​​നേ​ഹം വീ​റു​കൊ​ണ്ട

ധീ​ര​രു​ണ്ടീ നാ​ട്ടി​ല്​

ര​ക്ഷ​വേ​ണ​മെ​ങ്കി​ൽ മ​ണ്ടി​-

ക്കോ​ട്ട​വ​ർ ഇം​ഗ്ല​ണ്ടി​ല്.

മലബാറിലെ സ്വാതന്ത്ര്യ പോരാട്ടങ്ങളെ ചോരയിൽ മുക്കി അടിച്ചൊതുക്കിയ, വാഗൺ കൂട്ടക്കൊ ലയടക്കം പൈശാചികതകൾക്ക്​ നേതൃത്വം നൽകിയ ബ്രിട്ടീഷ്​ പൊലീസ്​ സൂപ്രണ്ട്​ ആർ.എച്ച്​. ഹിച്ച്​കോക്കി​െൻറ ഒാർമക്കായി മലപ്പുറം വള്ളുവ​മ്പ്രത്ത്​ സ്​ഥാപിച്ച സ്​മാരകം ​പൊളിച്ചുനീക്കണമെന്നാവശ്യപ്പെട്ട്​ 1939 ജനുവരിയിൽ പുളിക്കലിൽനിന്ന്​ വള്ളുവ​മ്പ്രത്തേക്ക്​ ഒരു സമരജാഥ നടന്നു. ജാഥക്ക്​ ആവേശം പകർന്ന്​ കമ്പളത്ത്​ ഗോവിന്ദൻ നായർ എന്ന വിപ്ലവ കവി രചിച്ച പടപ്പാട്ടാണിത്. അനീതി​ക്കും ചൂഷണത്തിനുമെതിരായ പോരാട്ടങ്ങൾക്ക്​ ഇന്നും ആവേശം പകരുന്ന മൂർച്ചയേറിയ ആവിഷ്​കാരം. 1926ലാണ്​ അസുഖം ബാധിച്ച്​ ഹിച്ച്​കോക്ക്​ മരിക്കുന്നത്​. ആ വർഷംതന്നെ അയാൾക്ക്​ വേണ്ടി സ്​മാരകം നിർമിക്കാൻ ബ്രിട്ടീഷുകാരും അവരുടെ ആശ്രിതരായ ത​ദ്ദേശീയരും തീരുമാനിച്ചു. ഹിച്ച്​കോക്കി​െൻറ സ്​മരണക്കായി മാപ്പിളമാരിൽനിന്ന്​ പണമൂറ്റി തന്നെയാണ്​ 1927ൽ ബ്രിട്ടീഷുകാർ സ്​മാരകം നിർമിച്ചത്​. അന്ന്​ തുടങ്ങുന്നുണ്ട്​ ആ സ്​മാരകത്തിനെതിരായ മലബാറിലെ സ്വാതന്ത്ര്യദാഹികളുടെ പ്രതിഷേധം.

മുഹമ്മദ്​ അബ്​ദുറഹ്​മാൻ സാഹിബ്​ പ്രസിഡൻറും ടി. മുഹമ്മദ്​ യൂസുഫ്​ സെക്രട്ടറിയുമായി ഹിച്ച്ക്കോക്ക്​ സ്​മാരക വിരുദ്ധ കമ്മിറ്റി രൂപംകൊണ്ടു. 2 കമ്മിറ്റി, മദ്രാസ്​ സംസ്ഥാനത്തിലെ കോൺഗ്രസുകാരനായ മുഖ്യമന്ത്രി രാജഗോപാലാചാരിക്ക്​ സ്​മാരകം പൊളിച്ചുനീക്കണമെന്നാവശ്യപ്പെട്ട്​ നിവേദനം നൽകി. നിരന്തരസമരങ്ങളും ഇടപെടലുകളും സ്​മാരകം പൊളിക്കുക എന്ന ആവശ്യവുമായി നടന്നു. ഒടുവിൽ 1946 ഡിസംബർ 27ന്​ അത്​ പൊളിച്ച്​ മലപ്പുറം എം.എസ്​.പി ആസ്ഥാനത്തേക്ക്​ മാറ്റാൻ മദ്രാസ്​ സർക്കാർ ഉത്തരവിറക്കി. 3 എന്നാൽ, പിന്നെയും കുറേനാൾ ഉത്തരവ്​ കടലാസിലൊതുങ്ങി. മലബാറിൽനിന്നുള്ള സാമാജികരുടെ നിരന്തര ഇടപെടലുകൾ ഉത്തരവ്​ നടപ്പാക്കാത്തതിനെതിരെ മദ്രാസ്​ നിയമസഭയിലുണ്ടായി.

വള്ളുവ​മ്പ്രം ജങ്​ഷനിൽ മലബാർ പോരാട്ടങ്ങളുടെ ജ്വലിക്കുന്ന ഒാർമകളെ നോക്കി പരിഹസിച്ചുനിന്ന ഹിച്ച്​കോക്ക്​ സ്​മാരകം ഇന്നില്ല. പതിറ്റാണ്ടുകളുടെ കാത്തിരിപ്പിനൊടുവിൽ സർക്കാർ മുൻകൈയിൽതന്നെ അത്​ പൊളിച്ചുനീക്കി. പിന്നീട്​ അതേ സ്ഥാനത്ത്​ ബസ്​ കാത്തിരിപ്പുകേന്ദ്രം (1969 ജൂൺ 15ന്​) ഉദ്​ഘാടനം ചെയ്യപ്പെട്ടു.

കാളികാവുകാരുടെ ത​േൻറടം

1921 ആഗസ്​റ്റിൽ ബ്രിട്ടീഷുകാർ തിരൂരങ്ങാടിയിൽ തുടങ്ങിവെച്ച​ പ്രകോപനത്തിന്​ പോരാളികൾ വീറോടെ തിരിച്ചടി കൊടുത്തുതുടങ്ങിയ സമയം. സർക്കാർ ഒാഫിസുകളും വാർത്താവിനിമയ സംവിധാനങ്ങളും ത​ൂത്തെറിയപ്പെടുകയും ഭരണം സ്​തംഭിക്കപ്പെടുകയും​ ചെയ്​ത ദിനങ്ങൾ. കൂട്ടത്തിൽ പോരാളികൾ ഉന്നംവെച്ച മറ്റൊരു കേ​ന്ദ്രമുണ്ടായിരുന്നു. ബ്രിട്ടീഷുകാരുടെ മുഖ്യവരുമാന സ്രോതസ്സുകളായിരുന്ന തോട്ടങ്ങൾ. ആഗസ്​റ്റ്​ 22 മുതൽ 25 വരെയുള്ള ദിവസങ്ങളിൽ വിപ്ലവകാരികൾ പൂനൂർ, കാലിക്കറ്റ്​, പുല്ല​േങ്കാട്​, കേരള എസ്​റ്റേറ്റുകൾ ആക്രമിച്ച​ു. പുല്ല​േങ്കാട്​ എസ്​റ്റേറ്റിലെ പ്ലാൻററായ ബ്രിട്ടീഷുകാരൻ സ്​റ്റാൻലി പാട്രിക്​ ഈറ്റണെ കൊലപ്പെടുത്തി ബംഗ്ലാവിന്​ തീയിട്ടു. വി​പ്ല​വ​കാ​രി​ക​ളു​ടെ വെ​ടി​യേ​റ്റു​​വീ​ണ ഇൗ​റ്റ​ണി​െ​ൻ​റ മ​ര​ണം ഉ​റ​പ്പു​വ​രു​ത്തി​യ​ത്​ സ്വ​ന്തം തോ​ട്ട​ത്തി​ലെ തൊ​ഴി​ലാ​ളി​ക​ൾ ത​ന്നെ. മ​ല​ബാ​ർ മേ​ഖ​ല​യി​ൽ​നി​ന്ന്​ മു​ഴു​വ​ൻ ബ്രി​ട്ടീ​ഷ്​ അ​ധി​കാ​ര രൂ​പ​ങ്ങ​ളെ​യും തു​ര​ത്തു​ക എ​ന്ന​താ​യി​രു​ന്നു മ​ല​ബാ​ർ പോ​രാ​ളി​ക​ളു​ടെ അ​ജ​ണ്ട.

പുല്ല​േങ്കാട്​ എസ്​റ്റേറ്റി​െൻറ കൈകാര്യകർതൃത്വം കൊച്ചിയിലെ ആസ്​പിൻവാളിനും കാലിക്കറ്റിലേത്​ ഹാരിസൺ, ക്രോസ്​ഫീൽഡ്​ എന്നിവക്കുമായിരുന്നു.4 ടാറ്റയും ഹാരിസണും ഇന്നും സമാന്തര അധികാര കേന്ദ്രങ്ങളായി കേരളക്കരയിലുള്ളപ്പോൾ, എസ്​റ്റേറ്റ്​ മുതലാളിത്തത്തെ സമരത്തി​െൻറ ആരംഭത്തിൽതന്നെ പോരാളികൾ ലക്ഷ്യംവെച്ചതി​െൻറ കാരണം തേടി മലയാളിക്ക്​ അധികദൂരം പോകേണ്ടിവരില്ല. കൊല്ലപ്പെട്ട ഇൗറ്റ​ണി​െൻറ സ്​മരണക്കായി ബ്രിട്ടീഷുകാരുടെ മുൻകൈയിൽ 1922 ഏപ്രിലിൽ കാളികാവ്​ ജങ്​ഷനിൽ സ്​മാരകം സ്​ഥാപിച്ചു. ഏതാണ്ട്​ രണ്ട്​ മീറ്റർ വീതിയും അഞ്ച്​ മീറ്റർ ഉയരവുമുണ്ടായിരുന്നു ഇൗ കൽസ്​തൂപത്തിനെന്ന്​ കാളികാവിലെ പഴമക്കാർ പറയുന്നു. ''1964ൽ കാളികാവ്​ പഞ്ചായത്ത്​ നിലവിൽ വന്നു. സഖാവ്​ കുഞ്ഞാലി പ്രഥമ പഞ്ചായത്ത്​ പ്രസിഡൻറായി. പഞ്ചായത്ത്​ ഒാഫിസിന്​ കെട്ടിടം പണിയാൻ സ്ഥലം ​അന്വേഷിച്ചുകൊണ്ടിരിക്കുന്നതിനിടെയാണ്​ കാളികാവ്​ ജങ്​ഷനിലെ പുറ​േമ്പാക്ക്​ ഭൂമി ശ്രദ്ധയിൽപെടുന്നത്​. അവിടെയായിരുന്നു ഇൗറ്റൺ സ്​മാരകം. 1965-66 കാലയളവിൽ ഇൗറ്റൺ പ്രതിമ പൊളിച്ചുകളഞ്ഞ്​ ആ ഭാഗത്ത്​ പഞ്ചായത്ത്​ ഒാഫിസ്​ കെട്ടിടം പണിതു. സ്​​മാ​ര​ക​ത്തി​െ​ൻ​റ അ​വ​ശി​ഷ്​​ട​ങ്ങ​ൾ നാ​ട്ടു​കാ​ർ തോ​ട്ടി​ലും പു​ഴ​യി​ലും എ​റി​ഞ്ഞു​ക​ള​ഞ്ഞു. അന്നും എസ്​റ്റേറ്റ്​ ബ്രിട്ടീഷുകാരുടെ ഉടമസ്ഥതയിൽതന്നെയായിരുന്നു. സ്​​മാ​ര​കം ത​ക​ർ​ത്ത​തി​നെ​തി​രെ എ​സ്​​റ്റേ​റ്റ്​ മു​ത​ലാ​ളി​മാ​ർ നി​ല​കൊ​ണ്ടെ​ങ്കി​ലും ആ​രും അ​ത്​ കാ​ര്യ​ത്തി​ലെ​ടു​ത്തി​ല്ല. 1994-95 കാലയളവിൽ പഞ്ചായത്ത്​ ഒാഫിസ്​ കാളികാവ്​ ടൗണിലേക്ക്​ മാറ്റുകയുണ്ടായി'' -പഴയ പഞ്ചായത്ത്​ അംഗം ടി. സി. കോയക്കുട്ടി തങ്ങൾ ഒാർത്തെടുത്തു. വെള്ളക്കാര​െൻറ ഒാർമയടയാളങ്ങൾ തങ്ങളുടെ മണ്ണിൽ വേണ്ടെന്ന്​ കാളികാവുകാർ പതിറ്റാണ്ടുകൾക്കു​ മുമ്പ്​ തീരുമാനമെടുത്തുവെന്ന്​ ചുരുക്കം. അതിന്​ ആരുടെയും അനുമതിക്കായി അവർ കാത്തുനിന്നില്ല. കിട്ടിയ ഒന്നാമത്തെ അവസരത്തിൽ അവരാ കൽസ്​തൂപം ആ മണ്ണിൽനിന്ന്​ പിഴുതെറിഞ്ഞു.

ഒന്നു​മാത്രം ബാക്കി

ജനത്തിരക്കുള്ള കോഴിക്കോട്​ മാനാഞ്ചിറ സ്​ക്വയർ. കോഴിക്കോട്​ ജില്ല പൊലീസ്​ സൂപ്രണ്ടി​െൻറ ഒാഫിസ് അവിടെയാണ്​. കവാടം കടന്നുചെന്നാൽ ഇടതുഭാഗത്തായി ഒരു കൽസ്​തൂപം കാണാം. വിനോദസഞ്ചാര കേ​ന്ദ്രത്തിലെന്ന പോലെ ചങ്ങലകൊണ്ട്​ വേലി തീർത്ത്​ ആരെയും ആകർഷിക്കുന്ന പോലെയാണ്​ സജ്ജീകരണങ്ങൾ. ചുറ്റിലും അലങ്കാര കല്ലുകളൊക്കെ പതിച്ചിട്ടുണ്ട്​. രാത്രി ഇൗ വഴിക്ക്​ വരുന്നവർക്കും കാഴ്​ച നഷ്​ടമ​ാകേ​െണ്ടന്ന്​ കരുതിയാകണം, സ്​തൂപത്തിലേക്ക്​ തിരിച്ചുവെച്ച വൈദ്യുതി ദീപങ്ങളുമുണ്ട്​. ​െപാതുഖജനാവിൽനിന്ന്​ പണം ചെലവഴിച്ച്​, ഇങ്ങയൊക്കെ സംരക്ഷിച്ചുപോരുന്ന ഇൗ സ്​മാരകം ആരുടെ ഒാർമക്കായുള്ളതാണ്​ എന്നറിയ​ു​േമ്പാൾ ഇൗ മണ്ണിൽ പിറന്ന ഏതൊരാളുടെയും ഉള്ളൊന്നു പിടയും. 1921ലെ മലബാറിലെ സ്വാതന്ത്ര്യ പോരാട്ടങ്ങളെ അടിച്ചൊതുക്കുന്നതിനിടെ വിപ്ലവകാരികളാൽ കൊലചെയ്യപ്പെട്ട ബ്രിട്ടീഷ്​ പൊലീസിലെ 21​ ഉദ്യോഗസ്ഥരുടെ സ്​മാരകമാണത്​. മൂന്ന്​ ബ്രിട്ടീഷുകാരും അതിലുണ്ട്. എല്ലാവരുടെയും പേര്​ മലയാളത്തിൽ എഴുതിവെച്ചിട്ടുണ്ട്​.

ആരൊക്കെയാണ്​ അവർ?

കോഴിക്കോട്​ എസ്​.പി ഒാഫിസ്​ കോമ്പൗണ്ടിലെ സ്​മാരകത്തിൽ ​െകാത്തിവെക്കപ്പെട്ട ഒാരോ പേരുകൾക്കും പിന്നിൽ ഒരു ചരിത്രമുണ്ട്​. 1921ലെ ​സ്വാ​ത​ന്ത്ര്യ​പ്പോ​രാ​ളി​ക​ളെ കൂ​ട്ട​ക്കു​രു​തി ന​ട​ത്താ​ൻ മു​ന്നി​ട്ടി​റ​ങ്ങി​യ ബ്രി​ട്ടീ​ഷ്​ പ​ട്ടാ​ള​ത്തി​ലെ​യും പൊ​ലീ​സി​ലെ​യും ഉ​ദ്യോ​ഗ​സ്ഥ​രാ​യി​രു​ന്നു അ​വ​ർ ഒാ​രോ​രു​ത്ത​രും. മൂന്നു ബ്രിട്ടീഷുകാരിൽ രണ്ടു​ പേർ ഉന്നത റാങ്കിലുള്ള പൊലീസ്​ ഉദ്യോഗസ്ഥരും. ആദ്യ പേരുകാരൻ, വില്യം ​തോൺ ഡങ്കൺ റൗളി 1921ലെ മുഖ്യ ഭരണകൂട അടിച്ചമർത്തൽ സേനയായ ലൈൻസറ്റർ റജിമൻറിലെ എ.എസ്​.പി ആയിരുന്നു. 1921 ആഗസ്​റ്റ്​ 20ന്​ ആലി മുസ്​ലിയാർ ഉൾപ്പെടെയുള്ള ഖിലാഫത്ത്​ നേതാക്കളെ അറസ്​റ്റ്​ ചെയ്യാനും 'ആയുധങ്ങൾ തിരയാനും' എന്ന പേരിൽ തിരൂരങ്ങാടിയിലേക്ക്​ മാർച്ച്​ ചെയ്​ത സേനയിലെ അംഗമായിരുന്നു അയാൾ.

വീടുകളിൽ ഇരച്ചുകയറി കുട്ടികളെയും സ്​ത്രീകളെയും വിരട്ടിയും കിഴക്കേപള്ളിയിൽ അതിക്രമിച്ചുകയറി പള്ളിയിലെ ഗ്രന്ഥങ്ങളും വസ്​തുക്കളും വലിച്ചിട്ടും അഴിഞ്ഞാടുകയായിരുന്നു അന്ന്​ ​സേന. ഇതറിഞ്ഞ്​ താനൂരിൽനിന്ന്​ വലിയൊരു സംഘം പരപ്പനാങ്ങാടി വഴി തിരൂരങ്ങാടിയിലേക്ക്​ പുറപ്പെട്ടു. സ്​പെഷൽ പൊലീസ്​ ഇവരെ നേരിടാനെത്തി. വടികളുമായെത്തിയ ജനക്കൂട്ടത്തെ ​ഭരണകൂട സേന എതിരിട്ടു. ബ്രിട്ടീഷ്​ പക്ഷത്തുനിന്ന്​ നാലുപേർ കൊല്ല​പ്പെട്ടു. പൊലീസ്​ വെടിവെപ്പിൽ പോരാളികളിൽപെട്ട 30നും 40നും ഇടയിലുള്ളവർ രക്തസാക്ഷിത്വം വരിച്ചു. എ.എസ്​.പി വില്യം ​തോൺ ഡങ്കൺ റൗളി, ഡബ്ല്യൂ.ആർ.എം. ജോൺസൺ എന്നീ ബ്രിട്ടീഷ്​ പൊലീസ്​ ഉദ്യോഗസ്ഥരും ആലിക്കൽ മൊയ്​തീൻ, പ​െങ്കാടത്ത്​ ഗോവിന്ദൻ നായർ, മണപ്പാട്ട്​ വേലായുധൻ നായർ എന്നീ സ്വദേശികളായ ബ്രിട്ടീഷ്​ പൊലീസ്​ ഉദ്യോഗസ്ഥരും കൊല്ലപ്പെട്ടവരിൽ പെടും.5 ഇൗ സംഭവങ്ങളെ തുടർന്ന്​ മലപ്പുറത്തുനിന്ന്​ ഭരണകൂടം കൂടുതൽ സേനയെ അയച്ചു. പൊലീസ്​ വാനുകൾക്ക്​ മുന്നിൽ സ്​പെഷൽ ഫോഴ്​സിലെ ഇൻസ്​പെക്​ടർ റീഡ്​മാ​െൻറ കാറാണ്​ ഉണ്ടായിരുന്നത്​. തിരൂരങ്ങാടി കടവിൽ ഒത്തുചേർന്നിരുന്ന പോരാളികൾ കാർ പിടിച്ചെടുത്തു. റീഡ്​മാനെയും ഡ്രൈവറെയും വധിച്ചു. കാറ്​ പുഴയിലേക്ക്​ തള്ളിയിട്ടു.6 തിരൂരങ്ങാടിയിൽ ബ്രിട്ടീഷ്​ അതിക്രമത്തിനിടെ കൊല്ല​പ്പെട്ട ഡബ്ല്യൂ.ആർ.എം. ജോൺസൺ ഒഴികെയുള്ള മുകളിൽ പറഞ്ഞവരുടെയെല്ലാം പേര്​ കോഴിക്കോ​െട്ട സ്​മാരകത്തിലുണ്ട്​.

മറ്റൊരാൾ മലപ്പുറം സ്​പെഷൽ ഫോഴ്​സിലെ അസിസ്​റ്റൻറ്​ സൂപ്രണ്ട്​ കത്​ബർട്ട്​ ബക്​സ്​ട്ടൺ ലങ്കാസ്​റ്റർ ആയിരുന്നു. തിരൂരങ്ങാടിയിലേക്ക്​ മാർച്ച്​ ചെയ്​ത മലപ്പുറത്തുനിന്നുള്ള സേനയുടെ തലവൻ ഇയാളായിരുന്നു. ശേഷം ആഗസ്​റ്റ്​ 26െൻറ പൂക്കോട്ടൂർ യുദ്ധത്തിലും അധിനിവേശ സേനയെ നയിച്ചു. 400ഒാളം പോരാളികളെ കൊന്നൊടുക്കി യു​​​​ദ്ധ​​​​വി​​​​ജ​​​​യ​​​​ത്തി​െ​​​​ൻ​​​​റ അർമാദത്തിൽ മ​​​​ല​​​​പ്പു​​​​റ​​​​ത്തേ​​​​ക്ക്​ പു​​​​റ​​​​പ്പെ​​​​ട്ട ബ്രി​​​​ട്ടീ​​​​ഷ്​ വാ​​​​ഹ​​​​ന​​​​വ്യൂ​​​​ഹ​​​​ത്തി​​​​ന്​ നേ​​​​രെ വാ​​​​റ​േ​​​​ങ്കാ​​​​ട്​ വെ​​​​ച്ച്, മ​​​​ങ്ക​​​​ര​​​​ത്തൊ​​​​ടി കു​​​​ഞ്ഞ​​​​ഹ​​​​മ്മ​​​​ദ്​ എ​​​​ന്ന മാ​​​​പ്പി​​​​ള​​​​ ഗറില്ല​ ഒ​​​​ളി​​​​യാ​​​​ക്ര​​​​മ​​​​ണം ന​​​​ട​​​​ത്തി. ഇ​​​​വി​​​​ടെ​​​​യു​​​​ള്ള ഒ​​​​രു മ​​​​ര​​​​ത്തി​​​​ന്​ മു​​​​ക​​​​ളി​​​​ൽ നി​​​​ല​​​​യു​​​​റ​​​​പ്പി​​​​ച്ച കു​​​​ഞ്ഞ​​​​ഹ​​​​മ്മ​​​​ദ്​ ഗ​​​​ത്​​​​​ബ​​​​ർ​​​​ട്ട്​ ബ​​​​ക്​​​​​സ്​​​​​റ്റ​​​​ൺ ല​​​​ങ്കാ​​​​സ്​​​​​റ്റ​​​​ർ​​​​ക്ക്​ ​േ​ന​​​​രെ കൈ​​​​ബോം​​​​ബെ​​​​റി​​​​ഞ്ഞു. ഗു​​​​രു​​​​ത​​​​ര​​​​മാ​​​​യി പ​​​​രി​​​​ക്കേ​​​​റ്റ പൊ​​​​ലീ​​​​സ്​ ഒാ​​​​ഫി​​​​സ​​​​ർ അന്നേദിവസം രാത്രി 11.30ന്​ മലപ്പുറത്ത്​ മ​​​​ര​​​​ിച്ചു. ഇയാളുടെ കല്ലറ മലപ്പുറത്തെ ക്രിസ്​തീയ ദേവാലയത്തിൽ ഇന്നും കാണാം. ബ്രി​​​​ട്ടീ​​​​ഷ്​ പൊ​​​​ലീ​​​​സി​െ​​​​ൻ​​​​റ പ്ര​​​​ത്യാ​​​​ക്ര​​​​മ​​​​ണ​​​​ത്തി​​​​ലാ​​​​ണ്​ മ​​​​ങ്ക​​​​ര​​​​ത്തൊ​​​​ടി കു​​​​ഞ്ഞ​​​​ഹ​​​​മ്മ​​​​ദ്​ ര​​​​ക്​​​​​ത​​​​സാ​​​​ക്ഷി​​​​യാ​​​​കു​​​​ന്ന​​​​ത്. യു​​​​ദ്ധ​​​​ത്തി​​​​ൽ വി​​​​ജ​​​​യി​​​​ച്ചെ​​​​ങ്കി​​​​ലും അ​​​​വ​​​​രു​​​​ടെ ഏ​​​​റ്റ​​​​വും പ്ര​​​​ധാ​​​​ന ഉ​​​​ദ്യോ​​​​ഗ​​​​സ്​​​​​ഥ​​​​ൻ കൊ​​​​ല്ല​​​​പ്പെ​​​​ട്ട​​​​ത്​ ബ്രി​​​​ട്ടീ​​​​ഷു​​​​കാ​​​​ർ​​​​ക്ക്​ വ​​​​ലി​​​​യ ആ​​​​ഘാ​​​​ത​​​​മാ​​​​യി. 7 പൂക്കോട്ടൂർ യുദ്ധത്തിൽ കൊല്ലപ്പെട്ട ജെമേദാർ കളത്തിൽ പേരഴി കുഞ്ഞിരാമ മേനോ​െൻറ പേരും സ്​മാരകത്തിൽ കാണാം.

അടുത്തയാൾ കക്കാടൻ ​ൈഹദ്രോസ് എന്ന മാപ്പിള ഹെഡ്​കോൺസറ്റബ്​ൾ ആണ്​. പന്തല്ലൂർ മുടിക്കോട്​ ഒൗട്ട്​പോസ്​റ്റിലായിരുന്നു അയാൾക്ക്​ ഡ്യൂട്ടി. പൂക്കോട്ടൂർ യുദ്ധത്തിന്​ ശേഷം വിപ്ലവനായകൻ വാരിയംകുന്നത്ത്​ കുഞ്ഞഹമ്മദാജി കരുവാരകുണ്ടിൽനിന്ന്​ കൂടുതൽ ആയുധങ്ങൾ ശേഖരിച്ചു. 100 അനുയായികൾക്കൊപ്പം നെന്മിനി വഴി മഞ്ചേരിയിലേക്ക്​ മാർച്ച്​ നടത്തി. ആഗസ്​റ്റ്​ 30ന്​ പുലർച്ചെ പന്തലൂരിലെത്തി. മുടിക്കോട്​ വന്ന്​ പൊലീസ്​ ഒൗട്ട്​പോസ്​റ്റ്​ ആക്രമിച്ചു. ഹെഡ്​കോൺസ്​റ്റബിൾ കക്കാടൻ ​ൈഹദ്രോസിനെ വാരിയംകുന്നനും സംഘവും കൊലപ്പെടുത്തി.8വിപ്ലവകാരികളുടെ നീക്കങ്ങൾ മണത്തറിഞ്ഞ്​ യഥാസമയം ബ്രിട്ടീഷ്​ അധികാരികളെ അറിയിക്കലുമായിരുന്നു ൈഹദ്രോസി​െൻറ ജോലി. ഒൗട്ട്​പോസ്​റ്റിനോട്​ ചേർന്ന്​ ഒരു താൽക്കാലിക ലോക്കപ്പും ഉണ്ടായിരുന്നു. ഇതി​െൻറ അവശിഷ്​ടങ്ങൾ ഇന്നും മുടിക്കോട്​ കാണാം. ൈഹദ്രോസി​​െൻറ കൊലക്ക്​ ശേഷം പോരാളിസംഘം നേരെ പോകുന്നത്​ ആനക്കയം പുള്ളിയിലങ്ങാടിയിലെ റിട്ട. ഇൻസ്​പെക്​ടർ കൂരിമണ്ണിൽ വലിയ മണ്ണിൽ ചേക്കുട്ടിയുടെ വീട്ടിലേക്കാണ്​. ബ്രിട്ടീഷ്​ പാദസേവകനും ഒറ്റുകാരനുമായ ചേക്കുട്ടിയെ സംഘം അവസാനിപ്പിച്ചുകളഞ്ഞു.

തയ്യിൽ വേലുനായർ എന്ന കോൺസറ്റബ്​ൾ കൊല്ലപ്പെടുന്നത്​ 1921 സെപ്​റ്റംമ്പർ 30ന്​ പൊന്നാനിയിൽ പോരാളികളുമായുണ്ടായ ഏറ്റുമുട്ടലിലാണ്​.9 1921 സെപ്​റ്റംബർ ഏഴോടെയാണ്​ വാരിയംകുന്ന​െൻറ നിലമ്പൂർ പ്രവേശം. നിലമ്പൂർ ആസ്​ഥാനമായായിരുന്നു അദ്ദേഹത്തി​െൻറ പിന്നീടുള്ള പ്രവർത്തനങ്ങൾ. ഇതിനിടെ സെപ്​റ്റംബർ 11നാണ്​ പോരാളി സംഘം നീലഗിരി പൊലീസിലെ സബ്​ ഇൻസ്​പെകടർ ശൈഖ്​ മൊയ്​തീനെയും കോൺസറ്റബ്​ൾമാരായ പാലക്കൽ വളയങ്ങാട്ട്​ കുട്ടി കൃഷ്​ണൻ നായർ, വാക്കയിൽ ഇൗച്ചരൻ നായർ എന്നിവരെയും പിടികൂടുന്നതും വധശിക്ഷക്ക്​ വിധേയരാക്കുന്നതും. 10

ജോർജ്​ ​േഫ്ലായ്​ഡി​െൻറ കൊലപാതകത്തിന്​​ ശേഷം ലോകമെമ്പാടും ഉയർന്നുവന്ന 'ബ്ലാക്ക്​​ ലിവ്​സ്​ മാറ്റർ' കാമ്പയി​നിെൻറ അനുബന്ധമായിരുന്നു 'കൊളോണിയൽ സ്​മാരകങ്ങൾ തകർക്കപ്പെടണം' എന്ന മുദ്രാവാക്യം. അമേരിക്കയിലെ ബോസ്​റ്റണിൽ സ്ഥാപിക്കപ്പെട്ട ക്രിസ്​റ്റഫർ കൊളമ്പസി​െൻറ പ്രതിമ ​പ്രതിഷേധക്കാർ തകർത്തുകളഞ്ഞു. ബ്രിട്ടനിൽ അടിമക്കച്ചവടക്കാരൻ എഡ്​വാഡ്​ കോൽസ്​റ്റണി​െൻറ പ്രതിമയും തൂത്തെറിയപ്പെട്ടു. ബ്രിട്ടനിൽ മാത്രം ഇത്തരം 60 സ്​മാരകങ്ങൾ ബ്ലാക്ക്​​ ലിവ്​സ്​ മാറ്റർ പോരാളികൾ നോട്ടമിട്ടുവെച്ചു. ബ്രിട്ട​െൻറ കോളനികളായിരുന്ന മിക്കവാറും രാഷ്​ട്രങ്ങളിൽ ഇത്തരം ​െകാളോണിയൽ സ്​മാരകങ്ങൾക്കെതിരായ സമരങ്ങൾ നടന്നുകൊണ്ടിരിക്കുന്നു.

പക്ഷേ, ഉന്നത ജനാധിപത്യബോധവും രാഷ്​ട്രീയ പ്രബുദ്ധതയും അവകാ​ശപ്പെടുന്ന മലയാളികളെ കൊളോണിയൽ ബാധ ഇനിയും വി​െട്ടാഴിഞ്ഞിട്ടില്ല. അടുത്തിടെ കോഴിക്കോട്​ കാപ്പാട്​ ബീച്ച്​ വിനോദസഞ്ചാര കേന്ദ്രമാക്കി വികസിപ്പിച്ചപ്പോൾ, അതിന്​ ഇന്ത്യയിലെ യൂറോപ്യൻ അധിനിവേശത്തിന്​ തുടക്കം കുറിച്ച കടൽകൊള്ളക്കാരൻ വാസ്​കോഡഗാമയുടെ പേരിട്ട ഭരണകൂടമാണ്​ ഇവിടെയുള്ളത്. ബ്രിട്ടീഷുകാർ ഇന്ത്യ അടക്കിഭരിച്ച കാലത്തെ രാജ്​ഞി വിക്​ടോറിയയുടെ പേരിൽ സർക്കാർ കോളജും 1800കളിലെ മലബാറിലെ കർഷക പോരാട്ടങ്ങളെ ചോരയിൽ മുക്കിയ കലക്​ടർ കനോലിയുടെ പേരിൽ ഒരു കനാലുമുള്ള നാടാണിത്​!

മലബാറിലെ സ്വാത​ന്ത്ര്യപോരാളികളെ അടിച്ചമർത്താൻ നേതൃത്വം നൽകുകയും തിരൂരങ്ങാടിയിലും പൂക്കോട്ടൂരിലും അടക്കം ചോരപ്പുഴ ഒഴുക്കുകയും ചെയ്​ത പൊലീസ്​ ഉദ്യോഗസ്ഥരായിരുന്നു മേൽപറഞ്ഞവർ എല്ലാമെന്ന്​ വ്യക്​തം. അധിനിവേശ ശക്​തിയുടെ പല്ലും നഖവുമായിരുന്ന ഇവരുടെ ഒാർമയിൽ സ്വതന്ത്ര ഇന്ത്യയിൽ, ഉപചാരപൂർവം ഒരു സ്​മാരകം തലയുയർത്തി നിൽക്കണോ എന്നത്​ ജനാധിപത്യ ഭരണകൂടവും പൗരാവകാശ പ്രവർത്തകരും ആലോചിക്കണം.

ആറ്​ മാപ്പിള പൊലീസുകാർ

പ്രസ്​തുത സ്​മാരകത്തിലുള്ള 21 പൊലീസ്​ ഒാഫിസർമാരിൽ ആറ്​ പേരും മാപ്പിളമാരാണ്​ എന്നത്​ പ്രധാനമാണ്​. ബ്രിട്ടീഷ്​ പക്ഷത്ത്​ ആരെല്ലാം നിലയുറപ്പിച്ചുവോ അവർക്കെല്ലാം എതിരായിരുന്നു മലബാർ പോരാളികൾ എന്നതി​െൻറ, ശത്രുവി​െൻറ മതമല്ല; ചൂഷണവും അതിക്രമവുമായിരുന്നു പോരാട്ടത്തി​െൻറ കാരണമെന്നതി​െൻറ മികച്ച തെളിവുകൂടിയാണ്​ ഇത്​.

ഇതടക്കം ചരിത്രപരമായ വിവരങ്ങൾ ഉൾക്കൊള്ളുന്ന സ്​മാരകങ്ങൾ തകർക്കപ്പെടരുത്​ എന്ന വാദം ഉയർന്നേക്കാം. മലബാർ പോരാട്ടങ്ങളുമായി ബന്ധപ്പെട്ട ചരിത്രശേഷിപ്പുകൾ ഉൾപ്പെടുത്തിക്കൊണ്ടുള്ള മ്യൂസിയം ഉണ്ടാക്കുക, അതിലേക്ക്​ ഇത്തരം ചരിത്രശേഷിപ്പുകൾ മാറ്റുക എന്നത്​ മാത്രമാണ്​ പരിഹാരം. മലപ്പുറം എം.എസ്​.പി അതി​െൻറ നൂറാം വാർഷികവുമായി ബന്ധപ്പെട്ട്​ ഒരു മ്യൂസിയം സജ്ജമാക്കുമെന്ന്​ പ്രഖ്യാപിച്ചിരുന്നു. അത്തരം മ്യൂസിയങ്ങളിൽ ചില്ലിട്ട്​ വെക്കാനുള്ള പ്രാധാന്യം മാത്രമേ ഇതുപോലുള്ള കൊളോണിയൽ അടയാളങ്ങൾക്കുള്ളൂ. പൊതുജനമധ്യത്തിൽ ഉപചാരപൂർവം തലയുയർത്തി നിൽക്കാൻ ഇൗ കല്ലിന്​ ഒട്ടും അർഹതയില്ലെന്ന്​ തീർച്ച.

കോഴിക്കോ​െട്ട സ്​മാരകത്തിൽ രേഖപ്പെടുത്തിയ പേരുകളും വിവരങ്ങളും

'1921-22ലെ മാപ്പിള ലഹളയിൽ കൊല്ല​പ്പെട്ട പൊലീസ്​ ഉദ്യോഗസ്ഥന്മാർ' 

തെക്കേ മലയാളം

•വില്യം ​​േതാൺ ഡങ്കൺ റൗളി

-അസിസ്​റ്റൻറ്​ സൂപ്രണ്ട്​

•കത്​ബർട്ട്​ ബക്​സ്​ട്ടൺ ലങ്കാസ്​റ്റർ

- അസിസ്​റ്റൻറ്​ സൂപ്രണ്ട്​

​•െത. റീഡ്​മെൻ

-ഇൻസ്​പെക്​ടർ

•കക്കാടൻ ​ൈഹദ്രോസ്​-

ഹെഡ്​കോൺസ്​റ്റബ്​ൾ നമ്പർ 921

•ആലിക്കൽ മൊയ്​തീൻ

-ഹെഡ്​കോൺസ്​റ്റബ്​ൾ നമ്പർ 133

•പ​െങ്കാടത്ത്​ ഗോവിന്ദൻ നായർ

- ഹെഡ്​കോൺസ്​റ്റബ്​ൾ നമ്പർ 728

•മന്മെഞ്ഞുലൻ കുഞ്ഞാലി

- കോൺസ്​റ്റബ്​ൾ നമ്പർ 790

•മണപ്പാട്ട്​ വോലായുധൻ നായർ

-കോൺസ്​റ്റബ്​ൾ നമ്പർ 1222

•കക്കാട്ട്​പറമ്പിൽ സൈതാലി

- കോൺസ്​റ്റബ്​ൾ നമ്പർ 634

•വെള്ളൂർ വളപ്പിൽ മായൻ

-കോൺസ്​റ്റബ്​ൾ നമ്പർ 624

•തയ്യിൽ വേലുനായർ

-കോൺസ്​റ്റബ്​ൾ നമ്പർ 774

മലബാർ
സ്​പെഷൽ പൊലീസ്​

•കളത്തിൽ പേരഴി

കുഞ്ഞിരാമൻ മേനോൻ

- ജമെദാർ നമ്പർ 1956

•പുതിയ വളപ്പിൽ കുഞ്ഞമ്പു

- നായക്ക്​ നമ്പർ 1445

•മൊളിയിലപ്പാട്ടിൽ ശങ്കുണ്ണി നായർ

-കോൺസ്​റ്റബ്​ൾ നമ്പർ- 1644

•ചിറക്കൽ അച്യുത പണിക്കർ

-കോൺസ്​റ്റബ്​ൾ നമ്പർ 1554

•കാകൻകൊലിൽ വടക്കിരകത്ത്​

നാരായണ വാരിയർ

-കോൺസ്​റ്റബ്​ൾ നമ്പർ 1570

•അമ്പട്ടപള്ളിയാലിൽ

കുട്ടികൃഷ്​ണൻ നായർ

-കോൺസ്​റ്റബ്​ൾ നമ്പർ 1833

നീലഗിരി ജില്ല

•സി. നാരായണ റാവു ശേഷഗിരി

റാവു ബി.എ ഇൻസ്​പെക്​ടർ

•ഷെയ്​ക്​ മൊയ്​തീൻ സാഹിബ്​

- സബ്​ ഇൻസ്​പെക്​ടർ

•പാലക്കൽ വളയങ്ങാട്ട്​

കുട്ടി കൃഷ്​ണൻ നായർ

-കോൺസ്​റ്റബ്​ൾ നമ്പർ 10

•വാക്കയിൽ ഇൗച്ചരൻ നായർ

-കോൺസ്​റ്റബ്​ൾ നമ്പർ 70

സേലം ജില്ല

•ചിന്നസ്സാമി

-കോൺസ്​റ്റബ്​ൾ നമ്പർ- 576

(ഇൗ സ്​മാരകസ്​തംഭം ഇവരുടെ

പൊലീസ്​ ഉദ്യോഗസ്ഥ ​

സഹോദരന്മാരാൽ

സ്ഥാപിക്ക​പ്പെട്ടതാകുന്നു)

സൂചിക

1., 3. (Madras legislative assembly debates, 12.19.1947, Source: South asia open Archives.)

2. മുഹമ്മദ്​ അബ്​ദുസ്സത്താർ കെ.കെ. (2021) ​െകാണ്ടോട്ടി ചരിത്രം സംസ്​കാരം, പേജ്​: 176, ചരിത്ര പ്രസിദ്ധീകരണ സമിതി, കൊണ്ടോട്ടി

4. ബിജുരാജ്​ ആർ.​​കെ. (2020) മലബാർ കലാപം ചരിത്ര-രേഖകൾ, ഒലിവ്​ ബുക്​സ്​ കോഴിക്കോട്

5,6,8,9,10. Hitchcock R.H (1923) A history of the malabar reblellion, 1921, Page: 37,101,72, 66. printed by the superintendent, government press, Madras

7. Tottenham. Grf (1922) The Mappila Rebellion 1921^1922, Page: 64, The superintendent, Government Press Madras

കടപ്പാട്​: ഡോ. മഹ്​മൂദ്​ കൂരിയ, പി.പി. സൈതാലി, അത്തീഫ്​ കാളികാവ്