ന്യൂഡൽഹി: വി.െഎ.പികളുടെ വരവിനെ തുടർന്ന് ഡൽഹി വിമാനത്താവളത്തിെൻറ പ്രവർത്തനം താളം തെറ്റി. 13 വിമാനങ്ങൾ വഴിതിരിച്ചത് വിട്ടു. ശനിയാഴ്ച രാത്രി ഒമ്പത് മണിയോടെ വിമാനത്താവളത്തിെൻറ വെബ്സൈറ്റ് പ്രകാരം 90 വിമാനങ്ങൾ വൈകിയിട്ടുണ്ട്. രാത്രി പത്തരയോടെയാണ് മിക്ക വിമാനങ്ങളും നിലത്തിറങ്ങിയ്.
ജെറ്റ് എയർവേയ്സ്, സ്പൈസ് ജെറ്റ് തുടങ്ങിയ വിമാനക്കമ്പനികൾ വെബ്സെറ്റ് പരിശോധിച്ച ശേഷം യാത്രക്ക് എത്തിയാൽ മതിയെന്ന് നിർദേശം യാത്രക്കാർക്ക് ട്വിറ്ററിലൂടെ നൽകി. മിക്കവാറും വിമാനങ്ങളും ഒരു മണിക്കൂറെങ്കിലും വൈകി. പട്നയിൽ നിന്നെത്തിയ വിമാനം ആറ് മണിക്കൂറാണ് വൈകിയത്. വിമാനങ്ങൾ അനന്തമായ വൈകിയതോടെ യാത്രക്കാർ രോഷാകുലരായി.
ഇന്ത്യയിലെ ഏറ്റവും തിരക്കേറിയ വിമാനത്താവളങ്ങളിലൊന്നാണ് ഡൽഹിയലേത്. മൂന്ന് റൺവേകളുള്ള ഡൽഹിയിൽ 1200 വിമാനങ്ങളാണ് പ്രതിദിനം വന്നുപോകുന്നത്. മണിക്കൂറിൽ 70 വിമാനങ്ങൾ ഡൽഹിയിലെത്താറുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.