ചെന്നൈ: പൊള്ളാച്ചിക്ക് സമീപം പ്രായപൂർത്തിയാവാത്ത ആൺകുട്ടിയെ നിർബന്ധപൂർവം വിവാഹം കഴിച്ച 19കാരിയെ പോക്സോ നിയമ പ്രകാരം അറസ്റ്റ് ചെയ്ത് ജയിലിലടച്ചു. പൊള്ളാച്ചി-പാലക്കാട് റോഡിലെ പെട്രോൾ പമ്പിൽ ജോലി ചെയ്യുന്ന യുവതിയാണ് 17കാരനെ പ്രണയിച്ച് വിവാഹം കഴിച്ചത്.
ബാലെൻറ മാതാപിതാക്കൾ നൽകിയ പരാതിയുടെ അടിസ്ഥാനത്തിൽ പൊള്ളാച്ചി വനിത പൊലീസ് കേസെടുത്തു. തുടർന്ന് ആൺകുട്ടി നൽകിയ മൊഴിയുടെ അടിസ്ഥാനത്തിൽ യുവതിയെ പോക്സോ നിയമപ്രകാരം കേസെടുത്ത് കോടതിയിൽ ഹാജരാക്കി കോയമ്പത്തൂർ സെൻട്രൽ ജയിലിൽ റിമാൻഡ് ചെയ്യുകയായിരുന്നു. 17കാരനെ വിവാഹം കഴിച്ചെന്ന പരാതിയിൽ അപൂർവമായാണ് പോക്സോ നിയമ പ്രകാരം യുവതി അറസ്റ്റ് ചെയ്യപ്പെട്ടതെന്ന് പൊലീസ് കേന്ദ്രങ്ങൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.