ന്യൂഡൽഹി: പ്രളയ ബാധിത പ്രദേശങ്ങൾ സന്ദർശിക്കാൻ കോൺഗ്രസ് ഉപാധ്യക്ഷൻ രാഹുൽ ഗാന്ധി പുതുച്ചേരിയിലെത്തി. പ്രളയം കനത്ത നാശനഷ്ടം വിതച്ച കാഞ്ചീപുരവും മറ്റ് പ്രദേശങ്ങളായ പുതുച്ചേരി, കൂടല്ലൂർ മേഖലകളും രാഹുൽ സന്ദർശിക്കും.
പുതുച്ചേരി വിമാനത്താവളത്തിൽ ഇറങ്ങിയ രാഹുൽ, റോഡിയാർപേട്ട്, റിയാൻകുപ്പം, ക്രിമാംമ്പാക്കം എന്നീ സ്ഥലങ്ങളാണ് ആദ്യം സന്ദർശിക്കുക. കൂടാതെ, ദുരിതാശ്വാസ കേന്ദ്രങ്ങളിലെത്തുന്ന അദ്ദേഹം അവശ്യവസ്തുക്കൾ വിതരണം ചെയ്യും.
അതിനിടെ, ചെന്നൈയിൽ നിന്ന് കഴിഞ്ഞ ദിവസം കാണാതായ ടാക്സി ഡ്രൈവർ പൂമിദുരൈയുടെ മൃതദേഹം ശ്രീലങ്കയിൽ കരക്കടിഞ്ഞു. ആഴ്ചകൾ നീണ്ടു നിന്ന ചെന്നൈ പ്രളയത്തിൽ 270 പേർ മരിച്ചതായാണ് സർക്കാർ കണക്ക്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.