ഭോപാല്‍: ചൂടുകാറ്റിനുള്ള സാധ്യതയെ തുടര്‍ന്ന് മധ്യപ്രദേശില്‍ വിദ്യാലയങ്ങള്‍ ഉച്ചക്ക് ഒന്നോടെ അടയ്ക്കാന്‍ വിദ്യാഭ്യാസ വകുപ്പിന്‍െറ ഉത്തരവ്. കടുത്ത ഉഷ്ണം നേരിടുന്ന ബന്ധല്‍ഗഢ് മേഖലയില്‍ 40-42 ഡിഗ്രി താപനിലയാണ് രേഖപ്പെടുത്തിയത്.
ഖജുരാഹോയിലും കനത്ത ചൂടാണ്. കഴിഞ്ഞ ശനിയാഴ്ച സംസ്ഥാനത്തെ ഏറ്റവും കൂടിയ താപനിലയായ 42.4 ഡിഗ്രിയായിരുന്നു ഇവിടെ രേഖപ്പെടുത്തിയത്. പടിഞ്ഞാറന്‍ മധ്യപ്രദേശിലെ ദാമോ, ഗരഗോണ്‍ എന്നിവിടങ്ങളിലും 42 ഡിഗ്രിയാണ് താപനില.
സാഗര്‍, ദാമോ, ഛത്തര്‍പുര്‍, പാന്ന, തിക്കംഗഢ് എന്നിവിടങ്ങളില്‍ ചൂടുകാറ്റിന് സാധ്യതയുണ്ടെന്ന് കാലാവസ്ഥാകേന്ദ്രം മുന്നറിയിപ്പ് നല്‍കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.