ന്യൂഡൽഹി ∙ മുന്‍ ക്രിക്കറ്റ് താരവും രാജ്യസഭാ എം.പിയുമായിരുന്ന നവജ്യോത് സിങ് സിദ്ദു ബി.ജെ.പി അംഗത്വം രാജിവച്ചു. സിദ്ദുവും ഭാര്യ നവജ്യോത് കൗറും ബി.ജെ.പി ദേശീയ അധ്യക്ഷന്‍ അമിത് ഷാക്ക് രാജിക്കത്തയച്ചു. നവജ്യോത് കൗര്‍ പഞ്ചാബ് നിയമസഭാ അംഗത്വവും രാജിവെച്ചിട്ടുണ്ട്. 2014 ലോക്സഭാ തിരഞ്ഞെടുപ്പില്‍ അമൃത്സര്‍ സീറ്റിനെച്ചൊല്ലിയാണ് സിദ്ദു ബി.ജെ.പിയുമായി ഇടഞ്ഞത്. തുടര്‍ന്ന് രാജ്യസഭാ അംഗത്വം ഒഴിഞ്ഞിരുന്നു. പ‍ഞ്ചാബിലെ നിയമസഭാ തെരഞ്ഞെടുപ്പിന് മുന്നോടിയായി സിദ്ദു 'ആവാസെ പഞ്ചാബ്' എന്ന രാഷ്ട്രീയപാര്‍ട്ടി രൂപീകരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.