ന്യൂഡൽഹി: കേരളത്തിലെ ന്യൂനപക്ഷേതര എയ്ഡഡ് കോളജുകളിൽ പട്ടികജാതി പട്ടികവർഗ സംവരണം പാലിക്കാനുള്ള യു.ജി.സി ഉത്തരവ് നടപ്പാക്കണമെന്നാവശ്യപ്പെട്ട് സമർപ്പിച്ച ഹരജിയിൽ സുപ്രീംകോടതി നോട്ടീസ്. 2005ലെ യു.ജി.സി ഉത്തരവ് ന്യൂനപക്ഷേതര കോളജുകളിൽ നടപ്പാക്കാനുള്ള സിംഗിൾ ബെഞ്ച് വിധി റദ്ദാക്കിയ കേരള ഹൈകോടതി വിധിക്കെതിരെ ടി.കെ. സുനിതാ കുമാരി, ഡോ. കെ.കെ. ജയസൂര്യൻ എന്നിവർ സമർപ്പിച്ച ഹരജിയിലാണ് സുപ്രീംകോടതി നോട്ടീസ് അയച്ചത്.
എസ്.സി/എസ്.ടി സംവരണം പാലിക്കണമെന്ന യു.ജി.സി ഉത്തരവ് നടപ്പാക്കാൻ കേരള ഹൈകോടതി സിംഗിൾ ബെഞ്ച് വിധിച്ചിരുന്നു. ഇതിനെതിരെ നായർ സർവിസ് സൊസൈറ്റിയും ശ്രീനാരായണ ട്രസ്റ്റും നൽകിയ അപ്പീലിൽ കേരള ഹൈകോടതി ഡിവിഷൻ ബെഞ്ച് സിംഗിൾ ബെഞ്ചിന്റെ വിധി റദ്ദാക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.