ന്യൂഡൽഹി: തൊഴിൽ മന്ത്രാലയത്തിലെ 25 ജീവനക്കാർക്ക് കൂടി കോവിഡ് സ്ഥിരീകരിച്ചു. ഇതോടെ മന്ത്രാലയത്തിൽ രോഗം സ്ഥിരീകരിച്ചവരുടെ എണ്ണം 36ആയി. ജീവനക്കാരുടെ കുടുംബാംഗങ്ങൾക്കും കോവിഡ് സ്ഥിരീകരിച്ചിട്ടുണ്ട്. നേരത്തേ മന്ത്രാലയത്തിലെ 11 പേർക്ക് കോവിഡ് റിപ്പോർട്ട് ചെയ്തിരുന്നു.
കഴിഞ്ഞ ആഴ്ചയിൽ രണ്ടുപേർക്കാണ് മന്ത്രാലയത്തിൽ ആദ്യം കോവിഡ് സ്ഥിരീകരിച്ചത്. തുടർന്ന് ഇവരുമായി സമ്പർക്കം പുലർത്തിയവരെ നിരീക്ഷണത്തിലാക്കുകയും പരിശോധന നടത്തുകയുമായിരുന്നു.
മന്ത്രാലയത്തിലെ കൂടുതൽ പേർക്ക് രോഗം സ്ഥിരീകരിച്ചതിനെ തുടർന്ന് കഴിഞ്ഞയാഴ്ച ശ്രാം ശക്തി ഭവൻ അണുനശീകരണ പ്രവർത്തനങ്ങൾക്കായി അടച്ചിരുന്നു. ഞായറാഴ്ച മന്ത്രാലയത്തിലെ കോവിഡ് ബാധിതരുടെ എണ്ണം 11 ആയിരുന്നു. ഇവരുമായി സമ്പർക്കം പുലർത്തിയ 25 പേർക്ക് കൂടി വെള്ളിയാഴ്ച കോവിഡ് സ്ഥിരീകരിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.