ധാർ: മധ്യപ്രദേശിലെ ധാർ ജില്ലയിലെ ആദിവാസി മേഖലയിൽ കള്ള് കുടിച്ച് രണ്ട് പുരുഷന്മാരും ഒരു സ്ത്രീയും മരിച്ചു. ജില്ലയിൽ നിന്ന് 90 കിലോമീറ്റർ അകലെ തണ്ട പോലീസ് സ്റ്റേഷൻ പരിധിയിലെ ഝദാംലി ഗ്രാമത്തിലാണ് സംഭവം. സംഭവസ്ഥലത്ത് നിന്ന് കീടനാശിനി കുപ്പി കണ്ടെത്തിയിട്ടുണ്ട്, എന്നാൽ ഇത് കള്ളിൽ കലർത്തിയിട്ടുണ്ടോ എന്ന് വ്യക്തമല്ല. സംഭവത്തെക്കുറിച്ചുള്ള അന്വേഷണം തുടരുകയാണ്. ഒരു കുടുംബത്തിലെ അംഗങ്ങൾ അവരുടെ കൃഷിയിടത്തിലെ മരത്തിൽ നിന്ന് പാം വൈൻ കഴിച്ചിട്ടുണ്ടെന്നും. തുടർന്ന് ഒരാൾ മരിച്ചുവെന്ന് ധാർ പോലീസ് സൂപ്രണ്ട് മനോജ് കുമാർ സിംഗ് പറഞ്ഞു. നസ്രാണ് (46) മരിച്ചത്.
മരണത്തെക്കുറിച്ചുള്ള വിവരം ലഭിച്ചതിനെത്തുടർന്ന് ഞായറാഴ്ച ഉച്ചയോടെ പോലീസ് സംഘം ഗ്രാമത്തിലെത്തി കള്ള് കുടിച്ച മറ്റുള്ളവരെ ധാരിലെ ബോറി ടൗണിലെ ആശുപത്രികളിലേക്ക് കൊണ്ടുപോയി. ഇവരിൽ 45 വയസ്സുള്ള ഒരു സ്ത്രീയും 55 വയസ്സുള്ള പുരുഷനും വിവിധ ആശുപത്രികളിൽ ചികിത്സയ്ക്കിടെ രാത്രിയോടെയാണ് മരിച്ചതെന്ന് ഉദ്യോഗസ്ഥർ പറഞ്ഞു. മദ്യം കഴിച്ച മറ്റ് 13 പേരെ വൈദ്യപരിശോധനയ്ക്ക് വിധേയരാകിയതായും, എല്ലാവരും അപകടനില തരണം ചെയ്തതായും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.