മുംബൈ: 19കാരിയെ പീഡിപ്പിച്ച കേസിൽ പ്രതിയായ 70കാരനായ സന്യാസി ആത്മഹത്യ ചെയ്ത നിലയിൽ. മുംബൈയിലെ ഘട്ട്കോപറിലെ ജൈന ക്ഷേത്രത്തിലാണ് 70കാരനെ ആത്മഹത്യ ചെയ്ത നിലയിൽ കണ്ടെത്തിയത്.
മൻഹർ മുനി ദേശായിയാണ് ആത്മഹത്യ ചെയ്തത്. മൃതദേഹത്തിന് സമീപത്തുനിന്ന് ആത്മഹത്യ കുറിപ്പും കണ്ടെടുത്തു. തെൻറ ഭൂമിയിലെ ജോലി അവസാനിച്ചു, വലിയ കാര്യങ്ങൾക്കായി മടങ്ങിവരാൻ ഗുരു തന്നോട് ആവശ്യപ്പെട്ടുവെന്നും ആത്മഹത്യക്കുറിപ്പിൽ പറയുന്നു.
ക്ഷേത്രജീവനക്കാരിൽ ഒരാളുടെ സീലിങ് ഫാനിൽ തൂങ്ങിമരിച്ച നിലയിലായിരുന്നു മൃതദേഹം. ഘട്ട്കോപറിലെ രാജവാഡി ആശുപത്രിയിലെത്തിച്ചെങ്കിലും മരിക്കുകയായിരുന്നുവെന്ന് പാന്ത് നഗർ പൊലീസ് പറഞ്ഞു.
പീഡന കേസിൽ പ്രതിയായ സന്യാസിക്ക് കോടതി ഇൗ മാസം ആദ്യംമജിസ്ട്രേറ്റ് കോടതി രണ്ടുവർഷം തടവ് ശിക്ഷ വിധിച്ചിരുന്നു. 2012ലെ കേസിലാണ് സന്യാസിക്ക് ശിക്ഷ വിധിച്ചത്. 19കാരിയെ ഉപദ്രവിച്ചുവെന്നാണ് കേസ്. കോവിഡ് പശ്ചാത്തലത്തിൽ ഉത്തരവ് ലഭിക്കാൻ വൈകിയതിനാൽ സന്യാസിയുടെ അറസ്റ്റും വൈകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.