representational image
ബംഗളൂരു: പ്രണയപ്പകയിൽ പ്രായപൂർത്തിയാകാത്ത പെൺകുട്ടിക്ക് നേരെ യുവാവിന്റെ ആസിഡ് ആക്രമണം. പരിക്കേറ്റ പെൺകുട്ടിയുടെ ഒരു കണ്ണിന്‍റെ കാഴ്ച നഷ്ടപ്പെട്ടു. രാമനഗര ജില്ലയിലെ കനകപുര ടൗണിൽ നാരായണപ്പ ലേ ബൈപാസ് റോഡിൽ ശനിയാഴ്ചയാണ് സംഭവം. 22കാരനും കുറുപെട്ടെ സ്വദേശിയും മെക്കാനിക്കുമായ സുമന്ത് ആണ് പെൺകുട്ടിയെ ആക്രമിച്ചത്.
രക്ഷപ്പെട്ട ഇയാളെ പൊലീസ് പിടികൂടി. ഇയാൾക്കെതിരെ പോക്സോ പ്രകാരവും ഐ.പി.സി പ്രകാരവും കേസെടുത്തു. പെൺകുട്ടിയെ ബംഗളൂരുവിലെ മിന്‍റേ ഐ ഹോസ്പിറ്റലിൽ പ്രവേശിപ്പിച്ചു. ഒരു വർഷമായി ഇരുവരും പ്രണയത്തിലായിരുന്നു. എന്നാൽ, അടുത്തിടെ ബന്ധത്തിൽനിന്ന് പെൺകുട്ടി പിന്മാറി.
ടൗണിലേക്ക് വരാൻ ഫോണിൽ ആവശ്യപ്പെട്ടതനുസരിച്ച് എത്തിയ പെൺകുട്ടിയോട് വീണ്ടും പ്രണയകാര്യം പറഞ്ഞു. എന്നാൽ, സമ്മതിക്കാതിരുന്നതോടെ വാഹനത്തിന്‍റെ എൻജിൻ ശുചീകരിക്കുന ആസിഡ് പെൺകുട്ടിയുടെ മുഖത്തേക്ക് ഒഴിക്കുകയായിരുന്നു. ഇടതുഭാഗം മുഖം മുഴുവൻ പൊള്ളലേറ്റു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.