ന്യൂഡൽഹി: െഎ.എൻ.എക്സ് മീഡിയ കേസിൽ പി.ചിദംബരത്തിെൻറ മകൻ കാർത്തി ചിദംബരത്തിന് ജാമ്യം. ഡൽഹി ഹൈകോടതിയാണ് കാർത്തിക്ക് ജാമ്യം അനുവദിച്ചത്. ജസ്റ്റിസ് എസ്.പി ഗാർഗ് അധ്യക്ഷനായ ബെഞ്ചാണ് കാർത്തിയുടെ ജാമ്യാപേക്ഷ പരിഗണിച്ചത്. 10 ലക്ഷം രൂപ ജാമ്യതുക കെട്ടിവെക്കണം, രാജ്യം വിട്ട് പോകരുത്, ബാങ്ക് അക്കൗണ്ടുകൾ ക്ലോസ് ചെയ്യണം തുടങ്ങിയ വ്യവസ്ഥകളോടെയാണ് ജാമ്യം അനുവദിച്ചിരിക്കുന്നത്.
കാർത്തിയുടെയും എതിർകക്ഷിയായ സി.ബി.െഎയുടെയും വാദങ്ങൾ കേട്ട ശേഷം വിധി പറയുന്നതിനായി കേസ് മാറ്റിയിരുന്നു.
തെളിവുകൾ നശിപ്പിക്കാൻ സാധ്യതയുണ്ടെന്നും അതിനാൽ കാർത്തിക്ക് ജാമ്യം അനുവദിക്കരുതെന്നുമാണ് സി.ബി.െഎ കോടതിയിൽ ഉയർത്തിയ വാദം. അഴിമതി നിരോധന നിയമപ്രകാരം കേസില്ലെന്നും സി.ബി.െഎ ഇതുവരെ അദ്ദേഹത്തെ ചോദ്യം ചെയ്തിട്ടില്ലെന്നുമാണ് കാർത്തിയുടെ അഭിഭാഷകർ കോടതിയിൽ വാദിച്ചത്.
െഎ.എൻ.എക്സ് മീഡിയയിൽ നിന്ന് 10 ലക്ഷം രൂപ കൈക്കൂലിയായി വാങ്ങിയെന്നാണ് കാർത്തി ചിദംബരത്തിനെതിരായ സി.ബി.െഎ കേസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.