ന്യൂഡൽഹി: ശിരോമണി അകാലിദള്ളും ബി.എസ്.പി സഖ്യമുണ്ടാക്കാൻ ഒരുങ്ങുന്നതായി റിപ്പോർട്ട്. 2022ലെ പഞ്ചാബ് നിയമസഭ തെരഞ്ഞെടുപ്പ് മുന്നിൽ കണ്ടാണ് സഖ്യനീക്കം. കാർഷിക നിയമങ്ങളിൽ പ്രതിഷേധിച്ച് ബി.ജെ.പിയുമായുള്ള ബന്ധം ശിരോമണി അകാലിദൾ ഉപേക്ഷിച്ചിരുന്നു. ഇതിന് പിന്നാലെയാണ് പുതിയ സഖ്യം രൂപീകരിക്കുന്നത്. വൈകാതെ ഇതുസംബന്ധിച്ച പ്രഖ്യാപനമുണ്ടാവുമെന്നാണ് സൂചന.
27 വർഷങ്ങൾക്ക് ശേഷമാണ് ശിരോമണി അകാലിദള്ളും ബി.എസ്.പിയും തമ്മിൽ സഖ്യമുണ്ടാക്കുന്നത്. 1996ലെ ലോക്സഭ തെരഞ്ഞെടുപ്പിൽ ഇരു പാർട്ടികളും സഖ്യമുണ്ടാക്കിയിരുന്നു. അന്ന് പഞ്ചാബിലെ 13ൽ 11 സീറ്റുകളും സഖ്യം നേടിയിരുന്നു. എട്ട് സീറ്റുകളിൽ ശിരോമണി അകാലിദൾ വിജയിച്ചപ്പോൾ ബി.എസ്.പി മൂന്ന് സീറ്റുകൾ നേടി.
ബി.ജെ.പി, കോൺഗ്രസ്, ആം ആദ്മി പാർട്ടി ഒഴികെയുള്ള ഏത് പാർട്ടിയുമായും സഖ്യമുണ്ടാക്കുമെന്ന് ശിരോമണി അകാലിദൾ നേതാവ് സുഖ്ഭീർ ബാദൽ പ്രഖ്യാപിച്ചിരുന്നു. പഞ്ചാബിലെ 31 ശതമാനം ദലിത് വോട്ടുകളിൽ ബി.എസ്.പിക്ക് നിർണാകയ സ്വാധീനമുണ്ട്. ഇത് നേട്ടമാക്കാനുറച്ചാണ് ശിരോമണി അകാലിദൾ ബി.എസ്.പിയുമായി സഖ്യത്തിനൊരുങ്ങുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.