തെൻറ ജന്മദിനത്തിൽ ആരോഗ്യ പ്രവർത്തകരെ അഭിസംബോധന ചെയ്യവേ വികാരാധീനനായി പ്രധാനമന്ത്രി നരേന്ദ്ര മോദി. ജന്മദിനങ്ങൾ വരികയും പോവുകയും ചെയ്യുമെന്നും ഇതുവരെ ഇത്രയും മനോഹരമായ ജന്മദിനം തനിക്ക് ഉണ്ടായിട്ടിെല്ലന്നും അദ്ദേഹം പറഞ്ഞു. കഴിഞ്ഞ ദിവസം രാജ്യത്ത് റെക്കോർഡ് വാക്സിനേഷനാണ് നടന്നത്. 2.5 കോടി ഡോസ് വാക്സിൻ സെപ്റ്റംബർ 17ന് വിതരണം ചെയ്തതായാണ് കണക്ക്. ശരാശരി ദിവസത്തെ അപേക്ഷിച്ച് മൂന്നിരട്ടിയാണിത്.
'നിങ്ങളെല്ലാവരുംകൂടി ഇൗ ദിവസം സവിശേഷമാക്കി. ഇന്നലെ എനിക്ക് വളരെ വൈകാരികമായ ദിവസമായിരുന്നു. നിങ്ങളുടെ എല്ലാവരുടെയും പരിശ്രമത്തിലൂടെ, എനിക്ക് ഇത് വളരെ സവിശേഷമായ ദിവസമായി മാറി'-മോദി പറഞ്ഞു. സംസാരത്തിനിടെ അദ്ദേഹം വിതുമ്പലിെൻറ വക്കിലെത്തിയിരുന്നു. ഗോവയിലെ ആരോഗ്യ പ്രവർത്തകരുമായും വാക്സിൻ ഗുണഭോക്താക്കളുമായിട്ടായിരുന്നു മോദി ഒാൺലൈനിൽ സംവദിച്ചത്.
വാക്സിനേഷൻ പ്രക്രിയയിൽ ഉൾപ്പെട്ട മെഡിക്കൽ ഉദ്യോഗസ്ഥർ മുതൽ ഗുണഭോക്താക്കൾ വരെയുള്ളവർക്ക് മോദി നന്ദി പറഞ്ഞു. മോദിയുടെ ജന്മദിനത്തോടനുബന്ധിച്ച് ബിജെപി 'സേവയും സമർപ്പണവും'എന്നപേരിൽ പ്രത്യേക കാമ്പയിൻ നടത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.