ചരിത്രദൗത്യം, ദുഃഖതീരം

ബം​ഗ​ളൂ​രു: ജൂ​ലൈ 16ന് ​ഷി​രൂ​രി​ലു​ണ്ടാ​യ മ​ണ്ണി​ടി​ച്ചി​ലി​ൽ തു​ട​ക്ക​ത്തി​ൽ​ത​ന്നെ ഏ​ഴു മൃ​ത​ദേ​ഹ​ങ്ങ​ൾ ക​ണ്ടെ​ടു​ത്തി​ട്ടും ക​ർ​ണാ​ട​ക​യി​ലെ മാ​ധ്യ​മ​ങ്ങ​ളി​ൽ​പോ​ലും കാ​ര്യ​മാ​യ വാ​ർ​ത്ത​യാ​യി​രു​ന്നി​ല്ല. അ​ർ​ജു​നു​വേ​ണ്ടി കേ​ര​ള​മൊ​ന്നാ​കെ ഉ​ണ​ർ​ന്ന​തോ​ടെ​യാ​ണ് അ​പ​ക​ട​ത്തി​ന്റെ ഗൗ​ര​വം തി​രി​ച്ച​റി​ഞ്ഞ് ഉ​ത്ത​ര​ക​ന്ന​ട ജി​ല്ല ഭ​ര​ണ​കൂ​ടം ര​ക്ഷാ​പ്ര​വ​ർ​ത്ത​നം ഊ​ർ​ജി​ത​മാ​ക്കു​ന്ന​ത്.

സാ​ധ്യ​മാ​യ സം​വി​ധാ​ന​ങ്ങ​ളെ​ല്ലാ​മെ​ത്തി​ക്കാ​ൻ കേ​ര​ളം ക​ർ​ണാ​ട​ക​ക്കു​മേ​ൽ സ​മ്മ​ർ​ദം ചെ​ലു​ത്തി​യ​തോ​ടെ പ്ര​തി​കൂ​ല സാ​ഹ​ച​ര്യ​ങ്ങ​ളി​ലും പ്ര​തീ​ക്ഷ​യോ​ടെ ര​ക്ഷാ​പ്ര​വ​ർ​ത്ത​നം തു​ട​രു​ക​യാ​യി​രു​ന്നു. ദു​ര​ന്ത​മേ​ഖ​ല​ക​ളി​ൽ പാ​ലി​ക്കേ​ണ്ട പൊ​തു​മാ​ർ​ഗ​രേ​ഖ രൂ​പ​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ട് മ​ല​യാ​ളി​ക​ളാ​യ ഒ​രു​കൂ​ട്ടം അ​ഭി​ഭാ​ഷ​ക​ർ ക​ർ​ണാ​ട​ക ഹൈ​കോ​ട​തി​യി​ൽ ഹ​ര​ജി​യും ന​ൽ​കി. പ്ര​സ്തു​ത ഹ​ര​ജി ഹൈ​കോ​ട​തി​യു​ടെ പ​രി​ഗ​ണ​ന​യി​ലാ​ണ്.

എ​സ്.​ഡി.​ആ​ർ.​എ​ഫും എ​ൻ.​ഡി.​ആ​ർ.​എ​ഫും ക​ര​സേ​ന​യും നാ​വി​ക​സേ​ന​യും മു​ങ്ങ​ൽ വി​ദ​ഗ്ധ​രും സാ​​ങ്കേ​തി​ക വി​ദ​ഗ്ധ​രും രാ​ഷ്ട്രീ​യ​നേ​താ​ക്ക​ളും മ​ല​യാ​ള മാ​ധ്യ​മ​ങ്ങ​ളും ദൗ​ത്യ​ത്തി​നൊ​പ്പം നി​ന്നു. കോ​രി​ച്ചൊ​രി​യു​ന്ന മ​ഴ​യും കു​ത്തി​യൊ​ഴു​കു​ന്ന ഗം​ഗാ​വാ​ലി പു​ഴ​യും തീ​ർ​ത്ത പ്ര​തി​രോ​ധ​ത്തി​നി​ട​യി​ലും വി​വി​ധ ഘ​ട്ട​ങ്ങ​ളി​ലാ​യി തെ​ര​ച്ചി​ൽ തു​ട​ർ​ന്നു. ഗോ​വ​യി​ൽ​നി​ന്ന് ഡ്ര​ഡ്ജ​ർ എ​ത്തി​ക്കാ​നു​ള്ള സാ​മ്പ​ത്തി​ക ചെ​ല​വ​ട​ക്കം വ​ഹി​ക്കാ​മെ​ന്ന ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ അ​ർ​ജു​ന്റെ കു​ടും​ബ​ത്തി​ന് ന​ൽ​കി​യ ഉ​റ​പ്പി​ലാ​ണ് മൂ​ന്നാം ദൗ​ത്യം ആ​രം​ഭി​ക്കു​ന്ന​ത്. ജീ​വ​നോ​ടെ തി​രി​ച്ചു​കി​ട്ടി​ല്ലെ​ന്ന് അ​റി​ഞ്ഞി​ട്ടും ഒ​രു മ​ല​യാ​ളി യു​വാ​വി​നാ​യി കേ​ര​ള​ക്ക​ര​യാ​കെ ദി​വ​സ​ങ്ങ​ളോ​ളം ഷി​​രൂ​രി​ലേ​ക്ക് പ്രാ​ർ​ഥ​ന​യോ​ടെ ക​ണ്ണു​ക​ൾ പാ​യി​ച്ചു. ഒ​ടു​വി​ൽ ശ്ര​മ​ക​ര​മാ​യ ദൗ​ത്യ​ത്തി​ലൂ​ടെ അ​ർ​ജു​ന്റെ ശേ​ഷി​പ്പു​ക​ൾ പു​റ​ത്തെ​ടു​ക്കു​മ്പോ​ൾ, ദു​ര​ന്ത​മു​ഖ​ങ്ങ​ളി​ലെ അ​പൂ​ർ​വ​മാ​യ ഒ​രു ദൗ​ത്യ​ത്തി​ന്റെ അ​ട​യാ​ള​പ്പെ​ടു​ത്ത​ലാ​യി അ​തു​മാ​റി. അ​ർ​ജു​ന്റെ മൃ​ത​ദേ​ഹ​വും ലോ​റി​യും വീ​ണ്ടെ​ടു​ത്ത​ശേ​ഷം കാ​ർ​വാ​ർ എം.​എ​ൽ.​എ സ​തീ​ഷ് കൃ​ഷ്ണ സെ​യി​ൽ പ​റ​ഞ്ഞ ന​ന്ദി വാ​ക്കു​ക​ളി​ൽ അ​തി​ന്റെ അ​നു​ര​ണ​ന​മു​ണ്ടാ​യി​രു​ന്നു.