കോൺഗ്രസിന്‍റെ വീഴ്ച: കേരളത്തിലും കളം മാറും

തി​രു​വ​ന​ന്ത​പു​രം: ഹി​ന്ദി ഹൃ​ദ​യ​ഭൂ​മി​യി​ൽ കോ​ൺ​ഗ്ര​സി​ന്‍റെ പ​ത​നം കേ​ര​ള​ത്തി​ൽ ലോ​ക്സ​ഭ തെ​ര​ഞ്ഞെ​ടു​പ്പി​നെ​യും സ്വാ​ധീ​നി​ക്കും. ക​ർ​ണാ​ട​ക ​വി​ജ​യം കോ​ൺ​ഗ്ര​സി​നും യു.​ഡി.​എ​ഫി​നും ന​ൽ​കി​യ ആ​വേ​ശം ചോ​ർ​ത്തു​ന്ന​താ​ണ്​ ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ലെ ജ​ന​വി​ധി.

ക​ർ​ണാ​ട​ക​യി​ലെ ത​ക​ർ​പ്പ​ൻ തി​രി​ച്ചു​വ​ര​വ്​ ദേ​ശീ​യ രാ​ഷ്ട്രീ​യ​ത്തി​ൽ കോ​ൺ​ഗ്ര​സി​ന്‍റെ തി​രി​ച്ചു​വ​ര​വി​ന്‍റെ സൂ​ച​ന​യാ​യാ​ണ്​ വി​ല​യി​രു​ത്ത​പ്പെ​ട്ട​ത്. രാ​ഹു​ൽ ഗാ​ന്ധി​യു​ടെ ഭാ​ര​ത്​ ജോ​ഡോ യാ​ത്ര​യു​ടെ പ്ര​തി​ഫ​ല​ന​മാ​യി ക​ർ​ണാ​ട​ക ജ​യം കോ​ൺ​ഗ്ര​സ്​ ഉ​യ​ർ​ത്തി​ക്കാ​ട്ടു​ക​യും ചെ​യ്തു. മ​ധ്യ​പ്ര​ദേ​ശി​ല​ട​ക്കം ജോ​ഡോ യാ​ത്ര​യു​ടെ അ​നു​ര​ണ​നം കോ​ൺ​ഗ്ര​സ്​ പ്ര​തീ​ക്ഷി​ച്ചി​രു​ന്ന​തു​മാ​ണ്. അ​തു​ണ്ടാ​യി​ല്ലെ​ന്ന്​ മാ​ത്ര​മ​ല്ല, ഒ​രി​ക്ക​ലും പ്ര​തീ​ക്ഷി​ക്കാ​ത്ത തി​രി​ച്ച​ടി​യാ​ണ്​ നേ​രി​ട്ട​ത്.

ശ​ക്ത​മാ​യ ഭ​ര​ണ​വി​രു​ദ്ധ വി​കാ​ര​ത്തെ ​മോ​ദി പ്ര​ഭാ​വം കൊ​ണ്ടാ​ണ്​ മ​ധ്യ​പ്ര​ദേ​ശി​ൽ ബി.​ജെ.​പി മ​റി​ക​ട​ന്ന​ത്. ഛത്തി​സ്​​ഗ​ഢി​ൽ തു​ട​ർ​ഭ​ര​ണ​മു​റ​പ്പി​ച്ചാ​ണ്​ കോ​ൺ​ഗ്ര​സ്​ ക​ള​ത്തി​ലി​റ​ങ്ങി​യ​ത്. എ​ടു​ത്തു​പ​റ​യാ​ൻ ​ശ​ക്ത​നാ​യ നേ​താ​വ്​ പോ​ലു​മി​ല്ലാ​ത്ത അ​വി​ടെ മോ​ദി​യെ മു​ന്നി​ൽ​നി​ർ​ത്തി കോ​ൺ​ഗ്ര​സി​നെ ബി.​ജെ.​പി വ്യ​ക്ത​മാ​യ വ്യ​ത്യാ​സ​ത്തി​ൽ മ​റി​ക​ട​ന്നു.

രാ​ജ​സ്ഥാ​ൻ ന​ഷ്ട​പ്പെ​ടു​മെ​ന്ന്​ ഉ​റ​പ്പി​ച്ച​താ​ണെ​ങ്കി​ലും പ്രാ​ദേ​ശി​ക നേ​താ​ക്ക​ള​ല്ല മോ​ദി​​യാ​യി​രു​ന്നു അ​വി​ടെ​യും പ്ര​ചാ​ര​ണ​ത്തി​ലെ താ​രം. ഹി​ന്ദി ഹൃ​ദ​യ​ഭൂ​മി​യെ ഒ​രി​ക്ക​ൽ കൂ​ടി കീ​ഴ​ട​ക്കി​യ മോ​ദി പ്ര​ഭാ​വം മാ​സ​ങ്ങ​ൾ​ക്ക​കം ന​ട​ക്കാ​നി​രി​ക്കു​ന്ന ലോ​ക്സ​ഭ തെ​ര​ഞ്ഞെ​ടു​പ്പി​ൽ ത​ട​യു​ക കോ​ൺ​ഗ്ര​സി​നും രാ​ഹു​ലി​നും സാ​ധ്യ​മ​ല്ലെ​ന്ന നി​ല​യാ​ണ്​ വ​ന്നു​ചേ​ർ​ന്ന​ത്. ഈ ​സാ​ഹ​ച​ര്യം കേ​ര​ള​ത്തി​ലെ​യ​ട​ക്കം​ വോ​ട്ടി​ങ്ങി​നെ ബാ​ധി​ക്കു​ക​യും ചെ​യ്യും.

മോ​ദി​യെ താ​ഴെ​യി​റ​ക്കാ​ൻ കോ​ൺ​ഗ്ര​സി​ന്​ പ​ര​മാ​വ​ധി സീ​റ്റ്​ വേ​ണ​മെ​ന്ന തി​രി​ച്ച​റി​വി​ലാ​ണ്​ ​2019ൽ ​കേ​ര​ള​ത്തി​ൽ മ​തേ​ത​ര വോ​ട്ടു​ക​ൾ കൂ​ട്ട​ത്തോ​ടെ യു.​ഡി.​എ​ഫ്​ പെ​ട്ടി​യി​ൽ വീ​ണ​ത്. 19 സീ​റ്റെ​ന്ന ച​രി​ത്ര നേ​ട്ടം അ​തോ​ടെ യു.​ഡി.​എ​ഫി​ന്​ ല​ഭി​ച്ചു. ജോ​ഡോ യാ​ത്ര രാ​ഹു​ൽ ഗാ​ന്ധി​യു​ടെ പ്ര​തിഛാ​യ മെ​ച്ച​പ്പെ​ടു​ത്തി​യ​തും ക​ർ​ണാ​ട​ക വി​ജ​യ​വും പി​ന്നാ​ലെ, ഇ​ന്ത്യ മു​ന്ന​ണി​യു​ടെ വ​ര​വു​മെ​ല്ലാം വീ​ണ്ടും കേ​ര​ള​ത്തി​ൽ സ​മാ​ന സാ​ഹ​ച​ര്യ​മൊ​രു​ക്കു​മെ​ന്ന്​ ക​രു​ത​പ്പെ​ട്ടി​രു​ന്നു.

എ​ന്നാ​ൽ, ഹി​ന്ദി ബെ​ൽ​റ്റി​ൽ വീ​ണ​തോ​ടെ കോ​ൺ​ഗ്ര​സി​ലു​ള്ള പ്ര​തീ​ക്ഷ മ​ങ്ങി. മോ​ദി​യെ വീ​ഴ്ത്താ​ൻ രാ​ഹു​ൽ എ​ന്ന പ്ര​തീ​ക്ഷ​യി​ൽ സി.​പി.​എ​മ്മി​ന്‍റെ ഉ​റ​ച്ച കോ​ട്ട​ക​ളി​ൽ പോ​ലും കോ​ൺ​ഗ്ര​സി​നാ​യി​രു​ന്നു സാ​ധ്യ​ത.

എ​ന്നാ​ൽ, ആ ​പ്ര​തീ​ക്ഷ മ​ങ്ങു​മ്പോ​ൾ ഇ​ട​തു​പ​ക്ഷ​ത്തി​ന്​ ​സ്വാ​ധീ​ന​മു​ള്ള സീ​റ്റു​ക​ളി​ൽ മാ​ത്ര​മ​ല്ല, ഒ​പ്പ​ത്തി​നൊ​പ്പ​മു​ള്ള മ​ണ്ഡ​ല​ങ്ങ​ളി​ൽ പോ​ലും എ​ൽ.​ഡി.​എ​ഫി​ന്​ പൊ​രു​താ​മെ​ന്ന നി​ല​യി​ലേ​ക്ക്​ തെ​ര​ഞ്ഞെ​ടു​പ്പ്​ ചി​ത്രം മാ​റു​ക​യാ​ണ്.