ന്യൂഡൽഹി: രാജ്യത്ത് ക്രിസ്ത്യാനികൾക്കുനേരെ നടക്കുന്ന ആക്രമണങ്ങൾ സംബന്ധിച്ച് റിപ്പോർട്ട് സമർപ്പിക്കാൻ ആറ് സംസ്ഥാനങ്ങൾക്ക് സുപ്രീംകോടതി നിർദേശം നൽകി. കർണാടക, മധ്യപ്രദേശ്, ബിഹാർ, ചത്തിസ്ഗഢ്, ഝാർഖണ്ഡ്, ഒഡിഷ സംസ്ഥാനങ്ങളിലെ ആക്രമണങ്ങളുടെയും കൈക്കൊണ്ട നടപടികളുടെയും റിപ്പോർട്ട് മൂന്നാഴ്ചക്കകം സമർപ്പിക്കാൻ ചീഫ് സെക്രട്ടറിമാരോടാണ് സുപ്രീംകോടതി നിർദേശിച്ചത്.
സുപ്രീംകോടതി നേരത്തേ ഇതേ ആവശ്യമുന്നയിച്ചെങ്കിലും ഹരിയാന, ഉത്തർപ്രദേശ് സർക്കാറുകളാണ് ഇതിനകം റിപ്പോർട്ട് സമർപ്പിച്ചത്. ബംഗളൂരു രൂപത ആർച് ബിഷപ് ഡോ. പീറ്റർ മച്ചാഡോ സമർപ്പിച്ച പൊതുതാൽപര്യ ഹരജിയിലാണ് ജസ്റ്റിസുമാരായ പി.എസ്. നരസിംഹ, ജെ.ബി. പർദീവാല എന്നിവരടങ്ങുന്ന ബെഞ്ചിന്റെ ഉത്തരവ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.