പട്ന: ബിഹാറിൽ സർക്കാർ രൂപീകരണ ചർച്ചക്കായി എൻ.ഡി.എ യോഗം വെള്ളിയാഴ്ച ചേരും. നിതീഷ് കുമാറിനെ മുഖ്യമന്ത്രിയാക്കാനാണ് എൻ.ഡി.എ തീരുമാനം. സുപ്രധാന വകുപ്പുകൾ വേണമെന്ന ആവശ്യമുയർത്തി ബി.ജെ.പിയും ജെ.ഡി.യുവും രംഗത്തെത്തിയിരുന്നു.
ഗവർണറെ കാണൽ, സത്യപ്രതിജ്ഞ തീയതി, സമയം, മന്ത്രിപദം, സ്പീക്കർ പദവി തുടങ്ങിയവ യോഗത്തിൽ ചർച്ചെചയ്യും.
എൻ.ഡി.എ സർക്കാറിെൻറ സത്യപ്രതിജ്ഞ ചടങ്ങിെൻറ തീയതി ഇതുവരെ തീരുമാനിച്ചിട്ടില്ലെന്നും അതിെൻറ നടപടിക്രമങ്ങൾക്കായി മൂന്നുനാലു ദിവസം വേണ്ടിവരുമെന്നും നിതീഷ് കുമാർ കഴിഞ്ഞദിവസം അറിയിച്ചിരുന്നു. ദീപാവലിക്ക് ശേഷമായിരിക്കും സത്യപ്രതിജ്ഞ ചടങ്ങ്. തെരഞ്ഞെടുപ്പ് ഫലത്തെക്കുറിച്ച് ഞങ്ങൾ വിലയിരുത്തിവരികയാണ്. എൻ.ഡി.എ സഖ്യത്തിലെ എല്ലാ അംഗങ്ങളും വെള്ളിയാഴ്ച കൂടിക്കാഴ്ച നടത്തുമെന്നും നിതീഷ് കുമാർ മാധ്യമങ്ങളോട് പറഞ്ഞിരുന്നു.
മുഖ്യമന്ത്രി സ്ഥാനത്തിന് യാതൊരു അവകാശവാദവുമില്ല. എൻ.ഡി.എ ആയിരിക്കും തീരുമാനങ്ങളെടുക്കുകയെന്നും അദ്ദേഹം കൂട്ടിച്ചേർത്തു. ജെ.ഡി.യുവിെൻറ വോട്ട് ബാങ്കിൽ കുറവ് വന്നതെങ്ങനെയെന്ന് പരിശോധിക്കുമെന്നും നിതീഷ് കുമാർ വ്യക്തമാക്കിയിരുന്നു.
ജെ.ഡി.യുവിെൻറ തകർച്ചയിൽ ചിരാഗ് പാസ്വാനെ നിതീഷ് കുമാർ കുറ്റപ്പെടുത്തി. ജെ.ഡി.യു മത്സരിച്ച 137 സീറ്റുകളിലും ചിരാഗ് പാസ്വാൻ സ്ഥാനാർഥികളെ നിർത്തി. ചിരാഗ് പാസ്വാെൻറ വിജയം ഒരിടത്തു മാത്രമായി ഒതുങ്ങിയതായും നിതീഷ് കുമാർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.