ബി.ജെ.പി നേതൃത്വം മുഖ്യമന്ത്രി നിർണയത്തിന്​

ന്യൂ​ഡ​ൽ​ഹി: അ​ഞ്ചു നി​യ​മ​സ​ഭ​ക​ളി​ലേ​ക്കു ന​ട​ന്ന തെ​ര​ഞ്ഞെ​ടു​പ്പി​ന്റെ ഫ​ലം വി​ല​യി​രു​ത്താ​ൻ ബി.​ജെ.​പി ജ​ന​റ​ൽ സെ​ക്ര​ട്ട​റി​മാ​രു​ടെ യോ​ഗം ചൊ​വ്വാ​ഴ്ച ദീ​ൻ ദ​യാ​ൽ ഉ​പാ​ധ്യാ​യ മാ​ർ​ഗി​ലെ പാ​ർ​ട്ടി ​കേ​ന്ദ്ര ആ​സ്ഥാ​ന​ത്ത് ചേ​രും. ബി.​ജെ.​പി വ​ൻ​വി​ജ​യം നേ​ടി​യ മ​ധ്യ​പ്ര​ദേ​ശ്, ഛത്തി​സ്ഗ​ഢ്, രാ​ജ​സ്ഥാ​ൻ എ​ന്നീ സം​സ്ഥാ​ന​ങ്ങ​ളി​ലെ മു​ഖ്യ​മ​ന്ത്രി​മാ​രെ​ക്കു​റി​ച്ച് യോ​ഗം ച​ർ​ച്ച​ചെ​യ്യും.

ജ​ന​റ​ൽ സെ​ക്ര​ട്ട​റി​മാ​രു​ടെ യോ​ഗ​ത്തി​നു പു​റ​മെ ബി.​ജെ.​പി പാ​ർ​ല​മെ​ന്റ​റി ബോ​ർ​ഡും മു​ഖ്യ​മ​ന്ത്രി നി​ർ​ണ​യ​വു​മാ​യി ബ​ന്ധ​പ്പെ​ട്ട ച​ർ​ച്ച​ക​ൾ ന​ട​ത്തു​മെ​ന്നാ​ണ് പാ​ർ​ട്ടി​വൃ​ത്ത​ങ്ങ​ൾ ന​ൽ​കു​ന്ന സൂ​ച​ന.

മു​ഖ്യ​മ​ന്ത്രി​മാ​രു​ടെ കാ​ര്യ​ത്തി​ൽ ബി.​ജെ.​പി ഇ​തു​വ​രെ തീ​രു​മാ​ന​മെ​ടു​ത്തി​ട്ടി​ല്ലെ​ന്നും ജ​ന​റ​ൽ സെ​ക്ര​ട്ട​റി​മാ​രു​ടെ യോ​ഗം ചൊ​വ്വാ​ഴ്ച വി​ളി​ച്ചു​ചേ​ർ​ത്തി​ട്ടു​ണ്ടെ​ന്നും പാ​ർ​ട്ടി അ​ഖി​ലേ​ന്ത്യ ജ​ന​റ​ൽ സെ​ക്ര​ട്ട​റി കൈ​ലാ​ഷ് വി​ജ​യ​വ​ർ​ഗ്യ പ​റ​ഞ്ഞു. മ​ധ്യ​പ്ര​ദേ​ശി​ലെ ഇ​ന്ദോ​റി​ൽ​നി​ന്ന് നി​യ​മ​സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട വി​ജ​യ​വ​ർ​ഗ്യ ഉ​ന്ന​ത ബി.​ജെ.​പി നേ​താ​ക്ക​ളെ കാ​ണാ​ൻ ചൊ​വ്വാ​ഴ്ച പാ​ർ​ല​മെ​ന്റ് മ​ന്ദി​ര​ത്തി​ലെ​ത്തി​യ​പ്പോ​ഴാ​ണ് ഇ​ക്കാ​ര്യ​മ​റി​യി​ച്ച​ത്. ​

വ​രും ദി​വ​സ​ങ്ങ​ളി​ൽ ന​ട​ത്തു​ന്ന കൂ​ടി​യാ​ലോ​ച​ന​യു​ടെ അ​ടി​സ്ഥാ​ന​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും അ​മി​ത് ഷാ​യും ബി.​ജെ.​പി ജ​യി​ച്ച മൂ​ന്നു സം​സ്ഥാ​ന​ങ്ങ​ളി​ലും ആ​ര് മു​ഖ്യ​മ​ന്ത്രി​യാ​കു​മെ​ന്ന് തീ​രു​മാ​നി​ക്കും. 2024ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ പാ​ർ​ട്ടി​ക്ക് ഗു​ണ​ക​ര​മാ​കു​ന്ന ത​ര​ത്തി​ലാ​യി​രി​ക്കും മു​ഖ്യ​മ​ന്ത്രി​മാ​രെ തെ​ര​ഞ്ഞെ​ടു​ക്കു​ക.

ലോ​ക്സ​ഭ തെ​ര​ഞ്ഞെ​ടു​പ്പി​ന് കേ​വ​ലം നാ​ലു മാ​സം മാ​ത്രം ബാ​ക്കി​നി​ൽ​ക്കെ നി​ല​വി​ലു​ള്ള മു​ഖ്യ​മ​ന്ത്രി ശി​വ​രാ​ജ് സി​ങ് ചൗ​ഹാ​നെ മാ​റ്റി മ​റ്റൊ​രാ​ളെ കൊ​ണ്ടു​വ​രു​ന്ന​ത് പ്ര​തി​കൂ​ല​മാ​യി ബാ​ധി​ക്കു​മോ എ​ന്ന ചി​ന്ത ബി.​ജെ.​പി​യി​ലു​ണ്ട്. ചൗ​ഹാ​നെ മു​ഖ്യ​മ​ന്ത്രി സ്ഥാ​നാ​ർ​ഥി​യാ​യി ഉ​യ​ർ​ത്തി​ക്കാ​ണി​ക്കാ​തെ​യും അ​ദ്ദേ​ഹ​ത്തി​ന്റെ ‘ലാ​ഡ്‍ലി ബ​ഹ​ൻ’ പ​ദ്ധ​തി​യെ​ക്കു​റി​ച്ച് പ​രാ​മ​ർ​ശി​ക്കാ​തെ​യു​മാ​യി​രു​ന്നു പ്ര​ധാ​ന​മ​ന്ത്രി ന​രേ​​​ന്ദ്ര മോ​ദി തു​ട​ക്ക​ത്തി​ൽ പ്ര​ചാ​ര​ണം ന​ട​ത്തി​യി​രു​ന്ന​ത്.

ശി​വ​രാ​ജ​ല്ല, ഭാ​വി മു​ഖ്യ​മ​ന്ത്രി എ​ന്ന് സ്ഥാ​പി​ക്കാ​നാ​യി​രു​ന്നു മൂ​ന്നു കേ​ന്ദ്ര​മ​ന്ത്രി​മാ​ര​ട​ക്കം ഏ​ഴു ബി.​ജെ.​പി എം.​പി​മാ​രെ​യും പാ​ർ​ട്ടി ജ​ന​റ​ൽ സെ​ക്ര​ട്ട​റി കൈ​ലാ​ഷ് വി​ജ​യ​വ​ർ​ഗ്യ​യെ​യും മ​ത്സ​ര​ത്തി​നി​റ​ക്കി​യ​തും. എ​ന്നി​ട്ടും ബി.​ജെ.​പി ​പി​ന്നി​ലാ​ണെ​ന്ന് ക​ണ്ട​തോ​ടെ നി​ല​പാ​ട് മാ​റ്റി​യ മോ​ദി പി​ന്നീ​ട് ശി​വ​രാ​ജി​നെ വാ​ഴ്ത്തി​യും ‘ലാ​ഡ്‍ലി ബ​ഹ​ൻ’ അ​ട​ക്ക​മു​ള്ള അ​ദ്ദേ​ഹ​ത്തി​ന്റെ ഭ​ര​ണ​നേ​ട്ട​ങ്ങ​ളെ ഉ​യ​ർ​ത്തി​ക്കാ​ണി​ച്ചു​മാ​ണ് വോ​ട്ടു​ചോ​ദി​ച്ച​ത്.

ഇ​ത്ത​ര​മൊ​രു സാ​ഹ​ച​ര്യ​ത്തി​ൽ ശി​വ​രാ​ജി​നെ ഇ​പ്പോ​ൾ മു​ഖ്യ​മ​ന്ത്രി​യാ​ക്കി, ഒ​രു വ​ർ​ഷ​ത്തി​നു​ശേ​ഷം ഇ​റ​ക്കു​ന്ന കാ​ര്യ​വും ആ​ലോ​ച​ന​യി​ലു​ണ്ട്. ശി​വ​രാ​ജി​നെ മാ​റ്റു​ക​യാ​ണെ​ങ്കി​ൽ കേ​ന്ദ്ര​മ​ന്ത്രി​മാ​രാ​യ ജ്യോ​തി​രാ​ദി​ത്യ സി​ന്ധ്യ, പ്ര​ഹ്ലാ​ദ് പ​ട്ടേ​ൽ, ഫ​ഗ്ഗ​ൻ സി​ങ് കു​ല​സ്തെ, ന​രേ​ന്ദ്ര സി​ങ് തോ​മ​ർ എ​ന്നി​വ​രു​ടെ പേ​രു​ക​ൾ ച​ർ​ച്ച​യി​ലു​ണ്ട്.

രാ​ജ​സ്ഥാ​നി​ൽ നേ​ര​ത്തേ ര​ണ്ടു ത​വ​ണ മു​ഖ്യ​മ​ന്ത്രി​യാ​യി​രു​ന്ന വ​സു​ന്ധ​ര രാ​ജെ​ക്ക് മൂ​ന്നാ​മ​തൊ​രു അ​വ​സ​രം​കൂ​ടി ന​ൽ​കി​ല്ല എ​ന്ന ക​ണ​ക്കു​കൂ​ട്ട​ലി​ലാ​ണ് മു​ഖ്യ​മ​ന്ത്രി​സ്ഥാ​ന​ത്തേ​ക്ക് മ​ഹ​ന്ത് ബാ​ല​ക്നാ​ഥി​നെ മാ​ധ്യ​മ​ങ്ങ​ൾ ഉ​യ​ർ​ത്തി​ക്കാ​ട്ടു​ന്ന​ത്. എ​ന്നാ​ൽ, പാ​ർ​ട്ടി​വൃ​ത്ത​ങ്ങ​ൾ ഇ​ത്ത​ര​മൊ​രു സൂ​ച​ന ന​ൽ​കു​ന്നി​ല്ല.

രാ​ജെ​ക്കൊ​പ്പം നി​ൽ​ക്കു​ന്ന നി​ര​വ​ധി എം.​എ​ൽ.​എ​മാ​ർ പാ​ർ​ട്ടി​യി​ലു​ള്ള​തി​നാ​ൽ ലോ​ക്സ​ഭ തെ​ര​ഞ്ഞെ​ടു​പ്പ് പ​ടി​വാ​തി​ൽ​ക്ക​ലെ​ത്തി​നി​ൽ​ക്കെ അ​വ​രെ ബി.​​ജെ.​പി പി​ണ​ക്കു​മോ എ​ന്നാ​ണ് രാ​ഷ്ട്രീ​യ നി​രീ​ക്ഷ​ക​ർ ഉ​റ്റു​നോ​ക്കു​ന്ന​ത്. ഇ​രു​വ​രെ​യും കൂ​ടാ​തെ കേ​ന്ദ്ര​മ​ന്ത്രി​മാ​രാ​യ ഗ​​ജേ​ന്ദ്ര സി​ങ് ശെ​ഖാ​വ​ത്, അ​ർ​ജു​ൻ സി​ങ് മേ​ഘ്‍വാ​ൾ, ജാ​ട്ട് നേ​താ​വ് സ​തീ​ശ് പു​നി​യ, ലോ​ക്സ​ഭ സ്പീ​ക്ക​ർ ഓം ​ബി​ർ​ള തു​ട​ങ്ങി​യ​വ​രു​ടെ പേ​രു​ക​ളാ​ണ് കേ​ൾ​ക്കു​ന്ന​ത്.

മു​ഖ്യ​മ​ന്ത്രി സ്ഥാ​നാ​ർ​ഥി​യെ ഉ​യ​ർ​ത്തി​ക്കാ​ണി​ക്കാ​തെ ഛത്തി​സ്ഗ​ഢും പി​ടി​ച്ച ബി.​ജെ.​പി ആ​ർ.​എ​സ്.​എ​സി​ന് അ​ന​ഭി​മ​ത​നാ​യ മു​ൻ മു​ഖ്യ​മ​ന്ത്രി ര​മ​ൺ സി​ങ്ങി​നെ ത​ഴ​ഞ്ഞാ​ൽ സം​സ്ഥാ​ന ബി.​ജെ.​പി അ​ധ്യ​ക്ഷ​ൻ അ​രു​ൺ സാ​ഹു, പ്ര​തി​പ​ക്ഷ​നേ​താ​വ് നാ​രാ​യ​ൺ ച​ന്ദേ​ൽ, മു​ൻ പ്ര​തി​പ​ക്ഷ​നേ​താ​വ് ധ​രം​ലാ​ൽ കൗ​ശി​ക്, ആ​ദി​വാ​സി വ​നി​ത നേ​താ​ക്ക​ളാ​യ രേ​ണു​ക സി​ങ്, ല​ത ഉ​സേ​ണ്ടി എ​ന്നി​വ​രി​ൽ ആ​ർ​ക്കെ​ങ്കി​ലും ന​റു​ക്കു​വീ​ണേ​ക്കും.