ചെന്നൈ: തമിഴ്‌നാട്ടിലെ 39 ലോക്‌സഭാ സീറ്റിൽ ഒന്നിൽ പോലും ബി.ജെ.പി വിജയിക്കില്ലെന്ന് വിടുതലൈ ചിരുതൈകൾ കക്ഷി (വി.സി.കെ) നേതാവും പാർലമെൻറംഗവുമായ തോൽ തിരുമാവളവൻ. ലോക്‌സഭ തെരഞ്ഞെടുപ്പ് ഫലം വന്നാൽ ഇൻഡ്യ മുന്നണി പ്രധാനമന്ത്രി സ്ഥാനാർഥിയെ തീരുമാനിക്കുമെന്നും വി.സി.കെ സ്ഥാപക നേതാവ് കൂടിയായ തിരുമാവളവൻ പറഞ്ഞു.
‘ജൂൺ 4ന് പുതിയ പ്രഭാതം പൊട്ടിവിടരും, ഇന്ത്യയെ മൂടിയ ഇരുട്ട് ഒഴിഞ്ഞുമാറും’ -അദ്ദേഹം പറഞ്ഞു. തമിഴ്‌നാട്ടിലെ ദലിത് പ്രശ്നങ്ങളിൽ മുന്നണിപ്പോരാളിയായി കണക്കാക്കപ്പെടുന്ന തിരുമാവളവൻ, ചിദംബരം ലോക്‌സഭാ മണ്ഡലത്തിൽ ഇൻഡ്യ മുന്നണി സ്ഥാനാർഥി കൂടിയാണ്. വി.സി.കെ ജനറൽ സെക്രട്ടറി ഡി. രവികുമാറും ഇത്തവണ ജനവിധി തേടുന്നുണ്ട്. വില്ലുപുരം സിറ്റിങ് എം.പിയായ അദ്ദേഹം അതേ മണ്ഡലത്തിൽ നിന്നാണ് ഇൻഡ്യ മുന്നണി സ്ഥാനാർഥിയായി മത്സരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.