ഡൽഹി വംശീയാക്രമണം: വീ​ട്​ കൊ​ള്ള​യ​ടി​ച്ച്​ തീയിട്ട നാല്​ പ്രതികളെ വെറുതെ വിട്ടു

ന്യൂ​ഡ​ൽ​ഹി: ഡ​ൽ​ഹി വം​ശീ​യാ​ക്ര​മ​ണ കേ​സി​ലെ നാ​ലു​ പ്ര​തി​ക​ളെ വി​ചാ​ര​ണ കോ​ട​തി വെ​റു​തെ വി​ട്ടു. ര​ണ്ട്​ ദൃ​ക്​​സാ​ക്ഷി​ക​ളു​ടെ മൊ​ഴി വി​ശ്വാ​സ​യോ​ഗ്യ​മ​ല്ലെ​ന്ന്​ പ​റ​ഞ്ഞാ​ണ്​ കോ​ട​തി ന​ട​പ​ടി.​ ഡ​ൽ​ഹി വം​ശീ​യാ​ക്ര​മ​ണ​ത്തോ​ട​നു​ബ​ന്ധി​ച്ച്​ ഗോ​കു​ൽ​പു​രി​യി​ൽ അ​ഫ്​​സ​ൽ സൈ​ഫി​യു​ടെ വീ​ട്​ കൊ​ള്ള​യ​ടി​ച്ച്​ തീ​വെ​ച്ച കേ​സി​ലെ പ്ര​തി​ക​ളാ​യ ദി​നേ​ശ്, സാ​ഹി​ൽ, സ​ന്ദീ​പ്, ടി​ങ്കു എ​ന്നി​വ​രെ​യാ​ണ്​ ദൃ​ക്സാ​ക്ഷി മൊ​ഴി​ക​ളി​ൽ സം​ശ​യം തോ​ന്നു​ന്നു​വെ​ന്ന്​ പ​റ​ഞ്ഞ്​ അ​ഡീ​ഷ​ന​ൽ സെ​ഷ​ൻ​സ്​ ജ​ഡ്ജി വീ​രേ​ന്ദ്ര ഭ​ട്ട്​ വെ​റു​തെ വി​ട്ട​ത്. ഗോ​കു​ൽ​പു​രി​യി​ലെ ത​ന്നെ ശു​ഐ​ബി​ന്‍റെ ക​ട കൊ​ള്ള​യ​ടി​ച്ച്​ തീ​വെ​ച്ച കേ​സി​ലും പ്ര​തി​ക​ളാ​ണി​വ​ർ.

സി.​സി.​ടി.​വി ദൃ​ശ്യ​ത്തി​ൽ കാ​ണു​ന്ന ഏ​ഴ്​ പേ​രി​ൽ നാ​ലു​പേ​രെ ഒ​രു ദൃ​ക്​​സാ​ക്ഷി തി​രി​ച്ച​റി​ഞ്ഞി​രു​ന്നു. കൊ​ള്ള​യും തീ​വെ​യ്പും ന​ട​ക്കു​ന്ന സ​മ​യ​ത്ത്​ അ​വ​ർ മു​ഖം മ​റ​ച്ചി​രു​ന്നി​ല്ലെ​ന്നും ദൃ​ക്സാ​ക്ഷി മൊ​ഴി ന​ൽ​കി. മു​ഖം മ​റ​ക്കാ​ത്ത നാ​ല്​ പേ​രെ തി​രി​ച്ച​റി​ഞ്ഞി​രു​ന്നു​വെ​ന്നാ​യി​രു​ന്നു ര​ണ്ടാം ദൃ​ക്സാ​ക്ഷി​യു​ടെ മൊ​ഴി.

എ​ന്നാ​ൽ, സാ​ക്ഷി​ക​ൾ ന​ൽ​കി​യ മൊ​ഴി കോ​ട​തി​യു​ടെ മ​ന​സ്സി​ൽ സം​ശ​യം സൃ​ഷ്​​ടി​ക്കു​ന്ന​താ​ണെ​ന്ന്​ ജ​ഡ്ജി വീ​രേ​ന്ദ്ര ഭ​ട്ട്​ വി​ധി പ്ര​സ്താ​വ​ത്തി​ൽ കു​റി​ച്ചു. ദൃ​ക്​​സാ​ക്ഷി​ക​ൾ പ്ര​തി​ക​ളെ തി​രി​ച്ച​റി​ഞ്ഞ സി.​സി.​ടി.​വി ദൃ​ശ്യം ഡ​ൽ​ഹി പൊ​ലീ​സി​​നെ പ്ര​തി​നി​ധാ​നം​ചെ​യ്യു​ന്ന പ്രോ​സി​ക്യൂ​ഷ​ൻ രേ​ഖ​ക​ളി​ൽ വെ​ക്കാ​ത്ത​തും പ്ര​തി​ക​ളെ വി​ട്ട​യ​ക്കാ​ൻ​ കാ​ര​ണ​മാ​യി കോ​ട​തി നി​ര​ത്തി.