ന്യൂഡല്‍ഹി: മുന്‍ ഇന്ത്യന്‍ ക്രിക്കറ്റ് താരവും ബി.ജെ.പി എം.പിയുമായ ഗൗതം ഗംഭീറും ഡല്‍ഹി മുഖ്യമന്ത്രി അരവിന്ദ് കെജ്രിവാളും തമ്മിലുള്ള സോഷ്യൽ മീഡിയ പോരാട്ടം മുറുകുന്നു. കോവിഡ് ധനസഹായവും പ്രതിരോധ പ്രവർത്തനങ്ങളും സം ബന്ധിച്ച ആരോപണ പ്രത്യാരോപണങ്ങളാണ് ട്വിറ്ററിൽ ചൂടേറിയ ചർച്ചക്ക് വഴിയൊരുക്കുന്നത്.
ഡൽഹിക്ക് നൽകുന ്ന 1000 പി.പി.ഇ (പേഴ്‌സണൽ പ്രൊട്ടക്ഷൻ എക്യുപ്‌മെൻറ്) കിറ്റുകളുടെ ഫോട്ടോസഹിതമുള്ള ഗംഭീറിെൻറ ട്വീറ്റാണ് പുതിയ വിഷയം. "ഞാൻ നൽകിയ വാഗ്ദാനം നിറവേറ്റി. എൽ.എൻ.ജെ.പി ആശുപത്രിക്ക് ഇതാ 1000 പി.പി.ഇ കിറ്റുകൾ. കെജ്രിവാൾ, ഇനി നിങ ്ങൾ ഡൽഹിക്ക് നൽകി വാഗ്ദാനം പാലിക്കേണ്ട സമയമാണ്. ഇനിയും ഉപകരണങ്ങൾ ആവശ്യമുണ്ടെങ്കിൽ എത്തിക്കേണ്ട സ്ഥലവും വി ശദാംശങ്ങളും അറിയിക്കൂ.. " എന്നായിരുന്നു അദ്ദേഹത്തിെൻറ ട്വീറ്റ്.
I have DELIVERED as PROMISED!
— Gautam Gambhir (@GautamGambhir) April 10, 2020
1000 PPE Kits to LNJP Hospital!@ArvindKejriwal now it is time for you to deliver on promises made to Delhi!
More equipment can be acquired. Do let me know place & details! @BJP4Delhi https://t.co/yxzrCpg8TT pic.twitter.com/YkqenL1WtN
നേരത്തെ ഡൽഹി സർക്കാർ ഫണ്ട് അപര്യാപ്തത ചൂണ്ടിക്കാണിച്ചപ്പോൾ ഗംഭീർ രണ്ടുവണകളിലായി എം.പി ഫണ്ടിൽനിന്ന് ഒരു കോടി രൂപ കൈമാറിയിരുന്നു. ഇതുസംബന്ധിച്ച് ട്വീറ്റും ഇട്ടിരുന്നു. "ഡല്‍ഹി മുഖ്യമന്ത്രിയും ഉപമുഖ്യമന്ത്രിയും പണം ആവശ്യമാണെന്ന് പറയുന്നു. നേരത്തെ പ്രാദേശിക വികസന ഫണ്ടില്‍നിന്ന് ഞാന്‍ അനുവദിച്ച 50 ലക്ഷം രൂപ വാങ്ങാന്‍ അവരുടെ ഈഗോ ആനുവദിച്ചില്ല. പക്ഷേ വീണ്ടുമൊരു 50 ലക്ഷം കൂടി അനുവദിക്കുന്നു. നിരപരാധികളായ മനുഷ്യര്‍ സഹിക്കേണ്ടതില്ലല്ലോ. ഈ ഒരു കോടി രൂപകൊണ്ട് മാസ്‌കുകളും വ്യക്തിസുരക്ഷ ഉപകരണങ്ങളും വാങ്ങാം. ഡല്‍ഹിക്ക് അവര്‍ പ്രാധാന്യം നല്‍കുമെന്നാണ് പ്രതീക്ഷ." - എന്നായിരുന്നു ഗംഭീര്‍ ട്വിറ്ററില്‍ കുറിച്ചത്.
ഇതിന് മറുപടിയായി "നന്ദി ഗൗതം ജി, നിങ്ങളുടെ സഹായത്തിന്. പണമല്ല പ്രശ്‌നം, വ്യക്തിസുരക്ഷാ ഉപകരണങ്ങളുടെ ലഭ്യതയാണ്. എവിടെ നിന്നെങ്കിലും അവ ഉടനടി എത്തിക്കാന്‍ സാധിച്ചാല്‍ ഞങ്ങള്‍ നന്ദിയുള്ളവരായിരിക്കും. ഡല്‍ഹി സര്‍ക്കാര്‍ അത് വാങ്ങും" എന്നായിരുന്നു കെജ്രിവാളിെൻറ ട്വീറ്റ്.
Gautam ji, thank u for ur offer. The problem is not of money but availability of PPE kits. We wud be grateful if u cud help us get them from somewhere immediately, Del govt will buy them. Thank u. https://t.co/YtFP4MjYo3
— Arvind Kejriwal (@ArvindKejriwal) April 6, 2020
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.