വോട്ടെണ്ണൽ കാത്ത് കർഷകർ അതിർത്തിയിൽ

​ഹരി​യാ​ന നി​യ​മ​സ​ഭ തെ​ര​ഞ്ഞെ​ടു​പ്പ് ഫ​ലം കാ​ത്താ​ണ് ത​ങ്ങ​ൾ പ​തു​ങ്ങി​യ​തെ​ന്നും സ​മ​രം പൂ​ർ​വാ​ധി​കം ശ​ക്തി​യോ​ടെ തു​ട​രു​മെ​ന്നും സം​സ്ഥാ​ന അ​തി​ർ​ത്തി​യി​ൽ പൊ​ലീ​സ് ത​ട​ഞ്ഞ ക​ർ​ഷ​ക​ർ. ഫ​ലം എ​ന്താ​യാ​ലും ആ​വ​ശ്യ​ങ്ങ​ൾ നേ​ടി​യെ​ടു​ക്കാ​ൻ ഡ​ൽ​ഹി​യി​ലേ​ക്ക് പോ​കു​മെ​ന്നും അ​ത് സ​മാ​ധാ​ന​പ​ര​മാ​യ മാ​ർ​ഗ​ത്തി​ലാ​ക​ട്ടെ​യെ​ന്ന് ക​രു​തി​യാ​ണ് ശം​ഭു, ക​നൗ​രി അ​തി​ർ​ത്തി​ക​ളി​ൽ കാ​ത്തി​രി​ക്കു​ന്ന​തെ​ന്നും ക​ർ​ഷ​ക നേ​താ​വ് തേ​ജ്‍വീ​ർ സി​ങ് പ​റ​ഞ്ഞു. മാ​സ​ങ്ങ​ൾ പി​ന്നി​ട്ടി​ട്ടും ഇ​വി​ടെ ത​മ്പ​ടി​ച്ചി​രി​ക്കു​ന്ന​വ​രു​ടെ സ​മ​രാ​വേ​ശ​ത്തി​ന് കു​റ​വി​ല്ല. നേ​തൃ​ത്വ​ത്തി​ന്റെ തീ​രു​മാ​ന​മ​നു​സ​രി​ച്ച് ആ​ളു​ക​​ളു​ടെ എ​ണ്ണം കു​റ​ച്ചി​ട്ടു​ണ്ട്. ഇ​പ്പോ​ൾ ഹ​രി​യാ​ന​യി​ലെ ക​ർ​ഷ​ക​ർ ബി.​ജെ.​പി സ​ർ​ക്കാ​റി​നെ തോ​ൽ​പി​ക്കാ​നു​ള്ള ശ്ര​മ​ത്തി​ലാ​ണ്. ത​ങ്ങ​ളെ ത​ട​ഞ്ഞി​ട്ട​ത​ട​ക്ക​മു​ള്ള വി​ഷ​യ​ങ്ങ​ൾ അ​വ​ർ ബി.​ജെ.​പി സ്ഥാ​നാ​ർ​ഥി​ക​ളോ​ട് ഉ​ന്ന​യി​ക്കു​ന്നു​ണ്ട്. ഉ​ത്ത​രം ന​ൽ​കാ​ത്ത​വ​രെ പ്ര​ചാ​ര​ണ​ത്തി​ന് അ​നു​വ​ദി​ക്കു​ന്നി​ല്ലെ​ന്നും തേ​ജ്‍വീ​ർ സി​ങ് വി​ശ​ദീ​ക​രി​ച്ചു.

ഡ​ൽ​ഹി വ​ള​ഞ്ഞു​ള്ള ആ​ദ്യ ക​ർ​ഷ​ക സ​മ​രം അ​വ​സാ​നി​പ്പി​ക്കാ​ൻ കേ​​ന്ദ്രം ന​ൽ​കി​യ വാ​ഗ്ദാ​ന​ങ്ങ​ൾ പാ​ലി​ക്കാ​ത്ത​തി​ൽ സം​യു​ക്ത കി​സാ​ൻ മോ​ർ​ച്ച രാ​ഷ്ട്രീ​യേ​ത​ര വി​ഭാ​ഗ​മാ​ണ് ഫെ​​ബ്രു​വ​രി 13ന് ​പ​ഞ്ചാ​ബി​ൽ നി​ന്ന് ഡ​ൽ​ഹി​യി​ലേ​ക്ക് മാ​ർ​ച്ച് ആ​രം​ഭി​ച്ച​ത്. ക​ർ​ഷ​ക​രെ അ​തി​ർ​ത്തി​ക​ളി​ൽ ഹ​രി​യാ​ന പൊ​ലീ​സ് ത​ട​ഞ്ഞ​തോ​ടെ ദി​വ​സ​ങ്ങ​ൾ നീ​ണ്ട ഏ​റ്റു​മു​ട്ട​ലി​ലേ​ക്ക് ന​യി​ച്ചു. ഇ​തി​നി​ടെ, യു​വ ക​ർ​ഷ​ക​ൻ മ​രി​ച്ച​തോ​ടെ ഉ​പ​രോ​ധ സ​മ​രം പ്ര​ഖ്യാ​പി​ച്ച് അ​വി​ടെ തു​ട​രു​ക​യാ​ണ്.

ഹ​രി​യാ​ന നി​യ​മ​സ​ഭ തെ​ര​ഞ്ഞെ​ടു​പ്പി​ലെ നി​ല​പാ​ട് പ്ര​ഖ്യാ​പി​ക്കാ​ൻ ക​ഴി​ഞ്ഞ ദി​വ​സ​ങ്ങ​ളി​ൽ ജി​ന്ദി​ലും പി​പ്ലി​യി​ലും ക​ർ​ഷ​ക സം​ഘ​ട​ന​ക​ൾ മ​ഹാ​സ​മ്മേ​ള​നം വി​ളി​ച്ചി​രു​ന്നു. ബി.​ജെ.​പി​യെ തോ​ൽ​പി​ക്കാ​നും ഡ​ൽ​ഹി ച​ലോ മാ​ർ​ച്ച് തു​ട​രാ​നു​മാ​ണ് സ​മ്മേ​ള​നം തീ​രു​മാ​നി​ച്ച​ത്. അ​ധി​കാ​ര​ത്തി​ലെ​ത്തി​യാ​ൽ അ​തി​ർ​ത്തി തു​റ​ക്കു​ന്ന കാ​ര്യ​ത്തി​ൽ കോ​ൺ​ഗ്ര​സ് നി​ല​പാ​ട് അ​റി​യി​ക്ക​ണ​മെ​ന്നും ക​ർ​ഷ​ക നേ​താ​ക്ക​ൾ വ്യ​ക്ത​മാ​ക്കി​യി​രു​ന്നു. അ​തി​ർ​ത്തി തു​റ​ക്കു​ന്ന​തി​ൽ ക​ർ​ഷ​ക അ​നു​കൂ​ല നി​ല​പാ​ട് സീ​ക​രി​ക്കു​മെ​ന്ന് മു​ൻ മു​ഖ്യ​മ​ന്ത്രി​യും കോ​ൺ​​ഗ്ര​സ് നേ​താ​വു​മാ​യ ഭൂ​പീ​ന്ദ​ർ ഹൂ​ഡ ഉ​റ​പ്പ് ന​ൽ​കി​യി​ട്ടു​ണ്ട്. വി​ള ന​ഷ്ട​പ​രി​ഹാ​രം ഉ​ട​ൻ ന​ൽ​കു​ന്ന​ത​ട​ക്കം ക​ർ​ഷ​ക​ർ​ക്ക് വ​ൻ വാ​ഗ്ദാ​ന​ങ്ങ​ളും കോ​ൺ​ഗ്ര​സ് മു​ന്നോ​ട്ടു​വെ​ച്ചു.

ഒ​ക്ടോ​ബ​ർ എ​ട്ടി​നാ​ണ് തെ​ര​​ഞ്ഞെ​ടു​പ്പ് ഫ​ലം. 15ന് ​ഡ​ൽ​ഹി​യി​ൽ ചേ​രു​ന്ന ക​ർ​ഷ​ക സം​ഘ​ട​ന​ക​ളു​ടെ ജ​ന​റ​ൽ ബോ​ഡി​യി​ൽ ഡ​ൽ​ഹി ​ച​ലോ മാ​ർ​ച്ചി​​​ന്റെ തു​ട​ർ തീ​രു​മാ​ന​ങ്ങ​ളു​ണ്ടാ​കും. ഐ​തി​ഹാ​സി​ക ഒ​ന്നാം കാ​ർ​ഷി​ക സ​മ​ര​ത്തി​ന്റെ നാ​ലാം വാ​ർ​ഷി​ക​മാ​യ ന​വം​ബ​ർ 26ന് ​മാ​ർ​ച്ച് പു​ന​രാ​രം​ഭി​ക്കാ​മെ​ന്ന അ​ഭി​പ്രാ​യ​വും ക​ർ​ഷ​ക സം​ഘ​ട​ന​ക​ൾ​ക്കു​ണ്ടെ​ന്നും നേ​താ​ക്ക​ൾ പ​റ​ഞ്ഞു.