മുംബൈ: മുംബൈയിലേക്ക് പോവുകയായിരുന്ന ഷാലിമാർ എക്‌സ്പ്രസ് ട്രെയിനിൽ വൻ തീപിടിത്തം. മഹാരാഷ്ട്രയിലെ നാസിക് റെയിൽവേ സ്റ്റേഷന് സമീപത്ത് വെച്ചാണ് തീപിടിത്തമുണ്ടായത്.
വിവരമറിഞ്ഞയുടൻ അഗ്നിശമന സേനാംഗങ്ങൾ സ്ഥലത്തെത്തി തീ അണക്കാനുള്ള ശ്രമങ്ങൾ തുടങ്ങിയെന്നും നിലവിൽ തീ നിയന്ത്രണവിധേയമാണെന്നും റെയിൽവേ പൊലീസ് അറിയിച്ചു. തീപിടിത്തമുണ്ടായ ലഗേജ് കമ്പാർട്ട്‌മെന്റ് ട്രെയിനിൽ നിന്ന് വേർപെടുത്തിയിട്ടുണ്ടെന്നും ഉടൻ തന്നെ യാത്ര സുരക്ഷിതമായി പുനരാരംഭിക്കാനാകുമെന്നും പൊലീസ് കൂട്ടിച്ചേർത്തു. എന്നാൽ തീപിടിത്തത്തിന്റെ കാരണം ഇതുവരെ കണ്ടെത്തിയിട്ടില്ലെന്ന് സെൻട്രൽ റെയിൽവേ ചീഫ് പബ്ലിക് റിലേഷൻസ് ഓഫീസർ ശിവാജി എം. സുതാർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.