മുംബൈ: മഹാരാഷ്ട്രയിലെ താനെ ജില്ലയിലുള്ള ബദ്ലാപൂരിൽ ഒരു ഫാക്ടറിയിലുണ്ടായ വാതകച്ചോർച്ച നാട്ടുകാരുടെ ശ്വാസംമുട്ടിച്ചു. വ്യാഴാഴ്ച രാത്രിയോടെയാണ് വാതകം ചോർന്നത്. മണിക്കൂറുകളോളം കടുത്ത ശ്വാസതടസ്സം നേരിട്ടത് നാട്ടുകാരെ പരിഭ്രാന്തിയിലാക്കി. പുക അന്തരീക്ഷത്തിൽ തിങ്ങിനിന്നത് സ്ഫോടന ഭീതിയും സൃഷ്ടിച്ചു. ഒരു മണിക്കൂറിനുള്ളിൽ വാതക ചോർച്ച ഇല്ലാതാക്കിയതായി താനെ മുനിസിപ്പൽ കോർപറേഷൻ അധികൃതർ അറിയിച്ചു.
ഫാക്ടറിയിൽ സൂക്ഷിച്ച സൾഫറിക് ആസിഡും ബെൻസൈൽ ആസിഡും തമ്മിലെ പ്രതിപ്രവർത്തനമാണ് അപകടമുണ്ടാക്കിയതെന്നാണ് സൂചന. മൂന്നു കിലോമീറ്റർ പരിധിയിലാണ് ഫാക്ടറിയിൽനിന്നുള്ള പുക പരന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.