ഹൈദരാബാദ്: സംസ്ഥാനത്ത് ലോക്ക്ഡൗൺ പിൻ‌വലിച്ചതിന് പിന്നാലെ ജൂലൈ 1 മുതൽ വിദ്യാഭ്യാസ സ്ഥാപനങ്ങൾ തുറക്കാൻ തെലങ്കാന സർക്കാർ അനുമതി നൽകി. സംസ്ഥാനത്തെ എല്ലാ വിഭാഗം വിദ്യാഭ്യാസ സ്ഥാപനങ്ങളും വീണ്ടും തുറക്കാനാണ് വിദ്യാഭ്യാസ വകുപ്പ് നിർദേശം നൽകിയിരിക്കുന്നത്.
കോവിഡ് രണ്ടാംതരംഗം വ്യാപകമായതിന് പിന്നാലെ നടപ്പാക്കിയ ഒരു മാസത്തെ ലോക്ക്ഡൗൺ നിയന്ത്രണങ്ങൾ തെലങ്കാന സർക്കാർ കഴിഞ്ഞ ദിവസം പിൻവലിച്ചിരുന്നു. ഇതിന് പിന്നാലെ നിലവിൽ നടപ്പാക്കിയ എല്ലാ നിയന്ത്രണങ്ങൾ നീക്കാനും മന്ത്രിസഭ തീരുമാനിച്ചു.
സംസ്ഥാനത്ത് കോവിഡ് -19 കേസുകൾ കുറഞ്ഞുവെന്നും ഇപ്പോൾ വൈറസ് നിയന്ത്രണത്തിലാണെന്ന ആരോഗ്യ വകുപ്പ് ഉദ്യോഗസ്ഥർ സമർപ്പിച്ച റിപ്പോർട്ടുകൾ പരിശോധിച്ച ശേഷമാണ് നടപടി.സാധാരണക്കാരുടെ ഉപജീവനമാർഗത്തെ ബാധിക്കരുതെന്ന ലക്ഷ്യത്തോടെയാണ് ലോക്ഡൗൺ പിൻവലിച്ചതെന്നും സർക്കാർ വിശദീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.