photo: ndtv
കൊൽക്കത്ത: ദുർഗ പൂജ കമ്മിറ്റികൾക്ക് സംസ്ഥാന സർക്കാർ 50,000 രൂപ വീതം നൽകുമെന്ന് പശ്ചിമ ബംഗാൾ മുഖ്യമന്ത്രി മമത ബാനർജി. ദുർഗ പൂജക്ക് മുന്നോടിയായി 80,000 തെരുവുകച്ചവടക്കാർക്ക് 2000 രൂപ വീതം ഒറ്റത്തവണ സഹായവും നൽകും. ഒക്ടോബർ 22 മുതൽ ഒരാഴ്ചക്കാലമാണ് പൂജ നടക്കുക. പശ്ചിമ ബംഗാളിലെ ഏറ്റവും വലിയ ഉത്സവങ്ങളിലൊന്നാണിത്.
കോവിഡ് സാഹചര്യത്തിൽ പൂജക്ക് വേണ്ടി ഒരുക്കുന്ന പന്തൽ നാല് വശങ്ങളിലും തുറന്നതായിരിക്കണമെന്നും മുഖ്യമന്ത്രി നിർദേശിച്ചു. പന്തലുകളുടെ പ്രവേശനകവാടങ്ങളിൽ സാനിറ്റൈസറുകൾ സ്ഥാപിക്കണം. മാസ്ക് ധരിക്കുകയും ശാരീരിക അകലം പാലിക്കുകയും ചെയ്യണം. പന്തലുകളിൽ സാംസ്കാരിക പരിപാടികൾ സംഘടിപ്പിക്കരുതെന്നും മമത ബാനർജി അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.