ശ്രീനഗർ: സുരക്ഷാ സേനക്ക് നേരെ ഭീകരർ നടത്തിയ ഗ്രനേഡ് ആക്രമണത്തിൽ ആറ് സി.ആർ.പി.എഫ് ജവാന്മാർക്ക് പരിക്ക്. കരൺ നഗറി ലെ കാകസാരായി മേഖലയിൽ ശനിയാഴ്ച വൈകീട്ട് 6.50ഓടെയാണ് ആക്രമണം.
കരൺ നഗർ പൊലീസ് സ്റ്റേഷന് നേരെയാണ് ഗ്രനേഡ് ആക്രമണമുണ്ടായത്. പിന്നാലെ വെടിവെപ്പുമുണ്ടായി. തുടർന്ന് ഭീകരർക്ക് നേരെ സി.ആർ.പി.എഫും വെടിയുതിർത്തു.
പരിക്കേറ്റ ജവാന്മാരെ എസ്.എം.എച്ച്.എസ് ആശുപത്രിയിൽ പ്രവേശിപ്പിച്ചു. ഭീകരർക്കായി പ്രദേശത്ത് തെരച്ചിൽ ശക്തമാക്കി.
ജമ്മു കശ്മീരും ലഡാക്കും കേന്ദ്ര ഭരണ പ്രദേശങ്ങളായി പ്രഖ്യാപിക്കുന്നതിന് ഏതാനും ദിവസങ്ങൾ മാത്രം ശേഷിക്കെയാണ് ആക്രമണം. ഒക്ടോബർ 31നാണ് ഔദ്യോഗിക പ്രഖ്യാപനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.