അഹമ്മദാബാദ്: ഗുജറാത്ത് മുഖ്യമന്ത്രി വിജയ് രൂപാനിയുടെ വീടിന് മുന്നിൽ പ്രതിഷേധം നടത്തിയ സംഭവത്തിൽ കോൺഗ്രസ് സ്ഥാനാർഥി ഉൾപ്പടെ മൂന്ന് പേരെ പൊലീസ് അറസ്റ്റ് ചെയ്തു. കോൺഗ്രസ് സ്ഥാനാർഥി ഇന്ദ്രാനി രാജ്യഗുരുവിനെ ബി.ജെ.പി പ്രവർത്തകർ ആക്രമിച്ചതിനെ തുടർന്നാണ് പ്രതിഷേധവുമായി കോൺഗ്രസ് നേതാക്കൾ രംഗത്തെത്തിയത്.
രാജ്കോട്ട് വെസ്റ്റ് കോൺഗ്രസ് സ്ഥാനാർഥി രാജ്യഗുരു, ഇൗസ്റ്റ് സ്ഥാനാർഥി മിതുൽ േഡാങ്കയും മറ്റൊരു പാർട്ടി പ്രവർത്തകനുമാണ് പിടിയിലായത്. പോസ്റ്റർ കീറിയത് സംബന്ധിച്ച തർക്കമാണ് കോൺഗ്രസ് ^ബി.ജെ.പി സംഘർഷത്തിലേക്ക ് നയിച്ചത്. സംഘർഷത്തിൽ കോൺഗ്രസ് സ്ഥാനാർഥി രാജ്യഗുരുവിെൻറ സഹോദരനും പരിക്കേറ്റിരുന്നു. പരിക്കേറ്റ കോൺഗ്രസ് പ്രവർത്തകരെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു.
ഡിസംബർ ഒമ്പതിന് നടക്കുന്ന തെരഞ്ഞെടുപ്പിൽ രാജ്കോട്ട് വെസ്റ്റ് മണ്ഡലത്തിൽ നിന്ന് ഗുജറാത്ത് മുഖ്യമന്ത്രി വിജയ് രുപാനിക്കെതിരെയാണ് രാജ്യഗുരു മൽസരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.