ഗ്യാൻവ്യാപി പള്ളി: രേഖകൾ പരിശോധിച്ച ശേഷം ഹരജി പരിഗണിക്കാമെന്ന് സുപ്രീംകോടതി

ന്യൂ​ഡ​ൽ​ഹി: കാ​ശി വി​ശ്വ​നാ​ഥ ക്ഷേ​ത്ര​ത്തി​ന​ടു​ത്ത ഗ്യാ​ൻ​വാ​പി പ​ള്ളി​യി​ൽ സ​ർ​വേ ന​ട​ത്താ​നു​ള്ള നീ​ക്കം ത​ട​യ​ണ​മെ​ന്നും ത​ൽ​സ്ഥി​തി തു​ട​രാ​ൻ ഉ​ത്ത​ര​വി​ട​ണ​മെ​ന്നു​മു​ള്ള ആ​വ​ശ്യ​ത്തി​ൽ രേ​ഖ​ക​ൾ പ​രി​ശോ​ധി​ച്ച ശേ​ഷം തീ​രു​മാ​ന​മെ​ടു​ക്കാ​മെ​ന്ന് സു​പ്രീം​കോ​ട​തി. മ​സ്ജി​ദി​ൽ സ​ർ​വേ ന​ട​ത്താ​ൻ അ​നു​വ​ദി​ച്ചു സി​വി​ൽ കോ​ട​തി ഉ​ത്ത​ര​വി​നെ​തി​രെ പ​ള്ളി പ​രി​പാ​ലി​ക്കു​ന്ന അ​ന്‍ജു​മാ​ന്‍ ഇ​ന്‍തെ​സാ​മി​യ മ​സ്ജി​ദ് ക​മ്മി​റ്റി​യാ​ണ് ഹ​ര​ജി ന​ല്‍കി​യി​രി​ക്കു​ന്ന​ത്. കേ​സി​നെ കു​റി​ച്ച് ധാ​ര​ണ​യി​ല്ലെ​ന്നും, രേ​ഖ​ക​ൾ പ​രി​ശോ​ധി​ച്ച ശേ​ഷം ഹ​ര​ജി ലി​സ്റ്റ് ചെ​യ്യാ​മെ​ന്നും ചീ​ഫ് ജ​സ്റ്റി​സ്​ എ​ൻ.​വി. ര​മ​ണ അ​റി​യി​ക്കു​ക​യാ​യി​രു​ന്നു.

ആ​രാ​ധ​ന കേ​ന്ദ്ര​ങ്ങ​ളു​മാ​യി ബ​ന്ധ​​പ്പെ​ട്ട നി​യ​മ​പ​രി​ധി​യി​ല്‍ വ​രു​ന്ന പ​ള്ളി​യാ​ണ്​ ഗ്യാ​ൻ​വാ​പി. അ​വി​ടെ സ​ര്‍വേ ന​ട​ത്താ​ന്‍ അ​നു​മ​തി ന​ല്‍കാ​നാ​വി​ല്ല. എ​ന്നാ​ല്‍, കീ​ഴ്‌​കോ​ട​തി സ​ര്‍വേ​ക്കാ​യി അ​ഭി​ഭാ​ഷ​ക ക​മീ​ഷ​നെ നി​യ​മി​ച്ചി​രി​ക്കു​ന്നു. ഇ​ത് ശ​രി​യാ​യ ന​ട​പ​ടി​യ​ല്ല. ത​ല്‍സ്ഥി​തി തു​ട​രാ​ന്‍ കോ​ട​തി അ​ടി​യ​ന്ത​ര​മാ​യി ഉ​ത്ത​ര​വി​ട​ണ​മെ​ന്നും അ​ഭി​ഭാ​ഷ​ക​ന്‍ വാ​ദി​ച്ചു. അ​റി​യാ​ത്ത വി​ഷ​യ​ത്തി​ല്‍ എ​ങ്ങ​നെ ഉ​ത്ത​ര​വി​ടാ​ന്‍ പ​റ്റു​മെ​ന്ന് ചോ​ദി​ച്ച ചീ​ഫ് ജ​സ്റ്റി​സ് ആ​ദ്യം കേ​സി​ന്റെ രേ​ഖ​ക​ള്‍ പ​രി​ശോ​ധി​ക്ക​ട്ടെ എ​ന്ന്​ അ​റി​യി​ക്കു​ക​യാ​യി​രു​ന്നു.

ഗ്യാ​ൻ​വാ​പി പ​ള്ളി കോം​പ്ല​ക്സി​ൽ വി​ഡി​യോ സ​ർ​വേ​ക്ക്​ നി​യോ​ഗി​ച്ച അ​ഭി​ഭാ​ഷ​ക ക​മീ​ഷ​നെ മാ​റ്റാ​ൻ ക​ഴി​ഞ്ഞ ദി​വ​സം സി​വി​ൽ കോ​ട​തി വി​സ​മ്മ​തി​ച്ചി​രു​ന്നു. മേ​യ്​ 17ന​കം സ​ർ​വേ പൂ​ർ​ത്തി​യാ​ക്കി റി​പ്പോ​ർ​ട്ട്​ ന​ൽ​കാ​ൻ കോ​ട​തി അ​ഭി​ഭാ​ഷ​ക ക​മീ​ഷ​ന്​ നി​ർ​ദേ​ശം ന​ൽ​കു​ക​യു​ണ്ടാ​യി. ഇ​തി​ന്​ പി​ന്നാ​ലെ​യാ​ണ്​ പ​ള്ളി പ​രി​പാ​ല​ന ക​മ്മി​റ്റി സു​പ്രീം​കോ​ട​തി​യെ സ​മീ​പി​ച്ച​ത്. അതിനിടെ, വി​ഡി​യോ സ​ർ​വേ​ ശനിയാഴ്ച തുടങ്ങുമെന്ന് ജില്ല മജിസ്ട്രേറ്റും സർവേയുമായി സഹകരിക്കുമെന്ന് മ​സ്ജി​ദ് ക​മ്മി​റ്റി​യും അറിയിച്ചു.