ചണ്ഡിഗഢ്: യുവതിയെ കാറിൽ പിന്തുടർന്ന സംഭവത്തിൽ ഹരിയാന ബി.ജെ.പി അധ്യക്ഷൻ സുഭാഷ് ബറലയുടെ മകനും സുഹൃത്തും അറസ്റ്റിൽ. വികാസ് ബറല (23), ആശിഷ് കുമാർ (22)എന്നിവരാണ് വെള്ളിയാഴ്ച രാത്രി ചണ്ഡിഗഢിലെ മധ്യമാർഗിൽനിന്ന് പിടിയിലായത്.
അർധരാത്രി 12.35ഒാടെയാണ് സംഭവം. കാറിൽ സഞ്ചരിക്കുകയായിരുന്ന യുവതിക്കുപിന്നാലെ ഇരുവരും മറ്റൊരു കാറിൽ പിന്തുടരുകയായിരുന്നു. യുവാക്കൾ കാറിൽ പിന്തുടരുന്നത് മനസ്സിലാക്കിയ യുവതി ഫോണിൽ പൊലീസ് കൺട്രോൾ റൂമിൽ വിവരമറിയിച്ചു. അവിടെ നിന്നെത്തിയ പൊലീസാണ് യുവാക്കെള പിടികൂടിയത്. ഇരുവരും മദ്യലഹരിയിലായിരുന്നുവെന്നും ഇക്കാര്യം മെഡിക്കൽ പരിശോധനയിൽ സ്ഥിരീകരിച്ചതായും പൊലീസ് പറഞ്ഞു. ഇരുവരെയും മജിസ്ട്രേറ്റിനു മുന്നിൽ ഹാജരാക്കി മൊഴിയെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.